Joriy yilning mart oyida “Ipak yo‘li” turizm va madaniy meros xalqaro universitetida “Ilmiy tadqiqotlar” bo‘limi tomonidan talabalar uchun e’lon qilingan “Eng yaxshi innovatsion loyihalar” tanlovi 12-iyun kuni universitetning 108-xonasida o‘tkazildi. Unda talabalar tomonidan topshirilgan loyihalarning taqdimoti komissiya a’zolari ishtirokida ko‘rib chiqildi.

Tanlovdagi loyihalar 3ta yo‘nalish bo‘yicha qabul qilindi. Bular amaliy loyihalar, startap loyihalari va ilmiy loyihalar. Ishtirokchilar tanlovda jamoa bo‘lib va yakka tartibda ishtirok etishdi.

Tanlov yakuniga ko‘ra 3ta o‘rin aniqlanib, eng yaxshi deb topilgan loyiha mualliflari 1-oʻringa “Bazaviy stipendiya miqdori”ning 3 baravari, 2-oʻringa 2 barobari va 3-o‘ringa 1 barobari miqdorida pul mablag‘lari  va sertifikatlar topshiriladi.