Joriy yilning 24-27-noyabr kunlari “Ipak yoʻli” turizm xalqaro universitetida “Markaziy Osiyoda barqaror turizm modeli: imkoniyatlar, hamkorlikni rivojlantirish, texnologiyalarni joriy etish” loyihasi doirasida onlayn-vebinar boʻlib oʻtdi.

Tadbir Samarqand viloyati turizmni rivojlantirish departamenti, Oʻzbekiston xususiy turizm tashkilotlari assotsiatsiyasi va “Markaziy Osiyoda barqaror turizm modeli: imkoniyatlar, hamkorlikni rivojlantirish, texnologiyalarni joriy etish” loyihasining sherigi boʻlgan “Ipak yoʻli” turizm xalqaro universiteti tomonidan tashkil etildi.

Toʻrt kun ichida Evropa Ittifoqi mamlakatlarining vakolatli mutaxassislari va ekspertlaridan tashkil topgan professor-oʻqituvchilar tarkibi onlayn mashgʻulotlar orqali ekologik sertifikatlash masalalari va “yashil texnologiyalar”ni joriy etish maqsadlari toʻgʻrisida oʻquv ishtirokchilarining xabardorligini oshirish uchun barcha sa’y-harakatlarni amalga oshirildi. Soha mutaxassislari turizm korxonalarida atrof-muhitni boshqarish mavzularida qoʻshimcha bilimlarga ega boʻlishdi. Bu shuni anglatadiki, O'zbekiston Respublikasida mehmonxona biznesida “barqaror turizm” darajasi va “yashil texnologiyalar”ni tatbiq etish darajasi muttasil o'sib boradi.