26-yanvar kuni, “Ipak yo‘li” turizm xalqaro universiteti Xotin-qizlar masalalari bo‘yicha rektor maslahatchisi M.Abbasova tomonidan O‘zbekiston Respublikasi Prezidenti Shavkat Mirziyoyevning Oliy Majlisga Murojaatnomasida davlat va jamiyat boshqaruvida ayollarning o‘rni va mavqeini yanada mustahkamlash masalalarini muhokama qilish maqsadida katta yig‘ilish chaqirildi. “Davlat va jamiyat boshqaruvida ayollarning o‘rni va mavqeini yanada mustahkamlash – islohotlarimizning eng ustuvor yo‘nalishlaridan biridir” shiori ostida bo‘lib o‘tgan Xotin-qizlar maslahat kengashining 5-son majlisining kun tartibiga dolzarb masalalar quyildi. Bular:

1. Yangi O‘zbekiston – maktab ostonasidan, ta’lim-tarbiya tizimidan boshlanadi.

Ma’ruzachi: “Ipak yo‘li” turizm xalqaro universiteti Internatsionalizatsiya va strategik rivojlantirish masalalari bo‘yicha birinchi prorektori prof. J.D. Eltazarov.

2. O‘zbekiston Respublikasi Prezidenti Shavkat Mirziyoyevning Oliy Majlisga Murojaatnomasida davlat va jamiyat boshqaruvida ayollarning o‘rni va mavqeini yanada mustahkamlash masalalari.

Ma’ruzachi: Universitet xotin-qizlar kengashi maslahatchisi M.S.Abbasova.

3. Notinch oilalar bilan ishlash va bunday oilalarda yashayotgan talaba-qizlarga alohida e’tibor qaratish, ularning bo‘sh vaqtini mazmunli o‘tkazilishini ta’minlash.

Ma’ruzachi: “Turizm menejmenti” fakulteti “O‘zbek tili va adabiyoti hamda ijtimoiy fanlar” kafedrasi o‘qituvchisi t.f.d. (PhD) M. Siddiqova.

4. Universitetda mehnat qilayotgan xotin-qizlardan iqtidorli, salohiyatli xodimlarni aniqlab, ulardan zahira kadrlarni shakllantirish.

Ma’ruzachi: Kadrlar bo‘limi boshlig‘i A.Xolbayev

5. Har xil masalalar. Universitet ichki Nizomi asosidagi ijro intizomi masalalari.

Ma’ruzachilar: Universitet huquqshunosi O.Abdusamiyev, Xo‘jalik ishlari bo‘yicha prorektor – A.Gadoyev, Kasaba uyushmasi raisi – S.Matlabov, Yoshlar bilan ishlash bo‘yicha dekan o‘rinbosari – S.Haydarov.