Yangiliklar: Dekabr 2024

“Ma’rifat ulashib” loyihasi doirasida tashkil etilgan uchrashuvda shoir Islomjon Qo‘chqorov o'z ijodidan eng sara asarlarini talaba-yoshlarga o'qib berdi.

Shoir talabalarga o’z hayot yo’li, yoshlarni ilm olishi muhimligi, maqsadlarni to’g’ri qo’yishni va bunga erishish uchun nimalar qilish lozimligi to’g’risida gapirdi.  Talaba-yoshlar shoir ijodidan bahramand bo'lishdi. Tadbir ishtirokchisi bo‘lgan talaba-yoshlar oʻzlarini qiziqtirgan savollarga javoblar olishdi va shoirning ijodlaridan o’qib berishdi.

“Ma’rifat ulashib” loyihasi doirasida tashkl etilgan uchrashuvda shoir Humoyun Akbar oʻzining hayoti va ijodi haqida gapirib berdi. Shoir talaba-yoshlar bilan samimiy muloqot qilib, o‘zining talabalik davrlarini yodga oldi va muvaffaqiyatga erishish sirlari bilan bo’lishdi. 

Talaba-yoshlar shoirning faoliyati, ijodiga bir qator  savollarbga javob olishdi hamda  idojga mehr qo‘ygan talaba-yoshlar oʻzlarini qiziqtirgan savollarga javoblar olish bilan birga shoir ijodidan namunalar o’qib berishdi.

“Ma’rifat ulashib” loyihasi doirasida tashkil etilgan uchrashuvda O‘zbekiston xalq yozuvchisi Muhammad Ali  oʻzining hayoti va ijodi haqida maʼlumot berdi. Talaba-yoshlar o'zlarini qiziqtirgan savollarga javob olishdi va shoir ijodidan bahramand bo'lishdi.

Shuningdek, tadbir davomida talabalar oʻzlarini qiziqtirgan savollarga javoblar olishdi va shoirning ijodlaridan namunalar o’qib berishdi.

Kuni kecha 12-dekabr kuni universitetimizga “Ma’rifat ulashib” loyihasi doirasida tashrif buyurgan shoir va yozuvchilar bilan “Adabiy kecha" va “She'riy mushoira" kabi qator ma’naviy ma’rifiy tadbirlar, uchrashuvlar tashkil qilindi. Loyiha doirasida universitetimiz talabalari bilan O‘zbekiston xalq yozuvchisi Muhammad Ali, yozuvchi Humoyun Akbar, iqtidorli shoir Islomjon Qo‘chqorovlarning muloqoti tashkil qilindi.

Joriy yilning 25-30 noyabr kunlari Xitoyning Sun Yatsen universitetining 100 yilligi munosabati bilan ushbu universitetda “UNESCO UNITWIN 2024” 8-konferensiyasi bo'lib o'tdi.

YUNESKOning “Ipak yo‘llari bo‘ylab barqaror meros turizmi” kafedrasi hamkori sifatida professor T.Zou ushbu konferensiyada “Ipak yo‘li madaniy merosi: ijtimoiy konstruksiya va turli munozaralarda tanqid” mavzusida ma’ruza qildi. Professor o‘z ma’ruzasida Markaziy Osiyo tomonidan Ipak yo‘lining turli ijtimoiy tuzilmalari tahlil qilindi. Ma’ruza Xitoy, Rossiya, AQSh, Turkiya, Hindiston, Yaponiya va Koreyadan tashrif buyurgan  UNESCO UNITWIN a'zolari bo‘lgan olimlar tomonidan katta muhokama va munozaralarga sabab bo‘ldi.

Shuningdek 1-dekabr kuni Sun Yatsen universiteti Turizm maktabi tomonidan Turizm ta’limi bo‘yicha 1-global dekanlar forumi tashkil qilindi. Professor Tongsyan Zou ushbu forumda “Markaziy Osiyoda oliy turizm ta’limi: hozirgi holat va kelajak yo‘nalishlari” mavzusidagi ma’ruzasi bilan ishtirok etdi.

Ahamiyatlisi, ushbu ma’ruza ham dunyoning 20 dan ortiq davlati turizm kollejlari va universitetlari dekanlari va rektorlarida katta qiziqish uyg‘otdi.

"Ipak yo‘li" turizm va madaniy meros xalqaro universitetiga Yaponiyaning nufuzli oliy ta’lim muassasalaridan biri Wakayama universiteti delegatsiyasi tashrif buyurdi. Delegatsiyaga ushbu universitet qoshidagi Turizm tadqiqotlar markazi rahbari Etsuko Xigashi xonim boshchilik qildi.

Delegatsiya vakillari bilan tashkil etilgan uchrashuv davomida universitetimiz talabalari tomonidan almashinuv dasturi, magistratura boshqichida tahsil olish mezonlari, xalqaro talabalarga mo‘ljallangan ta’lim dasturlari, grant imkoniyatlari va qabul jarayonlari haqidagi berilgan savollariga Wakayama universiteti vakillari batafsil javob berishdi.

Shuningdek, hamkorlikda "Yaponiyalik sayyohlarning O‘zbekiston haqidagi tasavvurlari” mavzusida olib borilayotgan loyihada amalga oshiriliyatgan ishlar yuzasidan ma’lumot almashildi. Ushbu loyiha O‘zbekiston turizm salohiyati, madaniy merosi, madaniyati va milliy qadriyatlarini Yaponiyada keng targ’ib qilish orqali O’zbekistonga tashrif buyuruvchi yaponiyalik sayyohlar sonini oshirishga qaratilgan.

Tashrif yakunida Wakayama universiteti delegatsiyasi universitet kampusi va UNWTO Samarqand turizm akademiyasi infratuzilmasi bilan yaqindan tanishtirildi.  

TANLOVDA FAOL BO‘LING VA MUVAFFAQIYАTGA ERISHING

O‘zbekiston Respublikasi Oliy ta’lim, fan va innovatsiyalar vazirligining (38-q/q) hamda O‘zbekiston Yozuvchilar uyushmasining (01-03/857)-sonli 2024-yil 9-oktabrdagi qo‘shma qarori ijrosi yuzasidan “Ipak yo‘li” turizm va madaniy meros xalqaro universiteti talaba-yoshlari o‘rtasida “Ma’rifat maydoni”, “Yurtim qadriyatlari” ko‘rik-tanlovlarini o‘tkazishini e’lon qiladi.

Ishtirok etishni istagan talabalar universitet Yoshlar yetakchisi S.Haydarovga murojat qilishlari so‘rladi.

Universitetimiz Turizm kafedrasi mudiri Akmaljon Odilov hamda O’quv jarayonini rejalashtirish va rivojlantirish bo’limi boshlig’i Muhammadmurod Yorqulov ayni kunlarda Indoneziyada xizmat safarida bo’lib turibdi. Xizmat safari davomida Indoneziya turizm salohiyati o’rganilmoqda hamda turizm sohasiga ma’sul hukumat, xususiy sektor va oliy ta’lim muassasalari vakillari uchrashuvlar o’tkazilmoqda.

Safar davomida ortirilgan tajriba asosida kelgusida universitetni, davlat va xususiy sektorni rivojlantirishda foydalaniladi.

Innovatsion rivijlanish agentligi huzuridagi ilmiy-texnik axborot markazi, Turkiyaning “Mikro Information Handling and Distribution FZE” kompaniyasi tomonidan 2024-yil 18-dekabr kuni soat 15:00da ushbu kompaniya hamda Innovatsion rivojlanish agentligi huzuridagi Ilmiy-texnik axborot markazi hamkorligida Innovatsion rivojlanish agentligi ma’muriy binosida (Olmazor tumani, Universitet ko‘chasi 7-uy) seminar trening tashkil etiladi. Seminarda qiziqish bildirgan xodimlar quyidagi havola orqali ro‘yxatdan o‘tishlari mumkin.

Respublika miqyosida turizm sohasini yanada rivojlantirish hamda iqtisodiyotning asosiy bo‘g‘inlaridan biriga aylantirishda, gastronomik turizm, ziyorat turizmi, eko turizm, agro turizm, sport turizmi va boshqa shu kabi turizm sohalarining taraqqiy etishi muhim ahamiyat kasb etadi. Ayniqsa, bugungi kunda rivojlanib borayotgan axborot texnologiyalari, innovatsion g‘oyalarning o‘rni beqiyos.

Shu maqsadda turizm sohasida yoshlarning innovatsion g‘oyalarini rivojlantisirsh hamda amaliyotda joriy qilishga ko‘maklashish maqsadida “Ipak yo‘li” turizm va madaniy meros xalqaro universiteti 2024-yil 17- dekabr kuni bo‘lib o‘tadigan “Turizm sohasidagi eng yaxshi startap loyihasi” ko‘rik-tanlovini e’lon qiladi.

Startap loyihasiga qo‘yiladigan shartlar:

- 1, 2, 3 va 4-kurslar orasidagi startap ijrochilarining yoshi 30 dan oshmasligi;

- 1 ta jamoa 1 ta loyiha bilan ishtirok etishi (jamoa aʼzolari soni 3 nafardan oshmasligi lozim);

- Startap loyihalarini amalga oshirishning eng uzoq muddati bir yil boʻlishi.

- Loyihani moliyaviy asoslab berish; unga ketadigan material, materiallarning narxi va shu narxda qayerdan sotib olinishi mumkinligi haqidagi ma’lumot.

Ushbu loyiha yoshlarga quyidagi imkoniyatlarni taqdim etadi:

- Startap yaratish bo‘yicha bilimlarni mustahkamlash.

- Loyihaning samarali taqdimotini tashkil etish hamda investor jalb qilish.

- Innovatsion startap taqdimotlari bilan tanishish.

- Qizg‘in muhokamalarda ishtirok etish va boshqalar.

Ishtirokchilar quyidagi manzil orqali bog‘lanib, 15-dekabrgacha registratsiyadan o‘tishi lozim. Startaplar taqdimoti 17-dekabr kuni soat 14:00 da “Ipak yo‘li” turizm va madaniy meros xalqaro universiteti faollar zalida bolib o‘tadi.

Murojaat uchun:

Universitet yoshlar yetakchisi S.Haydarov

+99899 446 59 46