27-mart kuni “Ipak yo‘li” turizm va madaniy meros xalqaro universiteti xotin-qizlar qo‘mitasi raisi M.Abbasova, “Til va global tadqiqotlar” kafedrasi o‘qituvchisi N.Xalimova, “Tarix va madaniy meros” kafedrasi o‘qituvchisi K.Akramovalar ishtirokida Samarqand Turizm texnikumi o‘qituvchilari uchun seminar tashkil etildi. Dastlab seminarda bugungi kunda Samarqand Turizm texnikumida o‘quvchi-qizlarning ta’lim-tarbiya borasidagi ishlarini yanada jonlantirish, ta’lim muassasida faoliyat olib borayotgan o‘qituvchilardan hamda xodimlardan iborat xotin-qizlarni har tomonlama qo‘llab-quvvatlash kabi dolzarb masalalarga to‘xtalib o‘tildi.

Shundan so‘ng tadbirning asosiy qismi zamonaviy pedagogik texnologiyalarni ta’lim jarayoniga tadbiq etish va bu borada turli mavzularda seminarlar, namunali darslarni ko‘paytirish xususida gapirildi. Kafedra o‘qituvchilari tomonidan o‘z fani bo‘yicha zarur tavsiyalar berilib savollarga javob qaytarildi. 

2024-yil 30-mart kuni soat 10:00 da Samarqand shahri Registon maydonida “Ichki turizm yarmarkasi” o‘tkaziladi. Ushbu yarmarkaga ichki turizm sohasida faoliyat yurutivchi turoperatorlar, turagentlar, joylashtirish vositalari (mehmonxona, hostel, mehmon uyi) va boshqa turizm sohasi vakillarini o‘zari hamkorligini yo‘lga qo‘yish maqsad qilingan.

Shuningdek tadbir doirasida turizm va madaniy meros sohalarini yosh kadrlar bilan ta’minlash maqsadida  “Ipak yo‘li” turizm va madaniy meros xalqaro universiteti hamda viloyatda faoliyat yuritayotgan korxona va tashkilotlar hamkorligida “Career-2024” mehnat yarmarkasi ham bo‘lib o‘tadi.

Spiker: Doktor Temur Mirzaev

Turizm laboratoriyasi bosh direktori; ilmiy xodim

O‘zbekiston Respublikasi Turizm va madaniy meros vazirining sobiq maslahatchisi.

Mavzu: Turistik mahsulotni diversifikatsiya qilish: Mintaqaviy rivojlanish dasturlari, Destinatsiya brendingi.

Moderator: “Ipak yo‘li” turizm va madaniy meros xalqaro universiteti prorektori va professori Tony Zou.

O‘tkazilish joyi: 229-ma’ruza zali

Vaqt: 14:00 - 15:00, 2024 yil 28 mart (payshanba)

Bugungi kunda “Ipak yo‘li” turizm va madaniy meros xalqaro universiteti hududida minglab turli xildagi manzarali daraxt ko‘chatlari parvarish qilib kelinayapti. Joriy yilning 27-mart kuni bahorning bugungi iliq kunlarida bir guruh universitetimiz va viloyat Ekologiya boshqarmasi xodimlari ishtirokida yana manzarali daraxt ko‘chatlari ekildi. Universitetimiz hududida “Yashil makon” umummilliy loyihasi doirasida 1500 tupdan ortiq mevali va manzarali ko‘chatlar hamda 500 dona har-xil turdagi gul ko‘chatlarini ekildi.

Joriy yilning mart oyida universitetimiz “Turizm” kafedrasi o‘qituvchisi Muslima Amriddinova Koreyaning Seul va Tejon shaharlaridagi bir nechta nufuzli universitetlari, jumladan Hankuk xorijiy tadqiqotlar universiteti hamda Vosong universitetlari bilan kafedra professor-o‘qituvchilari uchun ilmiy ishlarda hamkorlik qilish, ochiq darslar tashkil qilish hamda qo‘shma konferensiyalar tashkillashtirish bo‘yicha fikr almashdi.

 Shuningdek Korea universitetlariga safar davomida O‘zbekiston Respublikasi Prezidentining 12.01.2024 yildagi PQ-19-son qarorida keltirilgan xorijiy davlatalardagi O‘zbekiston tarixi va madaniyati, o‘zbek tili va adabiyotini o‘rganishni keng targ‘ib qilish orqali turistlar oqimini ko‘paytirish maqsadida ushbu davlatlarning ta’lim va ilmiy tashkilotlarida markazlar va kafedralar faoliyatini yo‘lga qo‘yish bo‘yicha belgilangan topshiriq ijrosi bo‘yicha muloqotlar o‘tkazdi.

Bugun 27-mart kuni universitetimiz faollar zalida universitetimizning birinchi prorektori D.Nasimovning birinchi bosqich talabalar bilan muloqoti o‘tkazildi. Muloqotni universitet Yoshlar bilan mahallabay ishlash va tadbirlar bo‘limi boshlig‘i N.Abduvoxidova olib bordi. Dastlab uchrashuvda so‘z olgan oliygoh birinchi prorektori ushbu uchrashuvdan ko‘zlangan maqsad va vazifalarga to‘xatalib, bugungi kunda talabalarimiz uchun universitetimizda turizm va madaniy meros sohalarida malakali mutaxassislar tayyorlash maqsadida yaratilgan shart-sharoitlar va imkoniyatlar xususida gapirdi. Shundan so‘ng talabalarimiz tomonidan “Zakovat” intellektual o‘yinlari uchun shart-sharoitlar yaratish, universitetimizdagi musiqaga iqtidori bor bo‘lgan talabalari uchun musiqiy asboblar olish, arab tilida qo‘shimcha to‘garaklarni tashkil qilish kabi savollariga mutasaddilar tomonidan javob qaytarildi. Shuningdek universitetimiz ma’sullari ham talabalarning dars jarayonlariga e’tiborli bo‘lishi, kutubxonadagi kitoblardan samarali foydalanish kabilar bo‘yicha o‘z tavsiyalarini berishdi.

“Ipak yo‘li” turizm va madaniy meros xalqaro universiteti talabalarining bilim va malakasini yanada oshirish maqsadida Vakayama universiteti yozgi maktab-2024 dasturini e’lon qildi. Ushbu dasturda yapon tili va yapon madaniyatini o'rganish bundan tashqari Yapon madaniy merosi bo‘lgan  Koyasan tarixiy obe’ktiga tashrif buyurish, muloqot kursini o'tash va qandolat mahsulotlarini tayyorlash mahorat darslari o‘rgatilishi ko‘zda tutilgan.

Dastur davomiyligi: Bir haftalik ya’niy 2024 yil 16 iyul – 22 iyulgacha.

Dastur narxi: 10 000 yen

Arizalarni qabul qilish muddati: 2024-yil 10-aprel

Batafsil ma'lumot uchun Telegramga murojaat qiling: +998930045100

26-mart kuni “Ipak yo'li” turizm va madaniy meros xalqaro universitetining Axborot resurs markazida universitet xotin-qizlar kengashi tomonidan universitetda faoliyat yuritayotgan professor-o‘qituvchilar va xodimlarning farzandlari uchun "Kitobxonlik oiladan boshlanadi, kitobxon ona-kitobxon bola" mavzusida tadbir tashkil etildi.

Tadbirni universitet xotin-qizlar kengashi raisi M.Abbasova ochib berdi va yosh kitobxonlarga o‘z tavsiyalarini berdi. Kitobxonlik tadbirida ishtirokchi yosh kitobxonlarni  kitob o‘qishga qiziqtirishni oshirishning turli usullariga e’tibor qaratildi.

Tadbirda axborot resurs markazi xodimlari, Yoshlar bilan ishlash va tadbirlar bo‘limi bosh mutaxassisi, fakultet tyutorlari hamda Yoshlar yetakchisi o‘z farzandlari bilan ishtirok etishdi.

Tadbirda faol ishtirok etgan yosh kitobxonlar kitob va esdalik sobg‘alar bilan taqdirlandi.

Joriy yilning 4-8 mart kunlarida “Ipak yo‘li” turizm va madaniy meros xalqaro universiteti “Turizm” kafedrasi o‘qituvchisi Farrux Mamаdiyorov Hindistonning Maharashtra shtati Pune shahridagi Milliy Institut banki va menejmenti institutida “Inklyuziv bank, xalqaro moliya va buxgalteriya bo‘yicha xalqaro dastur” doirasidagi kursda ishtirok etdi.

Ushbu kursda Farrux Mamаdiyorov inkluziv bankning amaliyotlari, moliyaviy institutlar, xalqaro moliya va buxgalteriya tizimlari haqida nazariy va amaliy bilimlar bilan yaqindan tanishdi.

Kelajakda Farrux Mamаdiyorovning bu kursda o‘rgangan bilimlari va tajribalari “Ipak yo‘li” turizm va madaniy meros xalqaro universitetida “Turizm” kafedrasi o‘qituvchisi sifatida talabalarga turizm sohasidagi inkluziv buxgalteriya modellari va xizmatlarini taqdim etishdagi yangicha yondashuvlarida amaliy yordam beradi.

Joriy yilning 19-mart kuni universitetimizda “O‘zbekistonda din va davlat munosabatlari, diniy va dunyoviylik uyg‘unligi” mavzusida davra suhbati tashkil qilindi. Davra suhbatida viloyat Ichki ishlar boshqarmasi  xodimlari, oliygoh tyuterlari va talaba-yoshlar ishtirok etishdi.

Tadbirni universitet Yoshlar bilan mahallabay ishlash va tadbirlar bo‘limi boshlig‘i N.Abduvaxidova kirish so‘zi bilan ochib, mustaqillik yillarida yurtimizda diniy bag‘rikenglik borasida amalga oshirilgan amaliy ishlar va buning demokratik jamiyatda tutgan o‘rni va roli xususida gapirdi. Davra suhbatida ichki ishlar sohasi vakillari ham so‘zga chiqib yoshlarning ijtimoiy tarmoqlardan foydalanishida ayrim diniy oqimlarning tarmog‘iga kirib qolish xolatlari yuz berayotganligi shu bois bu borada ogoh bo‘lishi lozimligi xususida o‘z tavsiyalarini berdi.