Joriy yilning 29-yanvaridan 2-fevraliga qadar “Ipak yo‘li” turizm va madaniy meros xalqaro universitetida 2023-2024 o‘quv yili uchun qishki yakuniy imtihonlar  bo‘lib o‘tmoqda. Imtihon jarayonlari “Tillar” va “Turizm menejmenti”, “Tarix va madaniy meros” kafedralari o‘qituvchilari tomonidan o‘tilgan fanlari bo‘yicha olinayapti. Og‘zaki, yozma va test ko‘rinishlarida bo‘lib o‘tayotgan bu jarayonlar talaba yoshlarning bilimlarini yana bir bor sinovdan o‘tkazmoqda. Talaba-yoshlarimizning bilimga bo‘lgan chanqoqligi ancha yuqori shu bois ularning imtihonlarga bo‘lgan tayyorgarligi ham qoniqarli bo‘lmoqda,-deydi nemis tili fani o‘qituvchisi Zohid Bektimrov.

         Barcha talaba-yoshlarimizga imtihon jarayonlarida omad tilaymiz.  

Joriy yilning 13-fevral kuni soat 15:00 da Ilmiy tadqiqotlar bo‘limi hamda universitetimiz “Tillar” kafedrasi o‘qituvchisi Yakubova Madina Kutfidinovna tomonidan “Plagiatdan qochish” mavzusida universitetning 108-xonasida seminar tashkil etilmoqda. Ushbu mavzuga qiziquvchilarni seminarga taklif etamiz.

         Har bir oliy ta’lim muasassasining ilmiy darajasini jamoada faoliyat ko‘rsatib kelayotgan o‘qituvchilarning fanda erishgan yutuqlari, nufuzli jurnallarda chiqqan maqolalari, ilmdagi unvonlari belgilab beradi. Shu nuqtai nazardan olib qaraydigan bo‘lsak, universitetimiz pedаgogik jamoasining ilmiy salohiyati kun sayin oshib bormoqda. Navbatdagi xushxabar O‘zbekiston Respublikasi Oliy attestatsiya komissiyasi tomonidan “Ipak yo‘li” turizm va madaniy meros xalqaro universiteti kengashining tavsiyasiga ko‘ra, Ilmiy tadqiqotlar bo‘limi boshlig‘i Mansurova Nargiza Shamsidinovnaning “Demografiya. Mehnat iqtisodiyoti” ixtisosligi bo‘yicha dotsent ilmiy unvoni tasdiqlandi.

         Universitetimiz jamoasi ham Nargiza Shamsidinovnaga ilmiy soha taraqqiyoti yo‘lida yuksak muvaffaqiyatlari muborak bo‘lsin va yutuqlari bardavom bo‘lishini tilaymiz.

         Joriy yilning 25-yanvar kuni “Ipak yo‘li” turizm va madaniy meros xalqaro universiteti Senatining 1-son yig‘lishi bo‘lib o‘tdi. Yig‘ilishni universitet Birinchi prorektori J.Eltazarov olib bordi. Dastlab yig‘ilishda kun tartibidagi birinchi masala Prezident Adminstratsiyasi, Vazirlar Mahkamasi, Oliy ta’lim, fan va innovatsiyalar vazirligi va viloyat hokimligining direktiv hujjatlarining oliygohimizdagi ijrosi yuzasidan universitet Birinchi prorektori J.Eltazarovning axboroti tinglandi. Ta’kidlandiki, o‘tgan yilda Prezidentimiz tomonidan turizm, ta’lim, ilm-fan sohalarini yanada rivojlantirish maqsadida qabul qilingan farmon va qarorlar ijrosini ta’minlash maqsadida tegishli chora-tadbirlar belgilangan holda barcha amaliy ishlar yo‘lga qo‘yilgan. Bundan tashqari Vazirlar Mahkamasi, Oliy ta’lim, fan va innovatsiyalar vazirligi va viloyat hokimligining direktiv hujjatlarida belgilangan vazifalar ham o‘z vaqtida bajarilishga erishilgan.

         Shundan so‘ng kun tartibidagi ikkinchi masala universitetning 2024-yil uchun ish rejasini tasdiqlash yuzasidan universitetning Protokol kotibiyati bo‘limi boshlig‘i A.Izbasarova axborot berdi.

         Kun tartibidagi uchinchi masala universitet Senati a’zolari tarkibiga o‘zgarishlar kiritish va tasdiqlash to‘g‘risida bo‘lib, unga ko‘ra munosib nomzod bir ovozdan a’zolikka qabul qilindi.

         Oliygohning ilmiy tadqiqotlar bo‘limi boshlig‘i N.Mansurovaning “Tayanch doktorantlar va mustaqil izlanuvchilarning ilmiy rahbarlari va dissertatsiya mavzularini tasdiqlash to‘g‘risida”gi axboroti Senat a’zolari tomonidan tasdiqlanishi bilan birga qizg‘in muhokamalarga ham sabab bo‘ldi va ayrim ilmiy rahbarlar va dissertatsiya mavzulari qaytadan ko‘rib chiqilishi xususida asosli fikrlar bildirildi. Kun tartibidagi yana bir masala oliygohimizning bir guruh professor-o‘qituvchilarini katta o‘qituvchi lavozimiga tavsiya qilish yuzasidan kafedra mudiri T.Sultonovning axboroti eshitildi va nomzodlar tomonidan ta’lim, ilm-fan sohalariga qo‘shib kelayotgan hissalari xususida to‘liq ma’lumotlar berildi. Kun tartibidagi so‘nggi masala “Professor-o‘qituvchi va xodimlarni lavozim vazifalarini tasdiqlash” yuzasidan xodimlar bilan ishlash (HR) bo‘limi boshlig‘i A.Xolboevning axboroti tinglandi.

         “Ipak yo‘li” turizm va madaniy meros xalqaro universiteti Senatining 1-son yig‘lishi kuni tartibidagi barcha masalalar qizg‘in muhokamalardan so‘ng  tasdiqlandi. Kun tartibidagi masalalar yuzasidan universitet progektori, prof. Toni Zou, Senat a’zolaridan A.To‘xtamishev, N.Mansurova, S.Matlabov va boshqalar o‘z fikr-mulohazalarini bildirdi.

Bugun 26-yanvar kuni oliygohimiz faollar zalida Samarqand viloyat turizm boshqarmasi va “Ipak yo‘li” turizm va madaniy meros xalqaro univeristeti hamkorligida “Kelajakdagi turizm ustalari” nomli ko‘rik tanlovi o‘tkazildi.

Tanlovda “Ipak yo‘li” turizm va madaniy meros xalqaro univeristeti, Samarqand Iqtisodiyot va servis instituti, Samarqand agroinnovatsiyalar va tadqiqotlar instituti hamda Turizm va madaniy meros texnikumi talabalaridan tashkil tashkil topgan jamaolar o‘zaro bellashdi.

Qizg‘in bellashuvning birinchi shartida jamoalar turizm sohasini yanada rivojlantirish maqsadidagi yangi startap loyihalari taqdimotini o‘tkazdi. Ushbu shart davomida universitetimiz talabasi Shoxrux Xaytboyev jamoasi ingliz tilida turli qiziqarli mavzularda teatr tomoshalarini namoyish qilish orqali ularni qiziqtirishga e’tibor qaratgan bo‘lsa, mustaqil tadqiqotchi Shaxriyor Sharipov jamoasi turistlar uchun qiziq bo‘lgan ochiq osmon ostidagi manzarali joylarda kinoteatrlarni tashkil qilish bo‘yicha taqdimot qildi.

Shundan so‘ng ikkinchi shart sabzavotlardan turli shakllardagi, mazali salatlar tayyorlash bo‘yicha ham ishtirokchilar o‘z iqtidorini namoyish qilishga harakat qildi. Jamoalar to‘rtta shart bo‘yicha o‘zaro kurash olib borishdi. Har bir shart yakuni bilan hakamlar jamoalarni baholab bordi. Yig‘ilgan ballarga ko‘ra, eng yuqori bal bilan 1-o‘ringa “Ipak yo‘li” turizm va madaniy meros xalqaro universiteti “Silk Road” jamoasi, 2-o‘ringa Samarqand turizm va madaniy meros texnikumi “Tour Star” jamoasi va 3-o‘ringa “Ipak yo‘li” turizm va madaniy meros xalqaro universiteti “Samariya” jamoasi munosib deb topildi.

G‘oliblarga tashkilotchilar tomonidan qimmatbaho va esdalik sovg‘alari topshirildi.

Joriy yilning 25 yanvar kuni Marg‘ilon turizm va madaniy meros texnikumiga Saudiya Arabistoni Jidda shaxridan hamkorlar tashrif buyurishdi. Tashrif davomida Margilon turizm va madaniy meros texnikumi o‘quvchilarining amaliyotini Saudiya Arabistonining Jidda shaxrida  utashlari yuzasidan kelishib olindi. Shundan so‘ng texnikum o‘quvchilarini suhbat asosida saralab olindi.  Hamkorlar tomonidan o‘tkazilgan suhbatdan 7 nafar bitiruvchi o‘quvchilar muvaffikiyatli o‘tishdi va Jidda shahrida amaliyot o‘tash imkoniyatiga ega bo‘ldi. Ushbu o‘quvchilarning muvaffaqiyati bilan ularni qutlab qolamiz.

Joriy yilning 23-yanvar kuni Oliy ta’lim sohasida hamkorlik bo‘yicha o‘tkazilgan Xitoy-O‘zbekiston forumi Xitoyning Tyanszin shahridagi Tiankay Oliy ta’lim fan va innovatsiyalar bog‘ida bo‘lib o‘tdi. Dastlab Forum ishtirokchilarini Tyanszin ta’lim bo‘yicha ishchi qo‘mitasi kotibining o‘rinbosari Liu imon va O‘zbekiston Milliy universiteti rektori Inomjon Majidov qizg‘in qutladi. Shundan so‘ng shahar sanoat va axborot texnologiyalari byurosi va madaniy turizm byurosining hisoboti tinglandi.  Ahamiyatlisi, forumda O‘zbekiston universitetlari rektorlari tomonidan ta’lim sohasidagi hamkorlik bo‘yicha taqdimotlar o‘tkazildi.

 Tadbirning yakuniy qismida esa O‘zbekiston va Xitoy davlatlari oliy o‘quv yurtlari o‘rtasida hamkorlik memorandumlarini imzolash marosimi va  xitoylik va o‘zbekistonlik talabalarning qo‘shma chiqishlari bo‘lib o‘tdi.

Xitoy Xalq Respublikasi ta’lim vazirligi va O‘zbekiston Respublikasi Oliy ta’lim, fan va innovatsiyalar vazirligi tashabbusi bilan joriy yilning 22-yanvar kuni Xitoyning Pekin shahrida bo‘lib o‘tgan bo‘lib o‘tgan yuzta universitetning forumi doirasida Chet tillar ikkinchi Pekin universitetida O‘zbekistonning 37 ta ta’lim muassasasi va Xitoyning 110 ta universiteti ishtirokida yalpi majlis o‘tkazildi. Yalpi majlisda ikki mamlakatning tegishli vazirlik va yelchixonalari vakillari, shuningdek, ta’lim muassasalari vakillari so‘zga chiqishdi. Forum doirasida “O‘zbekiston va Xitoy universitetlari o‘rtasidagi hamkorlik to‘g‘risida Pekin Deklaratsiyasi” e’lon qilindi.

Bundan tashqari, asosiy fanlar, muhandislik va IT, gumanitar fanlar va tibbiyot yo‘nalishlarida parallel bo‘limlar tashkil yetildi. “Ipak yo‘li” xalqaro turizm va madaniy meros universiteti proektori Professor Toni Zou gumanitar fanlar bo‘limida taqdimotlar qildi. Forumning yakuniy qismida Xitoy Xalq Respublikasi va O‘zbekiston ta’lim muassasalari o‘rtasida memorandumlarni jamoaviy imzolash va hamkorlik qilish marosimi tashkil etildi.

Ma’lumki, mamlakatimizdagi barcha davlat va nodavlat ta’lim tashkilotlarini attestatsiyadan va davlat akkreditatsiyasidan o‘tkazish O‘zbekiston Respublikasi Vazirlar Mahkamasining 2019-yil 7-iyundagi 470-son qarori bilan tasdiqlangan “Davlat ta’lim muassasalari hamda nodavlat ta’lim tashkilotlarini attestatsiyadan va davlat akkreditatsiyasidan o‘tkazish tartibi to‘g‘risida”gi Nizom hamda ushbu nizomning 9-bandiga muvofiq ishlab chiqilgan “Ta’lim tashkilotlarini attestatsiyadan o‘tkazish mezonlari” (Adliya vazirligi tomonidan 3214 - son bilan 2020-yil 27-yanvarda davlat ro‘yxatiga olingan) asosida amalga oshiriladi.

Mazkur Nizom O‘zbekiston Respublikasining “Ta’lim to‘g‘risida”gi Qonuniga muvofiq, idoraviy mansubligi va tashkiliy-huquqiy shakllaridan qat’i nazar O‘zbekiston Respublikasining maktabgacha, umumiy o‘rta, o‘rta maxsus, kasb-hunar, maktabdan tashqari, oliy, oliy ta’limdan keyingi ta’limni amalga oshiruvchi ilmiy va ta’lim tashkilotlari, kadrlar malakasini oshirish va ularni qayta tayyorlash davlat ta’lim muassasalarini hamda nodavlat ta’lim tashkilotlarini attestatsiyadan va davlat akkreditatsiyasidan o‘tkazish tartibini belgilaydi.

Attestatsiya - lotincha attestātio “guvohlik berish”, “tasdiqlash” so‘zlaridan olingan bo‘lib, bugungi kunda ta’lim tashkilotining faoliyatini baholashda davlat nazoratining asosiy shakli hisoblanadi va ta’lim tashkilotlarida kadrlar tayyorlash mazmuni, darajasi va sifatining davlat ta’lim standartlari hamda davlat ta’lim talablariga hamda o‘quv dasturlariga muvofiqligini aniqlashdan iborat.

Akkreditatsiya - lotincha accredo, “ishonmoq”, “ishonch bildirmoq” so‘zlaridan olingan bo‘lib, bu ta’lim muassasalari faoliyati davlat ta’lim standartlariga muvofiqligining davlat tomonidan e’tirof etilishi hamda ularning bitiruvchilariga tasdiqlangan namunadagi ma’lumot to‘g‘risidagi hujjatlarni topshirish huquqini beradi.

Mazkur Nizomda “yangi tashkil etilgan ta’lim tashkilotlari ular tashkil etilgan paytdan boshlab 5 yil muddatga akkreditatsiyadan o‘tgan deb hisoblanadi”. “Belgilangan muddatlar tugaganidan so‘ng ta’lim tashkilotlari akkreditatsiyadan o‘tkazilishi shart” ekanligi ko‘rsatib o‘tilgan. Shunga muvofiq, universitetimiz faoliyatini boshlaganligiga 5 yil to‘lganligi sababli universitetni attestatsiya va davlat akkreditatsiyasidan o‘tkazish maqsadida “Ta’lim sifatini ta’minlash va akkreditatsiya” bo‘limi tomonidan 2022-yil 22-sentabrda O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasiga ariza bilan murojaat qilinib, respublika OTMlarini 2023-yilda attestatsiyadan o‘tkazish rejasiga universitetni kiritish so‘raldi. Mazkur arizaga muvofiq, O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi boshlig‘ining 2022-yil 27-oktabrdagi “Ta’lim tashkilotlarini attestatsiyadan va davlat akkreditatsiyasidan o‘tkazishni tashkil etish to‘g‘risida”gi 306-son buyrug‘i asosida universitetimiz 2023-yilda tashqi baholashdan o‘tkazish bo‘yicha respublika rejasiga kiritildi. Mazkur buyruq asosida universitetning 2022-yil 9-noyabrdagi 264-sonli buyrug‘i tayyorlanib, mazkur buyruq asosida tashkil etilgan ishchi guruhi tomonidan bakalavriat ta’lim yo‘nalishlari va magistratura mutaxassisliklari bo‘yicha universitetning oxirgi ikki yillik faoliyatini kompleks tahlil qilish asosida ichki baholashdan o‘tkazildi. Ichki baholash jarayonida aniqlangan kamchiliklar ishchi guruhi tomonidan joyida bartaraf etilib, ichki baholash natijalari bo‘yicha hisobot tayyorlandi va O‘zbekiston Respublikasi Oliy ta’lim, fan va innovatsiyalar vazirligiga taqdim etildi.

O‘zbekiston Respublikasi Oliy ta’lim, fan va innovatsiyalar vazirining 2023-yil 17-apreldagi “Ta’lim tashkilotlarini tashqi baholashdan o‘tkazish to‘g‘risida”gi 97-son buyrug‘i asosida 2023-yil 22-31-may kunlari universitetimiz faoliyatini Tashqi baholashdan o‘tkazilishi belgilab berildi. Tashqi baholash jarayoni Oliy ta’lim, fan va innovatsiyalar vazirligi tomonidan O‘zbekiston Respublikasi Vazirlar Mahkamasining 2019-yil 7-iyundagi 470-son qarori bilan tasdiqlangan “Davlat ta’lim muassasalari hamda nodavlat ta’lim tashkilotlarini attestatsiyadan va davlat akkreditatsiyasidan o‘tkazish tartibi to‘g‘risida”gi Nizom hamda ushbu nizomning 9-bandiga muvofiq ishlab chiqilgan “Ta’lim tashkilotlarini attestatsiyadan o‘tkazish mezonlari” asosida o‘tkazildi.

undefined

O‘zbekiston Respublikasi Oliy ta’lim, fan va innovatsiyalar vazirligining 2023-yil 7-noyabrdagi “Talabalarning fan dasturlarini o‘zlashtirish darajasi (bilimi) bo‘yicha nazorat ishlarini o‘tkazish to‘g‘risida”gi 492-son buyrug‘i asosida 2023-yil 20-21-noyabr kunlari universitetimiz talabalarining fan dasturlarini o‘zlashtirish darajasi (bilimi)ni aniqlash bo‘yicha test sinovlari o‘tkazildi. O‘tkazilgan test sinovi natijalari quyidagi jadvalda keltirilgan.

Talabalarning fan dasturlarini o‘zlashtirish darajasi (bilimi) bo‘yicha

o‘tkazilgan nazorat ishlari

NATIJALARI

Tashqi baholash komissiyasi xulosasiga ko‘ra, tashqi baholashga jalb etilgan va ijobiy baholangan bakalavriat ta’lim yo‘nalishlari va magistratura mutaxassisliklarining umumiy soni 78%ni tashkil qilganligi sababli “Attestatsiyadan o‘tdi” deb e’tirof etildi va “Ipak yo‘li” turizm va madaniy meros xalqaro universiteti “Attestatsiyadan o‘tdi” deb baholandi.

O‘zbekiston Respublikasi Oliy ta’lim, fan va innovatsiyalar vazirligi tomonidan taqdim etilgan “Ipak yo‘li” turizm va madaniy meros xalqaro universitetini tashqi baholash xulosasi” universitet Senatida ko‘rib chiqildi va universitetni Tashqi baholash natijalari bo‘yicha xulosasida keltirilgan kamchiliklar va muammolarni barataraf etish bo‘yicha “Yo‘l xaritasi” ishlab chiqildi.

undefined

2024-yil 10-fevral kuni soat 11:00 da (universitet binosi 108-xona) “Ipak yo‘li” turizm va madaniy meros xalqaro universiteti qoshidagi iqtisodiyot fanlari bo‘yicha ilmiy darajalar beruvchi DSc.33/01.02.2022.I.145.01 raqamli Ilmiy Kengash huzuridagi Ilmiy seminarda Buxoro davlat universiteti tadqiqotchisi Qodirov Azizjon Anvarovichning 08.00.17 – “Turizm va mehmonxona faoliyati” ixtisosligi bo‘yicha “Hududlarda ekologik turizm salohiyatini barqaror rivojlantirish mexanizmining metodologik uslubiy asoslarini takomillashtirish” mavzusidagi iqtisodiyot fanlari doktori (DSc) ilmiy darajasini olish uchun yozilgan dissertatsiyasi muhokamasi bo‘lib o‘tadi.