“Turizm menejmenti” kafedrasida darslar amaliyot bilan uzviylikda tashkil qilinmoqda. Kafedra o‘qituvchisi Charos Maxmadiyeva “Oziq-ovqat mahsulotlari va vino turizmi” fani darsida talabalar bilan amaliy darslar tashkil qilib kelmoqda.
Turizm menejmenti kafedrasi tomonidan “Restoran biznesini boshqarish” yo‘nalishida tahsil olayotgan talabalar uchun “Mehmonlarga yuqori darajada xizmat ko‘rsatish” mavzusida ma’ruza tashkil etildi.
Ekspert – “Soft Business Group” hududiy direktori Xurshed Xojiev talabalarni HoReCa sanoatini avtomatlashtirish uchun mo‘ljallangan R_keeper dasturi imkoniyatlari bilan tanishtirdi. Talabalar bo‘lajak tadbirkor, menejer, ish yurituvchi sifatida restoran, ombor va ishlab chiqarishni boshqarish uchun mavjud vositalar bilan tanishdi va restoran xodimlarining samarali ishini tashkil etish, mehmonlarning doimiyligini ta’minlash uchun innovatsion texnologik yechimlar bilan yaqindan tanishdi. Elektron menyu, aqlli tadbir video monitoring, kassa hududi tizimi, stolni avtomatik bron qilish tizimi, restoran faoliyatini masofadan kuzatish tizimi, yetkazib berish xizmatini avtomatlashtirish tizimi va boshqalar bilan tanishish imkoniyatiga ega bo‘ldi.
O‘zbekistonning tarixiy shahri – Samarqandda ilk bor BMTning cho‘llanishga qarshi kurash bo‘yicha konvensiyasiga bag‘ishlangan keng ko‘lamli tadbirga sanoqli kunlar qoldi.
Bugun biz CRIC-21 nima ekanligini va ushbu voqelikning dunyo hamjamiyati uchun ahamiyatini tahlil qilamiz.
“Turizm menejmenti” kafedrasi o‘qituvchilari tomonidan universitetimiz talabalariga jahon brendlari ega mehmonxonalarda amaliy mashg‘ulotlar o‘tkazilmoqda.
Samarqand shahridagi “Hilton Garden Inn” mehmonxonasida universitetimiz talabalari uchun amaliy dars tashkil etildi. Mehmonxona bosh menejeri Dmitriy Karpov bilan birga, talabalar mehmon maydoni, fitnes markazi, konferentsiya zallari va mehmonxona xonalari bilan tanishtirildi. Mehmonxona bosh menejeri har bir bo‘limning vazifalari, mehmonxona siyosati va maqsadlari haqida tushunchalar berdi. Shuningdek, “Mehmondo‘stlik sohasida tadbirlarni tashkil etish” mavzusida taqdimot qilindi.
Universitetimiz tillar kafedrasi katta o‘qituvchisi Baymatova Munira Abduvalievna Koreya Respublikasi Ta’lim vazirligi loyihasida O‘zbekiston uchun ixtisoslashtirilgan koreys tili o‘qituvchisi uchun darslik, ish daftarchasi va kitob tarjimoni sifatida ishtirok etdi.
Joriy yilning 16-19 oktyabr kunlari Rossiyaning Stavropol shahrida “Kavkaz – Kaspiy – Sharq” xalqaro yoshlar forumi bo‘lib o‘tdi. Unda 60 ta universitetdan 160 dan ortiq vakillar ishtirok etdi. Forum Rossiya, Janubiy Kavkaz, Yaqin Sharq va Markaziy Osiyo mamlakatlari yosh yetakchilari uchun muloqot maydoniga aylanish bilan birga, do‘stona aloqalarni mustahkamlash, kasbiy mahorat va malakalarini oshirish, hamkorlikni rivojlantirish kabi maqsadlarga qaratilgan. Stavropoldagi forumda 25 davlatdan vakillar yig‘ilgan bo‘lsa, ular orasida Armaniston, Ozarbayjon, Qozog‘iston, Qirg‘iziston, O‘zbekiston, Turkmaniston, Iroq, Livan, Suriya, Turkiya va boshqa mamlakatlardan kelgan yoshlar bilan birga, universitetimiz “Turizm menejmenti” kafedrasi o‘qituvchisi Sanjar Mardonov ham faol ishtirok etdi.
Joriy yilning 31-oktabr kuni “Ipak yo‘li” turizm va madaniy meros xalqaro universitetida O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi, Xitoy Madaniyat va turizm vazirligi hamda O‘zbekiston davlat san’at muzeyi hamkorligida o‘zbekistonlik va xitoylik rassomlarning eng sara asarlari ko‘rgazmasi o‘tkazildi.
Tadbirning ochilish marosimida so‘z olgan Samarqand viloyat hokimi o‘rinbosari R.Qobilov bugungi kunda O‘zbekiston-Xitoy o‘rtasidagi madaniy aloqalarning kundan-kunga mustahkamlanib borayotganligiga to‘xtalib o‘tdi. Shundan so‘ng “Ipak yo‘li” turizm va madaniy meros xalqaro universiteti Birinchi prorektori J.Eltazarov hamda xitoylik va yurtimizdan bo‘lgan rassomlar universitetda madaniy merosni asrab-avaylash borasida olib borilayotgan ishlar, rasmlar ko‘rgazmasining ahamiyati xususida gapirdi. Shuningdek tadbirda xitoylik rassomlar tomonidan chizilgan rasmlar “Ipak yo‘li” turizm va madaniy meros xalqaro universitetiga taqdim qilindi.
Bugungi kunda mamlakatimizda Prezidentimiz rahbarligida barkamol avlod kamoloti, yoshlarning huquq va erkinliklarini ta’minlash, orzu-umidlarini ro‘yobga chiqarish masalasiga davlat siyosati darajasida e’tibor qaratilmoqda.
Yoshlarga oid masalalarda, zamon talablari asosida yangicha mexanizmlarni tadbiq etish, xorijiy davlatlarning ilg‘or tajribalarini muntazam o‘rganib borish va O‘zbekiston sharoitiga mos, milliy xususiyatlarimizga javob beradigan metodlarni joriy etib borilmoqda.
Joriy yilning 30-oktyabr kuni «Ipak yo‘li» turizm va madaniy meros xalqaro universitetida o‘tkazilgan “Prorektor va talabalar" uchrashuvida ham yoshlarni har tomonlama tashqi ta’sirlardan muhofaza qilish, ta’lim olish huquqlari, iqtidorli yoshlarga nisbatan davlat ko‘magini amalga oshirish kabi dolzarb masalalar muhokama etildi.
Uchrashuvda universitetimiz Birinchi prorektori, prof. J.Eltazarov hukumatimiz tomonidan yaratilayotgan imkoniyatlar, oliy ta’lim muassasalaridagi ta’lim va tarbiyaga oid ijobiy o‘zgarishlar xususida gapirdi. Samimiy muloqot ruhida o‘tgan tadbirda talaba, yoshlar tomonidan ta’lim, sport, ijtimoiy-iqtisodiy va boshqa sohalardagi taklif va tashabbuslarini qo‘llab-quvvtalash bo‘yicha zarur choralar tadbirlar belgilab olindi.
"Ipak yo'li" turizm va madaniy meros xalqaro universiteti xotin-qizlar kengashi va “Tillar” kafedrasi hamkorligida talaba-qizlar o'rtasida o‘tkazilgan "Men zo'ravonlikka qarshiman" mavzusidagi esselar tanlovi g‘oliblari aniqlandi va joriy yilning 30-oktabr kuni munosib taqdirlandi.
1-o'rin Media va kommunikatsiya yo‘nalishi-121 guruh talabasi M.Sadinova
I-darajali diplom va 1 500 000 so'm pul mukofoti
2-o'rinni “Turizm menejmenti” kafedrasi kabinet mudiri M.Nurillayeva II-darajali diplom va qimmatbaho sovg‘a
3-o'rinni Tour-220 guruh talabasi M.Abdurasulova III-darajali diplom va qimmatbaho sovg‘a bilan taqdirlandi.
Ushbu tanlov O‘zbekiston Respublikasi Vazirlar Mahkamasining voyaga yetmaganlar, xususan qizlarni ijtimoiy faolligini oshirish, ularni bo‘sh vaqtlarini mazmunli o‘tkazishini ta’minlash, liderlik xususiyatlarini rivojlantirish va qo‘llab-quvvatlash maqsadida “Qizlarni qo‘llab-quvvatlash ishlarini yanada jadallashtirish va tizimli yo‘lga qo‘yish bo‘yicha” chora-tadbirlar ijrosini ta’minlash maqsadida o‘tkazildi.
Joriy yilning 9-iyulida oliygohimiz “Tillar” kafedrasi o‘qituvchisi M.Bаymatovaning sa’yi-harakati bilan universitetimizga Janubiy Koreyaning O‘zbekistondagi elchixonasi qoshida tashkil qilingan “Ta’lim markazi” tomonidan 548 dona koreys tilidagi darsliklar tuhfa qilingan edi. Bugungi kunda ushbu noyob kitoblar oliygohimiz talaba-yoshlari uchun koreys tilini yanada chuquroq o‘rganishi uchun qulay manba bo‘lib xizmat qilmoqda. Ushbu darsliklarning ingliz tilidagi nusxasining ham borligi koreys tiliga bo‘lgan qiziqishni yanada oshirmoqda.
140104, O’zbekiston Respublikasi, Samarqand shahri, Universitet xiyoboni, 17
dummy+99866 240-67-68
dummy info@univ-silkroad.uz