2024-yil 1-chorak uchun “Ipak yo‘li” turizm va madaniy meros xalqaro universitetida оliy ta’limdan keyingi ta’lim institutlariga o‘qishga hujjat topshirgan tadqiqotchilar diqqatiga. Shu yilning 23-noyabr kuni soat 14:30da universitetimizda mustaqil izlanuvchilikka (PhD), tayanch doktoranturaga (PhD) va stajor tadqiqotchilikka o‘qishga talabgorlar uchun kirish imtihonlari bo‘lib o‘tadi.
“Ipak yo‘li” turizm va madaniy meros xalqaro universiteti tayanch doktoranturaga (PhD) va stajor-tadqiqotchilikka kirish uchun imtihonlar hamda mustaqil izlanuvchilikka kirish uchun suhbat o‘tkazish
JADVALI
№ |
Ixtisoslik shifri va nomi |
Imtihon o‘tkaziladigan fan nomi |
Imtihon o‘tkazilish kuni va vaqti |
Imtihon o‘tkaziladigan joy |
Tayanch doktorantura (PhD) |
||||
1 |
08.00.17 – “Turizm va mehmonxona faoliyati” ixtisosligi |
Mutaxassislik |
2023-yil 23-noyabr soat 14:30 |
Universitet binosi, 230-xona |
Mustaqil izlanuvchilik (PhD) |
||||
1 |
08.00.17 – “Turizm va mehmonxona faoliyati” ixtisosligi |
Mutaxassislik |
2023-yil 23-noyabr soat 14:30 |
Universitet binosi, 230-xona |
2. |
08.00.13-“Menejment” ixtisosligi |
Mutaxassislik |
2023-yil 23-noyabr soat 14:30 |
Universitet binosi, 230-xona |
3. |
08.00.05-“Xizmat ko‘rsatish tarmoqlari iqtisodiyoti” ixtisosligi |
Mutaxassislik |
2023-yil 23-noyabr soat 14:30 |
Universitet binosi, 230-xona |
Stajor-tadqiqotchilik |
||||
1. |
08.00.17 – “Turizm va mehmonxona faoliyati” ixtisosligi |
Mutaxassislik |
2023-yil 23-noyabr soat 14:30 |
Universitet binosi, 230-xona |
*“Ipak yo‘li” turizm va madaniy meros xalqaro universitetida oliy ta’limdan keyingi ta’lim institutlariga o‘qishga hujjat topshirgan talabgorlarga kirish imtihonlari mutaxassislik fanlaridan imtihon dasturlariga asosan o‘tkaziladi (ixtisosliklar bo‘yicha imtihon dasturlari ilova qilinadi).
Talabgorlardan imtihon va suhbat o‘tkaziladigan paytdan yarim soat oldin imtihon o‘tkaziladigan joyga o‘zlarining shaxslarini tasdiqlovchi hujjat (passport) bilan kelishlari so‘raladi.
“Ipak yo‘li” turizm va madaniy meros xalqaro universiteti tadqiqotchisi Sanjar Jumanazarov DAAD (German Academic exchange Service) loyihasinig “Sharqiy hamkorlik” dasturi doirasida doktoranturada grant asosida 2 oy muddatda Germaniyaning Konstanz amaliy fanlar universitetida o‘zining ilmiy tadqiqotlarini olib bordi. Tadqiqot davri mobaynida Sanjar Jumanazarov 6-oktabr kuni Konstanz amaliy fanlar universiteti va Toshkent davlat iqtisodiyot universiteti tomonidan hamkorlikda tashkil etilgan xalqaro ilmiy-amaliy konferensiyada onlayn tarzda ishtirok etdi. Konferensiya davomida O‘zbekiston va Germaniya institutlari olimlari o‘rtasida o‘zaro fikr va mulohazalar almashinildi hamda ikki davlat o‘rtasida turizmni rivojlantirish istiqbollari muhokama qilindi.
Bundan tashqari Konstanz amaliy fanlar universiteti professori Timmning darsiga mehmon o‘qituvchi sifatida taklif etilgan universitetimiz tadqiqotchisi o‘zining “O‘zbekistondagi mobillik” mavzusidagi ma’ruzasi bilan ishtirok etdi. Sanjar Jumanazarov o‘zining ma’ruzasi davomida xorijlik talabalarga O‘zbekistondagi transport va mobillik landshafti, uni rivojlantirishdagi muammolar, sohaga joriy qilingan innovatsiyalar va kelajak istiqbollari to‘g‘risida ma’lumotlar berdi.
Sanjar Jumanazarovning olib borayotgan tadqiqotlari kelgusida mamlakatimizda turizm sohasini rivojlantirishda ilmiy kadrlar salohiyatini yuksaltirishda samaralari natijalar berishiga ishonamiz! Yutuqlar bardavom bo‘lsin!
Joriy yilning 15-noyabr kuni “Ipak yo‘li” turizm va madaniy meros xalqaro universiteti rektori A.Abduxakimov Samarqand turizm va madaniy meros texnikumiga direktor sifatida tayinlangan Inoyatov Jo‘raqul Bahriddinovichni jamoaga tanishtirdi. Yangi rahbarni jamoaga tanishtirishda universitetimiz rektori bugungi kunda professional ta’lim tizimida turizm va madaniy meros sohalari bo‘yicha mutaxassis tayyorlashda amalga oshirilishi lozim bo‘ladigan vazifalarga to‘xtalib o‘tdi. Ma’lumki, joriy yilda Samarqand turizm va madaniy meros texnikumi qayta kapital ta’mirdan chiqarilib yangicha ko‘rinish olish bilan birga, tizimga malakali mutaxassislar tayyorlashda ham moddiy texnik baza mustahkamlab berildi. Endilikda ushbu yaratilgan shart-sharoit va imkoniyatlardan unumli foydalanish lozim bo‘ladi. Shuningdek universitetimiz rektori texnikum hududida talabalar uchun qurilayotgan yotoqxona bilan yaqindan tanishdi.
Joriy yilning noyabr oyida universitetimiz “Turizm menejmenti” kafedrasi o’qituvchisi Mohammad Shahparan va ikkinchi bosqich 122-guruh talabalari Samarqand xalqaro aeroportida “Havo transportini boshqarish” fanidan havo liniyalarining marketing strategiyasi, yo’lovchilarning yaxshi dam olishi, bojsiz do’kon, bojxona, immigratsiya va boshqa shu kabi amaliy kuzatish jarayonlarida ishtirok etdi. Bundan ko‘zlangan maqsad talaba yoshlarimizni turizm sohasida mehmonlarni kutib olish, ularga yuqori darajada servis xizmatlarini ko‘rsatish amaliyotlari bilan yaqindan tanishish va o‘z ko‘nikmalarini oshirishdan iborat.
Tayanch doktorantura (PhD)ga o‘qishga talabgorlar quyidagi hujjatlarni taqdim etishlari zarur:
Barcha hujjatlar pdf shaklda tayyorlanib quyidagi elektron pochta manziliga yuborilishi lozim:
Этот адрес электронной почты защищён от спам-ботов. У вас должен быть включен JavaScript для просмотра., Этот адрес электронной почты защищён от спам-ботов. У вас должен быть включен JavaScript для просмотра.
Hujjatlar joriy yilning 15-noyabr sanasidan 15-yanvar sanasiga qadar qabul qilinadi.
“Ipak yo‘li” turizm va madaniy meros xalqaro universitetiga tayanch doktoranturaga (PhD) o‘qishga hujjat topshirgan talabgorlar uchun kirish imtihonlaridan suhbat bo‘lib o‘tadi. Imtihon sanasi haqida qo‘shimcha e’lon beriladi.
Manzilimiz: Samarqand shahri, Universitet xiyoboni 17, “Ipak yo‘li” turizm va madaniy meros xalqaro universiteti
Qo‘shimcha ma’lumot: Tayanch doktoranturaga o‘qishga kirishga talabgorlar tomonidan dissertatsiya ishi asosnomasi quyidagi tartibda yozilishi lozim:
(namuna)
TADQIQOTChINING IQTISODIYOT FANLARI BO‘YICHA FALSAFA DOKTORI (PhD) MAVZUSI BO‘YIChA
ASOSNOMA
Tadqiqotchining F.I.Sh.:
Tadqiqotchining maqomi va qabul qilingan sanasi: tayanch-doktorant, 03.01.2023yil
Bajarilishi rejalashtirilayotgan dissertasiya ishi mavzusi:
Ixtisoslik shifri:
Dissertasiya ishi bajarilayotgan fan tarmog‘i: iqtisodiyot
Ilmiy rahbar (yoki konsultant mavjud bo‘lgan taqdirda):
Ish bajarilayotgan tashkilot: “Ipak yo‘li” turizm va madaniy meros xalqaro universiteti
1. Dissertatsiya ishi mavzusi va qisqacha xulosa (30-80 so‘z);
2. Adabiyotlar ro‘yxati, tadqiqot usullari va mazmuni (1000 so‘z);
3. Tadqiqotning maqsadi va vazifalari (20-25 so‘z)
4. Kutilayotgan ilmiy yangiliklar. (50-75 so‘z)
5. Ishning amaliy va ilmiy natijasi. (45-60 so‘z)
“Ipak yo‘li” xalqaro turizm va madaniy meros universiteti o‘qituvchisi Turdiyeva Nargiza Mardonovna (PhD v.b.dotsent) “Loyiha taʼlim texnologiyasi asosida turizm yo‘nalishi talabalarida muloqotchanlik ko’nikmalarini rivojlantirish” mavzusidagi monografiyasi chop etildi.
Muloqot ko'nikmalari bo’lajak turizm mutaxassisining ajralmas qismidir. Ushbu kitobda loyiha texnologiyalaridan foydalangan holda talabalarning muloqot ko'nikmalarini rivojlantirish usullari va uslublari ochib berilgan. Monografiya dolzarb ahamiyatga ega, chunki “turizm va kommunikatsiya” komponentlarini birlashtirishda innovatsion yondashuv bo‘lib, sifatli o‘quv jarayonini tashrillashtirishga muhit yaratib beradi.
Turdiyeva Nargiza Mardonovnaga ilmiy faoliyatida muvaffaqiyatlar tilaymiz!
2023-yil 24-noyabrda “GUIDE CLUB” ochilishini e’lon qilamiz. Agar siz gidlik sohasiga qiziqsangiz va O’zbekistonning o’ziga xos joylarini zabt etishni xohlasangiz, link orqali klubga qo’shiling: https://t.me/+9DHjPwOcpvdiOGYy
Joriy yilning 13-noyabr kuni “Ipak yo‘li” turizm va madaniy meros xalqaro universitetida O‘zbekiston Respublikasi Ichki ishlar vazirligining tezkor-qidiruv departamenti boshlig‘i A.Matlubov, Samarqand viloyat Ichki ishlar boshqarmasi, Jinoyat qidiruv boshqarmasi boshlig‘i R.Raxmonovlar ishtirokida “Giyohvandlik, psixotrop va kuchli ta’sir qiluvchi dori vositalarining noqonuniy aylanishiga qarshi kurashish” oyligi doirasida talabalar bilan profilaktik uchrashuv o‘tkazildi. Tadbirda bugungi kunda yoshlar o‘rtasida bu kabi salbiy holatlarning oldini olish, ta’lim muasassalarida giyohvandlik, psixotrop va kuchli ta’sir qiluvchi dori vositalarning salbiy oqibatlarini keng targ‘ib qilish borasidagi ishlarni kuchaytirish kabi masalalar yuzasidan fikrlar bildirildi.
Profilaktik uchrashuvda mutaxassislar tomonidan talabalarga dunyoni larzaga solayotgan og‘uning insoniyatga keltirayotgan kulfatlari haqida ma’lumotlar berildi hamda talabalar o‘zlarini qizirtirgan savollarga javob olishdi.
O‘zbekiston Yoshlar ittifoqi Samarqand viloyat Kengashi tashabbusi bilan Urgut tumanining Tersak turizm qishlog‘ida “Tog‘da bir kun” loyihasi tashkil etildi. Loyiha doirasida milliy o‘yinlar, musobaqalar, hamda oliy ta’lim muassasalari yoshlar yetakchilari o‘rtasida “Osh chempionati” bo‘lib o‘tdi. O‘tkazilgan Osh chempionatida universitet yoshlar yetakchisi S.Haydarov birinchi o‘rinni qo‘lga kiritdi.
Joriy yilning 23-24 oktabr kunlari universitetimiz bo‘lim boshlig‘i Kadirova Irina Indenoziyaning Jakarta shahridagi Milliy universitetda bo‘lib o‘tgan “Osiyo davlatlarida turizmining kelajagi: istiqbol va imkoniyatlar” mavzusidagi xalqaro konferensiyada ishtirok etdi va ma’ruza qildi.
Universitetimiz bo‘lim boshlig‘i o‘z ma’ruzasida bugungi kunda O‘zbekistonda turizm sohasi kun sayin ravnaq topayotganligi va bu yo‘nalishda ta’limda olib borilayotgan keng ko‘lamdagi amaliy ishlarga to‘xtalib o‘tdi.
140104, O’zbekiston Respublikasi, Samarqand shahri, Universitet xiyoboni, 17
dummy+99866 240-67-68
dummy info@univ-silkroad.uz