Ma’lumot o‘rnida shuni aytish kerakki, bugungi kunda Zulfiya nomidagi Davlat mukofoti ta’lim, fan, adabiyot, madaniyat, san’at, sport va jamoatchilik faoliyatida alohida yutuqlarga erishgan o‘n to‘rt yoshga to‘lgan va o‘ttiz yoshdan oshmagan iqtidorli qizlarga berilib kelinayapti.

Joriy yilning 27-oktabr kuni universitetimizning respublika va xalqaro miqyosda o‘tkazilgan fan olimpiadalari, tanlovlar, ko‘rgazmalar, konferensiyalar va boshqa nufuzli tadbirlarda faol ishtirok etib, faxrli o‘rinlarni qo‘lga kiritgan talaba-qizlarimizdan Fotima va Zuxra Baxromqulova, Muqaddas Sadinova, Sabina Mustafaqulova va Iroda Yakubayeva tanlovning Samarqand shahar hududiy saralash jarayonlarida faol ishtrok etishdi. Quvonarlisi, ulardan to‘rt nafari viloyat saralash bosqichiga yo‘llanma oldi.

Talaba-qizlarimizga kelgusi bosqichida omad tilab qolamiz.

2023-yilning 27-oktabr sanasida “Ipak yo‘li” turizm va madaniy meros xalqaro universiteti “Talabalar Parlamenti” a’zolari tomonidan “FIND ME! QUIZ” – viktorinasi tashkil etildi. Viktorinada 8 ta jamoa ishtirok etdi. Barcha ishtorkchilar berilgan savollarga to‘laqonli javob berishi bilan birga, yangidan yangi ma’lumotlarga ega bo‘lishdi.

Ushbu ko‘ngilochar intellektual loyiha so‘ngida  uchta jamoa yuqori o‘rinlarni egallashshdi va esdalik sovg’alari bilan taqdirlandi.

2023-yilning 26-oktabr kuni “Ipak yo‘li” turizm va madaniy meros xalqaro universitetida “Ota-onalar kongressi” tadbiri o‘tkazildi. Kongress avvalida mehmon sifatiga taklif etilgan ota-onalar universitet faoliyati, xususan, taʼlim jarayonlari, talaba-yoshlar uchun yaratilgan zamonaviy sharoitlar bilan tanishtirildi. Universitetga tashrif buyurgan ota-onalar farzandlari tahsil olishlari uchun yaratilgan shart-sharoitlarni o‘rganish bilan bir qatorda universitet rahbariyati bilan uchrashib, o‘zlarini qiziqtirgan savollariga javob olishdi.

Kongressni universitet Birinchi prorektori, prof. J.Eltazarov kirish soʻzi bilan ochib berdi va ta’lim dargohi bilan ota-onalar oʻrtasidagi hamkorlikni yaxshilash boʻyicha o‘z takliflarini bildirdi. Tobora globallashayotgan bugungi zamonda yoshlarni turli yot g‘oyalar ta’siridan asrash,ularning ma’nan sog‘lom, keng dunyoqarashga ega, turli buzg‘unchi g‘oyalarga qarshi tura oladigan xislatlarga ega bo‘lishi ekanligini tushuntirib o‘tdi.

Yoshlar bilan mahallabay ishlash va tadbirlar bo‘limi boshlig‘i Nargiza Abduvaxidova,  fakultet boshlig‘i Rano Toshniyazova,  Xotin-qizlar kengashi raisi M.Abbasova  ta’lim jarayonlari, talaba-yoshlar uchun yaratilgan zamonaviy sharoitlar haqida ma’lumot berish bilan birga,  ularning odob, axloqi boshqalarga o‘rnak bo‘lishi lozimligi xususida gapirdi.

Tadbir so‘ngida oliygohda tashkil etilgan tadbirlarda o‘zining faolligi, bilimi hamda liderlik salohiyati bilan namuna bo‘lgan talabalarning ota-onalariga “Tashakkurnoma”lar topshirildi. 

Joriy yilning 25-oktabr kuni 5 ta muhim tashabbus doirasida “Ipak yo‘li” turizm va madaniy meros xalqaro universiteti xotin-qizlar kengashi va Yoshlar bilan mahallabay ishlash va tadbirlar bo‘limi hamkorlikda, universitet talaba-qizlari o‘rtasida tashkil etilgan “Pazandalik sirlari” to‘garagi doirasida jahon oshxonasi taomlaridan: salat va shirinliklar tayyorlashni o‘rganamiz” mavzusida mahorat darsi tashkil etildi.

Tadbirda talaba-qizlar o‘rtasida jahon taomlari va salatlar tarixi, ularning tayyorlanish jarayonlari, shirinliklar pishirish sir-sinoatlari yuzasidan tajribalarini boʻlishishdi.

“Qizlarjon” klubi talaba-qizlari tomonidan ushbu tadbirda pazandachilik mashgʻulotlari, oshxonaga kirish odobi va oshxona jihozlari hamda mahsulotlardan unumli foydalanish boʻyicha zarur maslahatlar berildi.

Joriy yilning 25-oktabr kuni “INFOLIB UZBEKISTAN-2023” XII Milliy axborot-kutubxona haftaligi doirasida A.S.Pushkin nomidagi Samarqand viloyat axborot-kutubxona markazida “Zakovat” intellektual oʻyini oʻtkazildi. Ushbu musobaqada universitetimizning “SILK ROAD” team jamoasi beshta oliy ta’lim muasassalari va tashkilotlar o‘rtasida birinchi oʻrinni qo‘lga kiritdi.

      Joriy yilning 26-oktabr kuni “Ipak yo‘li” turizm va madaniy meros xalqaro universiteti psixologi D.Turdiyeva va “Turizm menejmenti” fakulteti boshlig‘i R.Toshniyozova tashabbusi bilan talaba qizlarni oilaviy hayotga, turmush qurishga ham ma’nan, ham jismonan tayyorlash maqsadida “Turmush – to‘rt mushtmi? Aslo!” mavzusida ajoyib motivatsion trening o‘tkazildi.

      1, 2 va 3-bosqichda tahsil olayotgan qizlar tadbir ishtirokchisiga aylanishdi, unga universitet Xotin-qizlar kengashi raisi M.Abbasova ham taklif etildi. Treningning nazariy qismida oila psixologiyasi klassifikatsiyasi tahlil qilindi. Amaliy qismida esa ruhiy xotirjamlik, emotsional barqarorlik ulashuvchi, jamoaviy jipslik va birdamlikni shakllantiruvchi relaksatsion mashq va texnikalar o‘ynaldi.

       Ajoyib tarzda o‘tgan trening barcha ishtirokchilarga xushkayfiyat va ko‘tarinkilik baxsh etdi.

O‘zbekiston Respublikasining “Davlat-xususiy sheriklik to‘g‘risida”gi Qonuni hamda O‘zbekiston Respublikasi Vazirlar Mahkamasining 2021-yil 9-sentabrdagi “Respublika oliy ta’lim muassasalarida talabalarni turar joy bilan qamrab olish darajasini oshirish chora-tadbirlari to‘g‘risida”gi 563-sonli qaroriga asosan “Ipak yo‘li” turizm va madaniy meros xalqaro universiteti uchun universitet huzuridagi Samarqand shahri, Turkiston ko‘chasi 12-uy manzilida joylashgan Samarqand turizm va madaniy meros texnikumi hududida davlat-xususiy sherikligi shartlari asosida 400 o‘rinli talabalar turar joyi qurilishi belgilangan. Talabalar turar joyini qurish, jihozlash,foydalanish,xizmat ko‘rsatish va qaytarish bo‘yicha xususiy tashabbuskor “Z-P-A” oilaviy korxonasi bilan universitet o‘rtasida 2023-yil 16-iyun sanasida №37-2023-sonli bitim imzolandi. Ekspertiza xulosasiga ko‘ra, ushbu loyihaning umumiy qiymati 25 527 529 795 so‘m bo‘lib, shundan 13 527 529 795 so‘m qismi tadbirkorning o‘z mablag‘lari hisobidan, 12 000 000 000 so‘m qismi esa davlat byudjetidan ajratiladigan subsidiya mablag‘lari hisobidan amalga oshirilmoqda.

Vazirlar Mahkamasining 2022-yil 6-may sanasidagi “Talabalar turar joylarini davlat-xususiy sheriklik shartlari asosida qurish uchun O‘zbekiston Respublikasi davlat budjetidan subsidiya ajratish tartibi to‘g‘risidagi nizomni tasdiqlash haqida”gi 239-sonli qaroriga asosan talabalar turar joyini qurish uchun tegishli tartibda davlat subsidiyasi mablag‘lari ajratilish bo‘yicha universitet tomonidan Oliy ta’lim, fan va innovatsiyalar vaziligiga 2023-yilning 6-iyul sanasida 810-sonli xat bilan murojaat qilindi.

2023-yilning 26-iyul sanasida davlat subsidiyasining 4 000 000 000 so‘m miqdordagi qismi Oliy ta’lim, fan va innovatsiyalar vaziligi tomonidan moliyalashtirildi va universitetning maxsus hisob raqamiga o‘tkazib berildi.

Yuqoridagi qaror bilan tasdiqlangan nizomning 12-bandiga asosan                 2023-yilning 28-iyul sanasida 3 829 129 469 (25 527 529 795 so‘m 15%)  so‘m miqdordagi mablag‘ xususiy sherikning maxsus hisob raqamiga o‘tkazib berildi. Shundan so‘ng, Vazirlar Mahkamasining 2022-yil 6-may sanasidagi 239-sonli qarori bilan tasdiqlangan nizomning 12-bandi 2-xatboshi hamda  2023-yil                         7-sentabrdagi №1 sonli bajarilgan ishlar dalolatnomasiga asosan 2023-yilning                 29-sentabr sanasida 4 170 870 531  so‘m miqdordagi qo‘shimcha mablag‘ xususiy sherikning maxsus hisob raqamiga o‘tkazib berildi.