Universitetimiz xotin-qizlar kengashi raisi M.Abbasova bugungi kunda oliygohimizda talaba qizlar va xotin-qizlardan iborat professor-o‘qituvchilar bilan olib borilayotgan ishlari, ular uchun yaratilgan shart-sharoitlar hamda gender tenglik muhiti xususida viloyat televideniyanisining “Assalom Samarqand” dasturi orqali intervyu berdi.

 “Ipak yo‘li” turizm va madaniy meros xalqaro universiteti axborot-resurs markazida elektron avtomatlashtirilgan va masofadan foydalanish imkoniyatini beruvchi https://unilibrary.uz/ platformasi mavjud. Ushbu platforma kutubxonaning kirish qismi (reception)da stol shaklidagi planshetga joylashtirilgan.

Ushbu dasturga 186974 dona adabiyotlar, 26078 dona maqolalar, 8252 dona monografiyalar, 20896 dona dissertatsiyalar kiritilgan. Ushbu adabiyotlarni masofadan turib o‘qish, mustaqil ta’lim olish imkoniyatni yaratadi. Bundan tashqari kutubxonaning kirish qismida kutubxonadagi barcha adabiyotlarni masofadan turib izlab topish va bu kitoblarni zaxiraga olib qo‘yish uchun alohida QR kodli izlash tizimi yaratilgan.

“Ipak yo‘li” turizm va madaniy meros xalqaro universiteti axborot-resurs markazi fondida 13522 nomli  25371 dona kitob shaklida adabiyotlar mavjud. Shundan  o‘zbek tilida 4801 dona, rus tilida 3680 dona, ingliz tilida 10749 dona hamda boshqa tillarda 5141 dona adabiyotlar mavjud. Shundan: shakllar kesimida bosma-25371 dona, elektron-911 dona, brayl yozuvida-17 dona, audio-58 dona, fondlar kesimida o‘quv adabiyotlar-1039 dona, ilmiy adabiyotlar-1814 dona, badiiy adabiyotlar-1793 dona, xorijiy adabiyotlar-19354 dona, va boshqa adabiyotlar-371 donani tashkil etadi.

Kutubxonada talabalar va professor-oʻqituvchilar uchun hamma shart-sharoitlar mavjud. Kutubxonada 1 ta elektron xona boʻlib, unda 14 ta yangi (hp) rusumli  kompyuter bor. Bundan tashqari 2 ta oʻquv zal va brainstorming xonasi mavjud. Birinchi oʻquv zalda 18 ta yumshoq yostiqchalar (pufiklar) bor. Ikkinchi  oʻquv zalida 21 ta oʻrindiqlar bolib, talabalar kitob oʻqish hamda oʻquv adabiyotlardan foydalangan holda dars tayyorlash imkoniyatiga ega. Brainstorming xonasida professor-oʻqituvchilar va talabalar oʻzlari xohlagan mavzuda muhokamalar oʻtkazadilar. Ayni damda kutubxonada Atriuum Book Systems (AQSH) platformasidan foydalanilib kelinmoqda. Ushbu platforma yordamida talabalar va professor-oʻqituchilar oʻzlariga kerakli adabiyotlarni izlab topish hamda zaxiraga olib, Axborot-resurs markaziga kelib ijaraga olishlari mumkin. Kutubxonaning hamma xonalari sovutgich (konditsioner) moslamalari bilan jihozlangan va har bir xona oʻziga xos chiroyli shaklda bezatilgan.

“Ipak yo‘li” turizm va madaniy meros xalqaro universiteti axborot-resurs markazida mahalliy va xalqaro axborot va ma’lumotlar bazasidan EBSCOhost  http://search.ebscohost.com , Atriuum Book Systems https://univsilkroaduz.booksys.net , Proquest https://www.proquest.com/ , Unilibrary.uz https://unilibrary.uz , Springer https://link.springer.com) hozirgi kunda foydalanib kelinmoqda.

Joriy yilning 12- oktabr kuni Xitoyning Shimoli-G‘arbiy universiteti Madaniy meros fakulteti dekani, professor Ma Jian universitetimiz talabalari uchun “Vohadan yaylovgacha: Sharqiy Tyanshan tog‘larining dastlabki rivojlanishi va o‘zaro madaniy ta’sir” mavzusida ma’ruza qildi. Ma’ruza davomida Buyuk Ipak yo‘li tarixida Sharqiy Tyanshan hududing ahamiyati, voha va yaylov hududlarida olib borilgan arxeologik ilmiy ekspeditsiyalar haqida ma’lumotlar taqdim etildi.

Shuningdek, Xitoy-O‘zbekiston arxeologlari hamkorligida Surxondaryo viloyatida olib borilgan ilmiy tadqiqot ishlarining ahamiyatiga to‘xtalib o‘tildi. Ma’ruza oxirida talabalar o‘zlarini qiziqtirgan savollarga javob oldilar.

2011-yil 19-dekabrda Birlashgan Millatlar Tashkilotining Bosh Assambleyasi 66/170-sonli qarorni qabul qilib, 11-oktabrni xalqaro qizlar kuni deb e’lon qildi va ularning huquqlarini tan oldi. 2023-yilda biz xalqaro qizlar kuni tashkil etilganligining 12 yilligini nishonlaymiz.

Bugun erta tongdan boshlab “Ipak yo‘li” turizm va madaniy meros xalqaro universitetida oliygoh хotin-qizlar kengashi raisi M.Abbosova hamda universitet Yoshlar Ittifoqi boshlang‘ich tashkiloti hamkorligida  tashkil etilgan xalqaro qizlar kuniga bag‘ishlangan tantanali tadbir bo‘lib o‘tdi. Ushbu tadbirda Birinchi prorektori J.Eltazarov hamda professor-o‘qituvchilar ishtirok etishdi.

“So‘nggi 12 yil ichida qizlar uchun muhim bo‘lgan masalalarga barcha darajalarda katta e’tibor berila boshlandi. Xotin-qizlarning imkoniyatlarini kengaytirish va gender tengligini rag‘batlantirish barqaror rivojlanishni tezlashtirish uchun juda muhimdir”, – deydi oliygohimiz Birinchi prorektori J.Eltazarov.

Tadbir davomida talabalarga, shuningdek ushbu tadbirni tashkil etishda yordam bergan talabalarga sertifikatlar topshirildi.

“Ipak yo‘li” turizm va madaniy meros xalqaro universitetining “O‘zbek tili va madaniyati” klubi o‘zbek tili va madaniyati bilan tanishishni istagan chet ellik talabalari diqqatiga.

“O‘zbek tili va madaniyati” to‘garagiga har oyning 2-va 4-haftasi payshanba kuni soat 11:00 da tashrif buyurishingiz mumkin.

☎️ 99 385 28 43

O‘qituvchi: Dildoraxon Xusanova

Telegram havolasi: https://t.me/+amX2ZOLeYc40OWQy

“Ipak yo‘li” turizm va madaniy meros xalqaro universitetida mana uch yildirki, University Campus radio faoliyati yo‘lga qo‘yilgan. University Campus radio (universitet radiosi yoki talaba radiosi) - bu universitet talabalari boshqaradigan radiodir (lekin radiotantsiyaga ulanmagan).

University Campus radiosi, universitet yangiliklari, e’lonlar berish bilan birga, turizm sohasidagi xabarlardan butun universitet jamoasini xabardor etish, jamoa va talabalar o‘rtasida notiqlik san’atini rivojlantirish, talabalarning bo‘sh vaqtidan unumli foydalanish maqsadida tashkil etilgan.

University Campus radio jamoaga universitetdagi yangiliklar, e’lonlar, ta’lim, fan va turizm sohasida yangi va dolzarb ma’lumotlar bilan birgalikda, jamoa va talabalar kayfiyatlarini ko‘tarish maqsadida turli xil mashhur milliy, zamonaviy musiqalarni efirga uzatadi.

Joriy yilning 9-oktabr kuni “Ipak yo‘li” turizm va madaniy meros xalqaro universiteti amaliyotchi psixologi D.Turdiyeva tyutorlar ishtirokida “Zamonaviy tyutor qanaqa bo‘lishi kerak?” mavzusida master-klass o‘tkazdi.

Interaktiv suhbat tarzida o‘tgan tadbirda bugungi kunda katta mas’uliyat va vazifa yuklanayotgan tyutorlar shaxsi, ular faoliyatining psixologik jihatlari haqida to‘xtaldi. Talabalar uchun tayyorlangan psixologik metodikalarni o‘tkazish borasida ko‘rsatma va topshiriqlar berildi.

Shu o‘rinda aytish lozimki, bugungi kunda aynan tyutor talabalarni oliy ta’lim muassasasi rahbariyati, professor-o‘qituvchilar, xodimlar bilan bog‘lab turuvchi ko‘prik vazifasini bajaradi. Shu boisdan ushbu pedagog xodimlarga ulkan mas’uliyat va vazifa yuklangan.  

Ma’lumki, bugun mamlakatimizda beg‘araz donorlik harakatini rivojlantirish, aholining keng qatlamlarini bepul donorlikka jalb etish, bemorlarni xavfsiz qon komponentlari bilan ta’minlashga  katta e’tibor qaratilmoqda. Shu bois, 2023-yilning 5-oktabr kuni “Ipak yo‘li” turizm va madaniy meros xalqaro universiteti talaba-yoshlari uchun, “Ezgulik albatta qaytadi”  yoki Beg‘araz donor bo‘ling! –shiori ostida mamlakatimiz yoshlari orasida beg‘araz donorlik harakatini ommalashtirish maqsadida tadbir o‘tkazildi. Tadbir davomida Samarqand Qon qo‘yish markazi sayyor guruh bo‘lim mudiri Jabborova Aziza Mansurovna, Biologik nazorat bo‘limi mudiri Qosimova Zarina Sobirovnalar tomonidan yoshlarimiga qon topshirish nima uchun kerakligi, qon topshirish jarayoni, qon topshirish muolajalari va beg‘araz donorlar to‘g‘risida ma’lumotlar berishdi.

“Ipak yo‘li” turizm va madaniy meros xalqaro universiteti barcha professor-o‘qituvchi, xodim va talabalarni donorlik harakatini rivojlantirish maqsadida o‘tkazilayotgan “Mehr ulash” kabi xayriya aksiyalarida faol ishtirok etishga va beg‘araz donor bo‘lishga hamda yordamga muhtoj bemorlarga ko‘mak berishga chaqiradi.

“Turizm menejmenti” kafedrasi o‘qituvchisi Muxammadieva Nodira talabalarga amaliy dars tashkil qilish maqsadida “Business Portfolio” mavzusida tajribali tadbirkor Xurshid To‘rayev ishtirokida  biznes trening tashkil qildi. Bu treningda tadbirkor biznesni tashkil qilishishda o‘z tajribalari bilan o‘rtoqlashdi. Dastur so‘ngida talabalar o‘zlarini qiziqtirgan savollariga javob topishdi. Tadbirkor Xurshid To‘rayev intiluvchan talabalarimizga birga ishlash taklifini ham bildirdi.

“Ipak yo’li” turizm va madaniy meros xalqaro universiteti Birinchi prorektori J.Eltazarov boshchiligidagi universitet vakillari O‘zbekiston Respublikasi Prezidentining 26.04.2023-yildagi 135-sonli qarori ijrosi doirasida Buxoro davlat universitetida 7-8 oktabr kunlari o‘tkazilayotgan “Turizm ta’limi beruvchi oliy ta’lim muassasalari rektorlari forumi”da ishtirok etishdi.

Forum davomida mehmonlar Buxoro davlat universitetida professor-o`qituvchilari hamda talabalar uchun yaratilgan shart-sharoitlar va oliygohda olib borilayotgan yangiliklar bilan tanishishdi.

Shuningdek tadbir ishtirokchilari talabalar turar joyida yaratilgan shart-sharoitlar ularlarning bo`sh vaqtini mazmunli o`tkazish uchun tashkil etilgan "Besh tashabbus" xonalari, “Zakovat” burchagi, "My office" kovorking markazini ko`zdan kechirishdi. Mehmonlar universitetning 500 ming adabiyot sig‘imiga ega Axborot resurs markaziga tashrif buyurib, o`quv zallari, har-bir foydalanuvchiga istalgan axborot resursdan foydalanish imkoniyatlari bilan yaqindan tanishishdi. "Biznes Akselerator" hamda uning tarkibidagi Robotexnika markazi faoliyatini o`rganish bilan birga, Buxoro Davlat universitetdagi Uniwork tizimi haqida  ma'lumotlarga ega bo`lishdi.

Forumning so’ngi kunida Buxoro viloyati, Romitan tumanida joylashgan “BUKHARA DESERT OASIS & SPA” turizm klasteriga tashrif buyurib, klasterda yaratilgan sharoitlar bilan yaqindan tanishishdi.

Forum yakunida bildirilgan takliflar asosida rezolyutsiya qabul qilinishiga kelishib olindi.