“Ipak yo‘li” turizm va madaniy meros xalqaro universitetida Hindistonning O‘zbekistondagi elchixonasining ikkinchi kotibi, Lal Bahadur Shastri nomidagi Hindiston madaniyati markazi direktori, janob Sitesh Kumar boshchiligidagi delegatsiya tashrif buyurdi. Martabali mehmonlarni universitet prorektori J.Xoffman kutib oldi. Ma’lumki, bugungi kunda universitetimizda dunyoning ko‘plab davlatlari qatori Hindistondan ham 6 nafar talaba tahsil olmoqda. Tadbirlar doirasida dastlab mehmonlar universitetimiz talabalari bilan uchrashdi. Uchrashuv davomida yoshlarga bugungi kunda O‘zbekiston va Hindiston o‘rtasidagi aloqalarning mustahkamlanib borayotganligi xususida fikrlar bildirildi. Yoshlar ham o‘zlarini qiziqtirgan savollarga javob olishdi. Shundan so‘ng mehmonlar hindistonlik rassomlar ijodiga mansub rasmlar ko‘rgazmasi va hind milliy taomlari bilan tanishdi. 

Anjuman yakunida faol va iqtidorli talabalarga sertifikat va esdalik sovg‘alar topshirildi.

Joriy yilning 8-noyabr kuni universitetimiz rahbariyati va kasaba uyushmalari boshlang‘ich tashkiloti tomonidan 11-noyabr Kasaba uyushmalari xodimlari kuni bayrami keng nishonlandi. Dastlab bayram munosabati bilan oliygohimiz professor-o‘qituvchilari va xodimlari o‘rtasida sportning mini futbol, shaxmat-shashka, stol tennisi turlari bo‘yicha musobaqa o‘tkazildi. Musobaqa murosasiz bellashuvlar ostida o‘tdi. Ayniqsa mini futbol bo‘yicha o‘tgan bellashuvda universitetimizning Ofis registrator bo‘limi jamoasiga 1-o‘rin, Rektorat jamoasi 2-o‘rin va 3-o‘rin Buxalteriya jamoasiga nasib qildi. Shuningdek, sportning qolgan turlari bo‘yicha ham g‘oliblar aniqlab olindi.

Bayram munosabati bilan universitetimiz faollar zalida sport musobaqasi g‘oliblarini taqdirlash marosimi o‘tkazildi. Tadbirda so‘z olgan O‘zbekiston kasaba uyushmalari Federatsiyasining Samarqand viloyat Kengashi raisi Suxrob Rafikov barcha ishtirokchilarini bayram bilan qizg‘in qutlab, bugungi kunda kasaba uyushmalari sohasida olib borilayotgan ishlar xususida gapirdi. Shundan so‘ng tadbirning asosiy qismi sport musobaqasi g‘oliblarini taqdirlash tadbiri o‘tkazildi. Tadbirda ishtirokchilari va g‘oliblariga tashakkurnoma va qimmatbaho sovg‘alar topshirildi.  

“Ipak yo‘li” turizm va madaniy meros xalqaro universitetida 08.00.17- “Turizm va mehmonxona faoliyati” ixtisosligi bo‘yicha malakaviy imtihon uchun hujjat topshirgan talabgorlar uchun imtihon jarayonlari joriy yilning 28-noyabr kuni soat 14:30da universitet binosi 108-xonada tashkil etiladi.

Talabgorlardan imtihon boshlanadigan vaqtdan yarim soat oldin malakaviy imtihon o‘tkaziladigan joyga o‘zlarining shaxslarini tasdiqlovchi hujjat (passport) hamda tadqiqotchilarning dissertatsiya avtoreferatlari bilan birgalikda kelishlari so‘raladi.
Dastur

Joriy yilning 7-noyabr kuni “Ipak yo‘li” turizm va madaniy meros xalqaro universitetiga Slovakiyaning xalqaro aloqalarni rivojlantirish instituti Prezidenti boshchiligidagi delegatsiya a’zolari tashrif buyurdi. Mehmonlarni universitet prorektori J.Hoffman kutib oldi. Oliygohning Yoshlar bilan mahallabay ishlash va tadbirlar bo‘limi boshlig‘i N.Abduvaxidova mehmonlarga bugungi kunda universitetda turizm sohasiga malakali mutaxassislar tayyorlab berish borasida olib borilayotgan ishlar bilan yaqindan tanishtirdi.

 Ma’lumki, bugungi kunda mamlakatimiz Yevropadagi ko‘plab davlatlar bilan yaqindan hamkorlik aloqalarini yo‘lga qo‘ygan. Buning natijasida davlatlar o‘rtasida ilm-fan, turizm kabi sohalarda qator amaliy ishlarga qo‘l urilib kelinayapti. Mehmonlarga universitetimizdagi Turk Dunyosiga oid milliy liboslar galeriyasi, talabalar uchun turizm sohasidagi laboratoriyalar bilan yaqindan tanishtirildi. Shuningdek delegatsiya a’zolariga oliygohimizdagi kutubxona va undagi kitoblar, talabalar uchun yaratilgan imkoniyatlar juda katta tassurot qoldirdi.

Delegatsiya rahbari tomonidan universitetimiz kutubxonasiga turli adabiyotlarni tuhfa qilindi.

“Ipak yo‘li” turizm va madaniy meros xalqaro universiteti professor-o‘qituvchilari tomonidan turizm, madaniy meros, til, adabiyot va falsafa sohasida yaratilgan kitoblar taqdimoti bo‘lib o‘tdi.

Tadbirda “Tillar” kafedrasi professori J.Eltazarovning “We learn Uzbek” o‘quv qo‘llanmasi, “Yaponcha-o‘zbekcha-inglizcha so‘zlashgich” kitobi, kafedra dotsenti T.Sultanovning “Turistlar uchun o‘zbekcha-inglizcha rasmli izohli lug‘at” kitobi, shuningdek, “Tarix va madaniy meros” kafedrasi professori K.Mustayevning “Global Literature” nomli darsligi, kafedra dotsenti M.Sidikovaning “Samarqand shahar madaniyatining rivojlanish tarixi” o‘quv qo‘llanmasi, PhD O.Boynazarovning “Kreativ tafakkur va informatsion madaniyat dialektikasi” monografiyasi haqida mualliflar tomonidan kitobxonlarga keng ma’lumot berildi.

Taqdimotda universitetning o‘quv ishlari bo‘yicha prorektori Professor R.Hoffmann, bo‘lim boshliqlari, xalqaro talabalar, Yaponiya Xalqaro universiteti, SamDU Turkologiya ilmiy-tadqiqot instituti va filologiya fakulteti professor-o‘qituvchilari ishtirok etishdi.

Tadbir yakunida mualliflar tomonidan ishtirokchilarga kitoblar hadya qilindi.

Joriy yilning 3-noyabr kuni Fransiyaning favqulodda va muxtor elchisi Aurelia Bushez xonim tashrif buyurdi. Mehmonni universitet prorektori J.Xoffman kutib oldi. Ma’lumki, bugungi kunda O‘zbekiston-Fransiya o‘rtasidagi hamkorlik aloqalari kun sayin yuksalib bormoqda. Kuni kecha yurtimizga xususan Samarqandga Fransiya Respublikasi Prezidenti Emmanuel Makronning  tashrifi ham ushbu fikrimizga yaqqol misol bo‘la oladi.

Fransiyaning favqulodda va muxtor elchisi Aurelia Bushez xonim universitetimizda turizm sohasiga malakali mutaxassislar tayyorlash borasida amalga oshirilayotgan ishlar bilan yaqindan tanishdi. Shuningdek mehmon yaqinda foydalanishga topshirilgan Xalqaro Turizm Akademiyasida talabalarning sohani chuqur o‘rganishlari uchun yaratilgan xalqaro darajadagi sharoitlarni ko‘zdan kechirdi. Akademiya binosidagi talaba yoshlar uchun yaratilgan barcha shart-sharoit va imkoniyatlar mehmonda juda katta taassurot qoldirdi. “Ipak yo‘li” tematik ofisining qaytadan restavratsiya qilinib foydalanishga topshirilganligi Fransiyaning favqulodda va muxtor elchisi Aurelia Bushezni hayratga soldi.

2023-yil 4-noyabr kuni soat 9:00 da va 11:00 da (universitet binosi 108-xona) “Ipak yo‘li” turizm va madaniy meros xalqaro universiteti qoshidagi iqtisodiyot fanlari bo‘yicha ilmiy darajalar beruvchi DSc.33/01.02.2022.I.145.01 raqamli Ilmiy Kengash huzuridagi Ilmiy seminarda:

1. “Ipak yo‘li” turizm va madaniy meros xalqaro universiteti mustaqil izlanuvchisi To‘xtamishov Aziz Qahramonovichning 08.00.17 – “Turizm va mehmonxona faoliyati” (iqtisodiyot fanlari) ixtisosligi bo‘yicha “Klaster yondashuvi asosida turizm sohasining innovatsion rivojlanishi” mavzusidagi kafedralararo falsafa fanlari doktori (PhD) ilmiy darajasini olish uchun yozilgan dissertatsiyasi muhokamasi;

2. Termiz davlat universiteti mustaqil izlanuvchisi Alimardonova Zebuniso Mamarajabovnaning 08.00.17 – “Turizm va mehmonxona faoliyati” (iqtisodiyot fanlari) ixtisosligi bo‘yicha “Surxondaryo viloyatining turizm resurslaridan samarali foydalanish mexanizmlarini takomillashtirish” mavzusidagi falsafa fanlari doktori (PhD) ilmiy darajasini olish uchun yozilgan dissertatsiyalari muhokamasi bo‘lib o‘tadi.