press
Universitetimizda O‘zbekiston-Xitoy tabiati durdonalari ko‘rgazmasi o‘tkazildi
Joriy yilning 31-oktabr kuni “Ipak yo‘li” turizm va madaniy meros xalqaro universitetida O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi, Xitoy Madaniyat va turizm vazirligi hamda O‘zbekiston davlat san’at muzeyi hamkorligida o‘zbekistonlik va xitoylik rassomlarning eng sara asarlari ko‘rgazmasi o‘tkazildi.
Tadbirning ochilish marosimida so‘z olgan Samarqand viloyat hokimi o‘rinbosari R.Qobilov bugungi kunda O‘zbekiston-Xitoy o‘rtasidagi madaniy aloqalarning kundan-kunga mustahkamlanib borayotganligiga to‘xtalib o‘tdi. Shundan so‘ng “Ipak yo‘li” turizm va madaniy meros xalqaro universiteti Birinchi prorektori J.Eltazarov hamda xitoylik va yurtimizdan bo‘lgan rassomlar universitetda madaniy merosni asrab-avaylash borasida olib borilayotgan ishlar, rasmlar ko‘rgazmasining ahamiyati xususida gapirdi. Shuningdek tadbirda xitoylik rassomlar tomonidan chizilgan rasmlar “Ipak yo‘li” turizm va madaniy meros xalqaro universitetiga taqdim qilindi.
Prorektor va talabalar uchrashuvi samimiy muloqot shaklida o‘tdi
Bugungi kunda mamlakatimizda Prezidentimiz rahbarligida barkamol avlod kamoloti, yoshlarning huquq va erkinliklarini ta’minlash, orzu-umidlarini ro‘yobga chiqarish masalasiga davlat siyosati darajasida e’tibor qaratilmoqda.
Yoshlarga oid masalalarda, zamon talablari asosida yangicha mexanizmlarni tadbiq etish, xorijiy davlatlarning ilg‘or tajribalarini muntazam o‘rganib borish va O‘zbekiston sharoitiga mos, milliy xususiyatlarimizga javob beradigan metodlarni joriy etib borilmoqda.
Joriy yilning 30-oktyabr kuni «Ipak yo‘li» turizm va madaniy meros xalqaro universitetida o‘tkazilgan “Prorektor va talabalar" uchrashuvida ham yoshlarni har tomonlama tashqi ta’sirlardan muhofaza qilish, ta’lim olish huquqlari, iqtidorli yoshlarga nisbatan davlat ko‘magini amalga oshirish kabi dolzarb masalalar muhokama etildi.
Uchrashuvda universitetimiz Birinchi prorektori, prof. J.Eltazarov hukumatimiz tomonidan yaratilayotgan imkoniyatlar, oliy ta’lim muassasalaridagi ta’lim va tarbiyaga oid ijobiy o‘zgarishlar xususida gapirdi. Samimiy muloqot ruhida o‘tgan tadbirda talaba, yoshlar tomonidan ta’lim, sport, ijtimoiy-iqtisodiy va boshqa sohalardagi taklif va tashabbuslarini qo‘llab-quvvtalash bo‘yicha zarur choralar tadbirlar belgilab olindi.
Esselar tanlovi g‘oliblari munosib taqdirlandi
"Ipak yo'li" turizm va madaniy meros xalqaro universiteti xotin-qizlar kengashi va “Tillar” kafedrasi hamkorligida talaba-qizlar o'rtasida o‘tkazilgan "Men zo'ravonlikka qarshiman" mavzusidagi esselar tanlovi g‘oliblari aniqlandi va joriy yilning 30-oktabr kuni munosib taqdirlandi.
1-o'rin Media va kommunikatsiya yo‘nalishi-121 guruh talabasi M.Sadinova
I-darajali diplom va 1 500 000 so'm pul mukofoti
2-o'rinni “Turizm menejmenti” kafedrasi kabinet mudiri M.Nurillayeva II-darajali diplom va qimmatbaho sovg‘a
3-o'rinni Tour-220 guruh talabasi M.Abdurasulova III-darajali diplom va qimmatbaho sovg‘a bilan taqdirlandi.
Ushbu tanlov O‘zbekiston Respublikasi Vazirlar Mahkamasining voyaga yetmaganlar, xususan qizlarni ijtimoiy faolligini oshirish, ularni bo‘sh vaqtlarini mazmunli o‘tkazishini ta’minlash, liderlik xususiyatlarini rivojlantirish va qo‘llab-quvvatlash maqsadida “Qizlarni qo‘llab-quvvatlash ishlarini yanada jadallashtirish va tizimli yo‘lga qo‘yish bo‘yicha” chora-tadbirlar ijrosini ta’minlash maqsadida o‘tkazildi.
Universitetimiz kutubxonasi koreys tilidagi darsliklar bilan boyitildi
Joriy yilning 9-iyulida oliygohimiz “Tillar” kafedrasi o‘qituvchisi M.Bаymatovaning sa’yi-harakati bilan universitetimizga Janubiy Koreyaning O‘zbekistondagi elchixonasi qoshida tashkil qilingan “Ta’lim markazi” tomonidan 548 dona koreys tilidagi darsliklar tuhfa qilingan edi. Bugungi kunda ushbu noyob kitoblar oliygohimiz talaba-yoshlari uchun koreys tilini yanada chuquroq o‘rganishi uchun qulay manba bo‘lib xizmat qilmoqda. Ushbu darsliklarning ingliz tilidagi nusxasining ham borligi koreys tiliga bo‘lgan qiziqishni yanada oshirmoqda.
Oliy ta’lim muasassalarining xotin-qizlar kengashlari raislari o‘zaro tajriba almashdi
Joriy yilning 27-28 oktabr kunlari Oliy talim, fan va innovatsiyalar vazirligi tashabbusi bilan Termiz davlat universitetida respublikamizdagi 150 ta oliy ta’lim muasassalari xotin-qizlar masalalari bo‘yicha kengashlari raislari uchun “Talaba-qizlarni milliy qadriyatlar ruhida tarbiyalash” mavzusida seminar tashkil qilindi. Seminarda talaba-qizlarni milliy qadriyatlar ruhida tarbiyalash, milliy liboslarning ahamiyati, xotin-qizlar uchun psixologik va huquqiy maslahatlar berishga doir ishlarni jadallashatirish, “Qizlarjon” klubi faoliyatini yo‘lga qo‘yish kabi masalalar muhokama qilinib, o‘zaro fikr-mulohazalar bildirildi.
Seminarda “Ipak yo‘li” turizm va madaniy meros xalqaro universitetining xotin-qizlar maslahat kengashi raisi M.Abbasova ishtirok etdi.
Zulfiya nomidagi Davlat mukofotiga ega bo‘lish har bir yosh qizning orzu, istagi
Ma’lumot o‘rnida shuni aytish kerakki, bugungi kunda Zulfiya nomidagi Davlat mukofoti ta’lim, fan, adabiyot, madaniyat, san’at, sport va jamoatchilik faoliyatida alohida yutuqlarga erishgan o‘n to‘rt yoshga to‘lgan va o‘ttiz yoshdan oshmagan iqtidorli qizlarga berilib kelinayapti.
Joriy yilning 27-oktabr kuni universitetimizning respublika va xalqaro miqyosda o‘tkazilgan fan olimpiadalari, tanlovlar, ko‘rgazmalar, konferensiyalar va boshqa nufuzli tadbirlarda faol ishtirok etib, faxrli o‘rinlarni qo‘lga kiritgan talaba-qizlarimizdan Fotima va Zuxra Baxromqulova, Muqaddas Sadinova, Sabina Mustafaqulova va Iroda Yakubayeva tanlovning Samarqand shahar hududiy saralash jarayonlarida faol ishtrok etishdi. Quvonarlisi, ulardan to‘rt nafari viloyat saralash bosqichiga yo‘llanma oldi.
Talaba-qizlarimizga kelgusi bosqichida omad tilab qolamiz.
Viktorina o‘yinlari talaba yoshlarning bilimini mustahkamlashda muhim ahamiyat kasb etmoqda
2023-yilning 27-oktabr sanasida “Ipak yo‘li” turizm va madaniy meros xalqaro universiteti “Talabalar Parlamenti” a’zolari tomonidan “FIND ME! QUIZ” – viktorinasi tashkil etildi. Viktorinada 8 ta jamoa ishtirok etdi. Barcha ishtorkchilar berilgan savollarga to‘laqonli javob berishi bilan birga, yangidan yangi ma’lumotlarga ega bo‘lishdi.
Ushbu ko‘ngilochar intellektual loyiha so‘ngida uchta jamoa yuqori o‘rinlarni egallashshdi va esdalik sovg’alari bilan taqdirlandi.
E’LON
Eng yaxshi videoroliklarga pul mukofoti beriladi
“Ipak yo‘li” turizm va madaniyat meros xalqaro universiteti Ekologiya, moddiy va nomoddiy madaniy merosni targ‘ib qiluvchi videoroliklar tanlovini e’lon qiladi.
“Moddiy madaniy merosni targ‘ib qiluvchi eng yaxshi ta’limiy videorolik”
“Nomoddiy madaniy merosni targ‘ib qiluvchi eng yaxshi ta’limiy videorolik”
“Ekologiya, atrof-muhitni muhofaza qilishga qaratilgan eng yaxshi videorolik”
“Ekologiya, atrof-muhitni muhofaza qilishga qaratilgan eng yaxshi loyiha”
Har bir nominatsiya uchun 1 000 000 so‘m (loyiha uchun 1 500 000 so‘m) pul mukofoti beriladi.
Tanlov uchun tayyorlangan ishlarni topshirish muddati: 30-noyabr.
Murojaat uchun: +998915446204 (@Toshniyozova77). 236-xona.
Iqtidorli talaba yoshlarimiz o‘zaro bellashishdi
2023-yilning 27-oktabr sanasida “Ipak yo‘li” turizm va madaniy meros xalqaro universiteti Yoshlar ittifoqi kengashi koordinatorlari tomonidan “TALENT SHOW” – tanlovi o‘tkazildi. Tanlovda talabalar notiqlik san’ati, rasm chizish, sahna ko’rinishi, raqs, qo’shiq aytish, she’r aytish yo’nalishlarida ishtirok etishdi va o’z iqtidorlarini namoyish qilishdi.
Tadbirda Ravshanqulova Marjona notiqlik san’ati bo’yicha, Davlatova Guzal rasm chizish, Jabborov Alisher va Baxronov Isfandiyor sahna ko‘rinishi, Xusanova Xadichabonu, Normurotova Malika, Vafokulova Asal raqs, Xayitboyev Shoxrux she’r aytish, Rafiyeva Ruxshona, Baxtiyorova Muattar, Rasulova Zarguna, Niyozov Mansur, qo‘shiq aytish yo‘nalishlarida sovrindor bo‘lishdi.
Ushbu ko‘ngilochar tanlov yakunida, g‘oliblar esdalik sovg‘alar bilan taqdirlandi.
Universitetimizda “Ota-onalar kongressi” tadbiri o‘tkazildi
2023-yilning 26-oktabr kuni “Ipak yo‘li” turizm va madaniy meros xalqaro universitetida “Ota-onalar kongressi” tadbiri o‘tkazildi. Kongress avvalida mehmon sifatiga taklif etilgan ota-onalar universitet faoliyati, xususan, taʼlim jarayonlari, talaba-yoshlar uchun yaratilgan zamonaviy sharoitlar bilan tanishtirildi. Universitetga tashrif buyurgan ota-onalar farzandlari tahsil olishlari uchun yaratilgan shart-sharoitlarni o‘rganish bilan bir qatorda universitet rahbariyati bilan uchrashib, o‘zlarini qiziqtirgan savollariga javob olishdi.
Kongressni universitet Birinchi prorektori, prof. J.Eltazarov kirish soʻzi bilan ochib berdi va ta’lim dargohi bilan ota-onalar oʻrtasidagi hamkorlikni yaxshilash boʻyicha o‘z takliflarini bildirdi. Tobora globallashayotgan bugungi zamonda yoshlarni turli yot g‘oyalar ta’siridan asrash,ularning ma’nan sog‘lom, keng dunyoqarashga ega, turli buzg‘unchi g‘oyalarga qarshi tura oladigan xislatlarga ega bo‘lishi ekanligini tushuntirib o‘tdi.
Yoshlar bilan mahallabay ishlash va tadbirlar bo‘limi boshlig‘i Nargiza Abduvaxidova, fakultet boshlig‘i Rano Toshniyazova, Xotin-qizlar kengashi raisi M.Abbasova ta’lim jarayonlari, talaba-yoshlar uchun yaratilgan zamonaviy sharoitlar haqida ma’lumot berish bilan birga, ularning odob, axloqi boshqalarga o‘rnak bo‘lishi lozimligi xususida gapirdi.
Tadbir so‘ngida oliygohda tashkil etilgan tadbirlarda o‘zining faolligi, bilimi hamda liderlik salohiyati bilan namuna bo‘lgan talabalarning ota-onalariga “Tashakkurnoma”lar topshirildi.
Saytdagi yangiliklar
Aloqalar
140104, O’zbekiston Respublikasi, Samarqand shahri, Universitet xiyoboni, 17
-
dummy+99866 240-67-68
-
dummy info@univ-silkroad.uz