Joriy yilning 30 noyabr kuni Pekin Ijtimoiy Fanlar Akademiyasi direktorining o‘rinbosari Jinsi boshchiligidagi delegatsiya a’zolari universitetimizga tashrif buyurdi. Mehmonlarni universitetimiz Birinchi prorektori J.Eltazarov kutib oldi. O‘zaro muloqot davomida bugungi kunda “Ipak yo‘li ” turizm va madaniy meros xalqaro universiteti Xitoyning qator universitetlari bilan hamkorlik aloqalarini o‘rnatligi va Xitoydan 10 nafar talabalar oliygohimizda tahsil olayotganligi xususida aytildi. Shuningdek  Pekin Ijtimoiy Fanlar Akademiyasi direktorining o‘rinbosari Jin si ham Samarqand turizm darvozasi ekanligi, turizm va ta’lim sohalarida o‘zaro hamkorlik aloqalarini o‘rnatish ikki tomon uchun ham foydali ekanligi xususida gapirdi. Uchrashuvda universitetimiz prorektorlari J.Hoffman va Toni Zou va boshqalar fan va ta’lim sohalaridagi hamkorlikni yanada yaxshilash, o‘zaro tajriba almashish kabi muhim masalalar yuzasidan fikr almashishdi.

2023-yil 30-noyabr  kuni Yoshlar bilan mahallabay ishlash va tadbirlar bo‘limi va tyutorlar tomonidan “Ipak yo‘li” turizm va madaniy meros xalqaro universiteti talabalari  uchun “Yoshlar  reproduktiv salomatligini mustahkamlash –jamiyat taraqqiyotining muhim omili” mavzusida profilaktik tadbir tashkil etildi.

Tadbirda Samarqand shahar Ko‘p tarmoqli markaziy poliklinikasi shifokori Usmonova Klara Jalilovna tomonidan   “Reproduktiv tizim salomatligi”, “Oilada tibbiy madaniyatning o‘rni” va  universitet Xotin-qizlar kengashi raisi tomonidan “Erta nikoh  va qarindoshlar o‘rtasidagi nikohning salbiy oqibatlari”  mavzularida ma’ruzalar tinglanib, bahs-munozara tashkil etildi.  

Reproduktiv salomatlik, ya’ni ayolning qachon va qanday sharoitlarda ona bo‘lishini nazorat qilish, onaning ham va undan tug‘ilajak bolaning ham salomatligi uchun maqbul shart-sharoitlarni yaratish degani, shu kabi mavzularda talabalar bilan suhbat tashkil etilib, mutaxassislar tomonidan kerakli tavsiyalar berildi.

Tadbirda Yoshlar bilan mahallabay ishlash va tadbirlar bo‘limi boshlig‘i Nargiza Abduvaxidova оila, uning asosiy vazifasi va nikoh to‘g‘risida so‘zlab, talabalarni qiziqtirgan savollarga javob berdi.

Har kuni dunyo bo‘yicha yuz minglab odam donor qoniga ehtiyoj sezadi. Ayniqsa, onkologik, gematologik kasalliklarga chalingan insonlar, baxtsiz hodisa tufayli og‘ir tan jarohati olgan va murakkab operatsiyalarga muhtoj bemorlar hayotini saqlab qolishda qon muhim vosita sanaladi.

Qon-bu shunday bebaxo davoki uni o‘rnini hech qanday dorilar bosa olmaydi va zavodlarda qonni ishlab chiqib bo‘lmaydi qon olishning yagona usuli sog‘lom odamlar hisoblanadi.

Yuqoridagilarni inobatga olib, joriy yilning 30-noyabr kuni “Ipak yo‘li” turizm va madaniy meros xalqaro universiteti Yoshlar bilan maxallabay ishlash bo‘limi va tyutorlar tomonidan universitet talabalari uchun beg‘araz donorlik madaniyatini shakllantirish, donorlik harakatini keng jamoatchilik ishtirokida rivojlantirish maqsadida tadbir tashkil etildi.

Tadbirda Samarqand viloyat Qon qo‘yish stansiyasi bo‘limi boshlig‘i, Faxriy donor Jalilov Abdusalom boshchiligidagi mutaxassislar tomonidan talabalarga beg‘araz donorlikni rivojlantirish haqida va donorlik – savobli, shu bilan birga, mas’uliyatli ishdligi, donorlar og‘ir ahvoldagi bemorlar hayotini saqlab qolib, ularni hayotga qaytishlariga muxim hissa qo‘shishi to’grisida gapirib berdi. Sodda qilib aytganda, donorlik – ehsonning bir turi. Jalilov Abdusalom - Qon va uning tarkibiy qismlari yuqori texnologik operatsiyalarni amalga oshirishda muhim o‘rin tutishini ta’kidladi.

Shuningdek, tadbir doirasida, universitetda beg‘araz donorlik aksiyasi tashkil etildi. Universitet xodimlari va talabalari tomonidan beg‘araz yordam sifatida qon berildi.

Joriy yilning 30-noyabr kuni “Ipak yo‘li” turizm va madaniy meros xalqaro universiteti Yoshlar bilan mahallabay ishlash bo‘limi va tyutorlar tomonidan universitet talabalari uchun 1-dekabr – Butunjahon OITSga qarshi kurashish kuniga bag‘ishlab tadbir tashkil etildi.

Tadbirda Samarqand viloyat OITSga qarshi kurashish markazi tashkiliy bo‘limi sanitariya shifokori Jo‘rayev Akbarali O‘rolovich OIV kasalligining kelib chiqish tarixi, epidemiologik vaziyat, klinikasi, yuqish yo‘llari (yotoqxonada yashovchi talabalar shaxsiy gigiyena qoidalariga rioya etishlari, ayniqsa o‘zlarining tish yuvish shetkalari va soqol olish ustaralaridan individual foydalanishi) va profilaktik chora-tadbirlar to‘g‘risida ma’lumot berdi.

“Ipak yo‘li” turizm va madaniy meros xalqaro universiteti xotin-qizlar kengashi qoshida tashkil etilgan “Qizlarjon” klubining iqtidorli va faol a‘zosi “Yosh kitobxon va yosh qalamkash” to‘garagining etakchisi 4-bosqich talabasi Shoxnigorbegim Juraeva tengdoshlari orasida turizm va she’riyat sohibasi sifatida tanilgan. Uning kishini o‘ylantiradigan she’rlari ko‘p. Shoira talabamizning ijod namunalari viloyat va respublika adabiy nashrlarida chop etilgan. Hozir u Samarqand adabiy muhitida ham ishtirok etib, she’rlari va tarjimalari bilan e’tiborga tushmoqda.

         Shohnigorbegim Jo‘raeva universitetda turizm yo‘nalishida a’lo baholarga o‘qish bilan birga, jamoat ishlari, “Yosh qalamkashlar”, “Yosh kitobxon” tugaraklarida ham faol ishtirok etadi. Joriy yilning 23-noyabr kuni Shohnigorbegim Jo‘raeva Pushkin nomidagi viloyat kutubxonasida O‘zbekiston Yozuvchilar uyushmasi viloyat bo‘limi raisi, shoir  Toshpo‘lat O‘rxunning “Surur”, “Umr karvoni” nomli she’riy to‘plamlari taqdimotida va yosh ijodkorlarning mushoirasida ishtirok etdi.

         Ushbu adabiy kecha viloyat televideniyasi orqali tasvirga olindi. Ko‘rsatuvda oliygohimiz talabasi, iqtidorli Shoxnigorbegim Juraeva ham she’rlari va tarjimalari bilan faol qatnashdi.