Yangiliklar: May 2023

Indoneziya Respublikasi parlamenti vakillar palatasi spikerining o‘rinbosari Rahmat Gobel “Ipak yo‘li” turizm va madaniy meros xalqaro universitetiga tashrif buyurdi. Rahmat Gobel bilan birgalikda sayyohlik biznesining 25 vakili va O‘zbekistonning Indoneziyadagi turizm elchisi ham mamlakatimizga tashrif buyurdi. Tashrif buyuruvchilarning tashrifidan maqsad universitet bilan tanishish va do‘stona hamkorlik o‘rnatish edi.

Ta’kidlash joizki, universitet kampusi mehmonlarda juda iliq taasurotlar qoldirdi va kelajakda indoneziyalik talabalar uchun madaniy almashinuv dasturi bilan universitetimizga tashrif buyurishlarini ta’kidlab utishdi.

Koʼhna va hamisha navqiron Samarqand shahridagi “Ipak yo‘li” turizm va madaniy meros xalqaro universitetida 1-3-may kunlari o‘tkazilgan “Insoniyat va yer yuzi uchun gastronomik turizm kongressi: innovatsiya, imkoniyatlar va barqarorlik” mavzusidagi kongress o‘ta samarali tashkil qilinganligi bilan ahamiyatli bo‘ldi.

Xalqaro kongress Turkiya Respublikasidagi “Pamukqaʼla” universiteti bilan hamkorlikda tashkil qilindi. Unda gastronomiya turizmi rivojlangan va shu yo‘nalishda amaliy natijalarni qo‘lga kiritayotgan Turkiya, Indoneziya, Belorussiya, Ozarbayjon, Tojikiston kabi davlatlardan professor, olimlar tashrif buyurib, sohada amalga oshirilishi lozim bo‘ladigan nazariyalarga to‘xtalib o‘tishdi.

Yuqori darajadagi anjumanni “Ipak yo‘li” turizm va madaniy meros xalqaro universiteti birinchi prorektori J.Eltazarov kirish so‘zi bilan ochib, xalqaro kongress ishiga omad tiladi.

Biz o‘tgan yili “Ipak yo‘li turizm va madaniy meros xalqaro universiteti bilan gastronomiya turizimi sohasida hamkorlik qilish bo‘yicha shartnoma imzolagan edik. Ushbu shartnoma asosida mazkur konferentsiyani tashkil etdik. Haqiqatan ham turizmni rivojlantirishda mamlakatga turistlarni jalb etishda milliy taomlarning, oshxona madaniyatining katta o‘rni bor. Qardosh O‘zbekiston o‘zining taomlari, nonlari bilan mashhur hisoblanadi. Bu go‘zal madaniy boylikni juda chiroyli tarzda turistlarga taqdim etish turizm uchun juda muhimdir. Ushbu anjuman gastronomiya turizmining turli masalalarini muhokama qilinishi bilan ahamiyatli hisoblanadi, - deydi Turkiya Respublikasidagi “Pamukqaʼla” universiteti rektori, professor Аhmet Kutluxon.

Xalqaro kongressning birinchi kuni har tomonlama ishchan ruhda tashkil qilinib, unda olimlar tomonidan gastronomiya turizmi sohasidagi maʼruzalar qilinganligi bilan barcha ishtirokchilarda qiziqish o‘yg‘otdi.

2-may kuni xalqaro kongress ishtirokchilari birinchi bo‘lib, Аmir Temur maqbarasida bo‘lib, ulug‘ ajdodimiz haqqiga duo qilishdi. Shundan so‘ng Samarqand shahrining yuragi bo‘lgan Registon maydonida bo‘lib, bu yerda ajdodlarimiz tomonidan yaratilgan qurilish va arxitekturaning noyob qirralari bilan yaqindan tanishishdi. Shuningdek mehmonlar Bibixonim, Shohi Zinda masjid majmualarida va Ulug‘bek observatoriyasida va Xo‘ja Doniyor maqbarasida ham bo‘lishdi.

         3-may kuni xalqaro kongressning kun tartibida nazariya bilan amaliyotning uyg‘unlashuvi yaʼni olimlar va gastronomiya turizmi sohasida faoliyat olib borayotgan tadbirkorlarning uchrashuvi, muloqoti bilan ahamiyatli bo‘ldi. Tadbirda olimlar, tadbirkorlar bugungi kunda gastronomik turizm sohasida sohada amalga oshirilishi lozim bo‘ladigan vazifalarga to‘xtalib o‘tishdi va universitet talabalarining savollariga javob berishdi.

2022-2023-o‘quv yili davomida “Ipak yo‘li” turizm va madaniy meros xalqaro universitetida faoliyat yuritayotgan professor-o‘qituvchilar ilmiy faoliyatlari davomida bir qancha yutuqlarga erishishdi. Universitet “Turizm menejmenti” kafedrasi professori Ian Pattersonning Scopus bazasida indekslanuvchi xalqaro yuqori nufuzga ega bo‘lgan jurnallarda maqolalari chop etilganligi shular jumlasidandir. Professor Ian Pattersonning “Tourism towards healthy lives and well-being for older adults and senior citizens: Tourism agenda 2030” nomli maqolasi “Tourism Review” jurnalida hamda “Journal of Hospitality and Tourism Management” jurnalida “Volunteer tourism: The future of baby boomer tourists in a post pandemic world” nomli maqolalari chop etildi. Ushbu maqolalar bilan quyidagi havolalar orqali tanishishingiz mumkin.

1.  Tourism towards healthy lives and well-being for older adults and senior citizens: Tourism agenda 2030  https://www.emerald.com/insight/content/doi/10.1108/TR-06-2022-0269/full/html

2.  Volunteer tourism: The future of baby boomer tourists in a post pandemic world

(https://www.sciencedirect.com/science/article/abs/pii/S1447677023000414)

O‘zbekiston Respublikasi Vazirlar Mahkamasinig 2023-yil 7-martdagi “2023-yilda Samarqand shahrida Butunjahon turizm tashkiloti (UNWTO) Bosh assambleyasining 25-sessiyasini yuqori darajada tashkil etish va Shahrisabz shahrining “2024-yil Iqtisodiy hamkorlik tashkiloti turizm poytaxti” maqomini olishiga doir chora-tadbirlar to‘g‘risida”gi 98-son qarorining 3-ilova bilan tasdiqlangan “Samarqand – jahon turizm poytaxti. Butunjahon turizm tashkiloti (UNWTO) Bosh assambleyasi 25-sessiyasi mezboni” shiori ostida 2023-yil davomida o‘tkaziladigan tadbirlar dasturi”ning 3-bandi ijrosini ta’minlash maqsadida “Ipak yo‘li” turizm va madaniy meros universitetida joriy yilning 1-may kuni universitet  Ilmiy tadqiqot ishlari va innovatsiyalar bo‘yicha prorektori Tong Qian Zou, ilmiy tadqiqotlar bo‘limi boshlig‘i Mansurova Nargiza Shamsidinovnalar boshchiligida professor-o‘qituvchilar va universitetda tahsil olayotgan iqtidorli talabalar hamda magistratura bosqichida tahsil olayotgan xorijlik talabalar ishtirokida “Turizm. Fan. Innovatsiya” xalqaro yoshlar turizmi konferensiyasi" tadbiri o‘tkazildi. Tadbirga Samarqand iqtisodiyot va servis institutidan bir guruh talabalar va professor-o‘qituvchilar tashrif buyurishdi va o‘zlarining ma’ruzalari bilan ishtirok etishdi. Tadbir davomida ishtirokchilar tomonidan turizm sohasidagi innovatsiyalar va ularning sohaga kengroq jalb qilinishi bilan bog‘liq dolzarb muammolar muhokama qilindi.

Joriy yilning 2-may kuni Samarqand shahridagi 81-maktab o‘quvchilari “Ipak yo‘li” turizm va madaniy meros xalqaro universitetiga tashrif buyurdi.

Tashrif davomida maktab o‘quvchilari universitetning ilmiy-pedagogik faoliyati, ta’lim shakli va turlari, shuningdek, universitet ichki tuzilishi va bo‘limlar tarkibi bilan yaqindan tanishdilar.

Joriy yilning 1-may kuni “Ipak yo‘li” turizm va madaniy meros xalqaro universiteti Xotin-qizlar kengashi qoshida tashkil etilgan “Lider qizlar” klubi a’zolarining “Lider qizlarning ijtimoiy-siyosiy faolligini oshirish – bugungi kun talabi” mavzusiga bag‘ishlangan navbatdagi yig‘ilishi bo‘lib o‘tdi.

     Tadbirga “Vatanparvar” mahallasi Xotin-qizlar maslahatchisi N.Norqulova, Yoshlar bilan mahallabay ishlash va tadbirlar bo‘limi boshlig‘i N.Abduvaxidova, universitet amaliyotchi psixologi D.Turdiyeva, klubning faol a’zosi D.Obidova taklif qilindi. Moderator M.Abbasova yig‘ilishni ochib berib, faollik, tashabbuskorlik bugungi kun talabi, omadli va baxtli hayot kaliti ekanligini tushuntirib o‘tdi. N.Abduvaxidova o‘z nutqida bugungi kunda ayollarning jamiyatdagi mavqei, o‘rni haqida so‘z yuritib, boy hayotiy tajribasi va qimmatli maslahatlari bilan o‘rtoqlashdi.

     Tadbir mehmoni N.Norqulova mahalla va oila institutining ayollarning jamiyatdagi o‘rnini belgilovchi omil, farovon turmush ramzi ekanligi to‘g‘risida fikr yuritdi. Sirtqi bo‘limning 2-kursida o‘qish barobarida yana ikkita xorijiy (Germaniyaning Berlin instituti xalqaro huquq kursi, Malayziyaning Linkoln universiteti) oliy ta’lim muassasasida tahsil olishga ulgurgan faol talaba D.Obidova o‘z yutuq va muvaffaqiyatlari haqida taqdimot o‘tkazdi va talaba qizlarga ulkan motivatsiya berdi.

     Universitet psixologi D.Turdiyeva yetakchilik qobiliyati, xususiyatlari, ularning psixologik mezonlari haqida atroflicha ma’lumot berib, “Liderlik – omad kaliti” mavzusida motivatsion trening o‘tkazdi. Tadbir barcha ishtirokchilarda ijobiy taassurot qoldirdi.

2023-yilning 28-aprel kuni “Ipak yo‘li” turizm va madaniy meros xalqaro universitetining faollar zalida “Samarqand qog‘ozining jahon ilm-fan va xalqaro iqtisodiyotida tutgan o‘rni” mavzusida ilmiy-amaliy konferensiyasi bo‘lib o‘tdi.

Ushbu ilmiy-amaliy konferensiyada “Ipak yo‘li” turizm va madaniy meros xalqaro universiteti “tarix va madaniy meros” kafedrasi professori Nargiz Nurillaxojaeva boshqa mahalliy universitetlarning professor-o‘qituvchilari tomonidan Samarqand qog‘ozi tarixini o‘rganish bo‘yicha O‘zbekistonda olib borilgan tadqiqotlar haqida davra suhbati o‘tkazildi.

2023-yil 28-aprel sanasida “Ipak yo‘li” turizm va madaniy meros xalqaro universitetida “Xitoyni modernizatsiya qilish: savol-javoblar” mavzusida Xitoy-O‘zbekiston yoshlar seminari bo‘lib o‘tdi. Seminarda xalqaro universitetning yoshlar bilan ishlash bo‘limi boshlig‘i Nargiza Abduvohidova, universitet xotin-qizlar maslahat kengashining faol a’zosi Dildora Turdiyeva, Shenyang qishloq xo‘jaligi universiteti tadqiqotchisi Chjan Mu hamda Xitoy va O‘zbekiston yoshlari ishtirok etdi. Ushbu seminar “Xitoyni modernizatsiya qilish: savol-javoblar” harakat rejasi doirasida Markaziy Osiyoda o‘tkazilgan uchinchisi bo‘ldi.

         Seminarni “Ipak yo‘li” turizm va madaniy meros xalqaro universiteti ilmiy ishlar, innovatsiyalar va tijoratlashtirish bo‘yicha prorektori Zuo Tong Qiang olib bordi. “Kamar va yo‘l” ni birgalikda qurish va Xitoy-O‘zbekiston hamkorligini mustahkamlashda yoshlarning o‘rni haqida “Jenin Huabao” nashriyoti direktori Jiang Yonggang va ikkinchi Pekin chet tili universiteti prorektori Zheng Chengjun nutq so‘zladi.

Seminar samimiy muhitda o‘tdi. Seminarda O‘zbekiston yoshlari o‘rtasida ilmiy va tarbiyaviy ishlarni davom ettirish zarurligi, yosh talaba va o‘qituvchilarni qo‘llab-quvvatlash muhimligi muhokama qilindi. 

“Ipak yo‘li” turizm va madaniy meros xalqaro universiteti “kamar va yo‘l” qurilishi bo‘yicha Xitoy-O‘zbekiston hamkorlik loyihasidir.

Joriy yilning 27-aprel kuni “Ipak yo‘li” turizm va madaniy meros xalqaro universitetiga Ispaniya Oliy ta’lim bo‘limining xalqarolashtirish bo‘limi direktori Jose Aurelio Llaneza Villanueva,  Moskvadagi Ispaniya elchixonasining o‘quv ishlari bo‘yicha texnik mutaxassisi Albert Vitria, Huelva universitetining xalqaro loyihalar va mobillik bo‘yicha direktori Maria Teresa AceytunoPerezlar tashrif buyurdi va mehmonlarni universitetning ilmiy ishlar, innovatsiyalar va tijoratlashtirish bo‘yicha prorektori Zuo Tong Qiang kutib oldi.

Uchrashuv davomida “Ipak yo‘li” xalqaro universiteti haqida ko‘p marotaba eshitishganliklarini va universitet bilan hamkorlik aloqalarini o‘rnatishda Ispaniyalik mehmonlar tayyor ekanligini bildirib o‘tishdi. Maria Teresa Aceytuno Perez ham Huelva universitetida mavjud Ispan filologiyasi, tarix, madaniy merosni boshqarish va boshqa turizm sohalariga taaluqli yo‘nalishlari mavjudligi va kelajakda turli dasturlar orqali universitetlar o‘rtasida talabalar, professor-o‘qituvchilar va tadqiqotchilar o‘rtasida almashinuv dasturlarini amalga oshirish imkoniyatlari mavjud ekanligini va bunga Ispaniya universitetlari tayyor ekanligini ta’kidlab o‘tdi.