Yangiliklar: Fevral 2024

Bugun 23 fevral kuni Samarqand shahridagi Qo'g'irchoq teatrida “Oliy o'quv yurtlari o'rtasida eng yaxshi teatr spektakli" respublika tanlovi o‘tkazildi. Ushbu tanlovda Samarqanddagi barcha oliy ta’lim muasassalari talabalaridan iborat jamoalar ishtirok etishdi. Quvonarlisi, universitetimizda tashkil qilingan  talabalar teatr jamoasining faol ishtiroki barcha tomoshabinlarda juda yaxshi taassurot qoldirdi. Universitetimiz o‘qituvchisi Odiljon Boynazarov rahbarligidagi talabalarimizning teatr jamoasi ushbu tanlovda Alijon Hasanov tomonidan sahnalashtirilgan “Tuzoq” asari bilan ishtirok etdi va olqishlarga sazovor bo‘ldi.

O‘zbekiston Respublikasi Turizm qo‘mitasi tizimida yoshlarga oid davlat siyosatini amalga oshirish yuzasidan chora-tadbirlar to‘g‘risidagi dasturining 8-bandida yosh xodimlar va talabalar o‘rtasida “Zakovat” intellektual o‘yini o‘tkazish topshirig‘i berilgan.

Shu munosabat bilan joriy yilning 23-fevral kuni Samarqand shahridagi “Movenpik” mehmonxonasida viloyatdagi barcha turizm sohasida faoliyat olib borayotgan yosh xodimlar hamda shu sohada ta’lim olayotgan talabalar o‘rtasida turizm yo‘nalishida “Zakovat” intellektual o‘yini o‘tkazildi. 12 ta jamoa ishtirok etgan intellektual o‘yinda turizm sohasida xizmat ko‘rsatish bilan bog‘liq hamda fan, ta’lim yo‘nalishidagi savollarga ham javob berildi. Ahamiyatlisi, ushbu bilimlar bellashuvida universitetimizning iqtidorli talabalaridan tashkil topgan “Ipak yo‘li” jamoasining faolligi va bilimga  chanqoqligi ajralib turdi va umumiy  natijalarga ko‘ra, uchinchi o‘ringa munosib deb topildi.   

Universitetimiz jamoasi zakovatchilarimizni ushbu muvaffaqiyat bilan chin yurakdan qutlaydi.  

Shu yilning 4-mart kuni soat 14:30 da universitetimizda mustaqil izlanuvchilikka (PhD, DSc), o‘qishga kirish uchun talabgorlar bilan suhbat jarayonlari bo‘lib o‘tadi.

“Ipak yo‘li” turizm va madaniy meros xalqaro universiteti mustaqil izlanuvchilikka (PhD, DSc) o‘qishga kirish uchun suhbat o‘tkazish

JADVALI

*“Ipak yo‘li” turizm va madaniy meros xalqaro universitetida Oliy ta’limdan keyingi ta’lim institutlariga o‘qishga hujjat topshirgan talabgorlarga kirish imtihonlari mutaxasislik fanlaridan imtihon dasturlariga asosan o‘tkaziladi (ixtisosliklar bo‘yicha imtihon dasturlari ilova qilinadi).

Talabgorlardan suhbat o‘tkaziladigan vaqtdan yarim soat oldin suhbat o‘tkaziladigan joyga o‘zlarining shaxslarini tasdiqlovchi hujjat (passport) bilan kelishlari so‘raladi.
08.00.13_Dastur

Ma'lumki,  Samarqand Turkologiya maktabi  vakillari tomonidan fan hamda tadqiqotlarga qo'shilayotgan hissa dunyo turkologiya markazlari tarafidan e'tirof etilmoqda. Yaqinda qardosh Turkiya Respublikasining  Istanbul universiteti huzuridagi mashhur Turkologiya instituti tomonidan taniqli turkolog-olim, universitetimizning Birinchi prorektori prof.Jo'liboy Eltazarovga bu ilmiy markazda 1925 yildan  beri nashr etilib kelinayotgan ''Türkiyat Mecmuası''dan (''Turkologiya Jurnali'')  ushbu obro'li ilmiy nashrning faoliyatiga tahrir hay'ati a'zosi sifatida hamkorlik qilish xususida taklif keldi.

Turkologiya, o'zbek tilshunosligi, Turk Dunyosi tadqiqotlari sohalariga doir 20 ta kitob, darslik va monografiyalar va 200 dan ziyod maqolalarning muallifi, keyingi yillarda turk va jahon ilmiy nashrlarida turkologiyaning dolzarb muammolariga 20 dan oid maqolalari turli tillarda e'lon qilingan samarqandlik olim ana shu xizmatlari uchun ''Türkiyat Mecmuası''ning tahrir hay'ati a'zoligiga munosib ko'rildi.

          ''Ulug' Otaturkning tashabbusi  bilan tashkil etilgan Istanbul Universiteti huzuridagi Turkologiya institutining ''Türkiyat Mecmuası'' jurnali tahrir hay'ati a'zosi bo'lish mamlakatimiz hamda Samarqand davlat universitetidagi turkologiya tadqiqotlariga berilgan yuksak baho sifatida qabul qilaman hamda bu tabarruk ilmiy nashrning faoliyatida faol ishtirok etish uchun butun kuch-g'ayratlarimni sarflayman', deb yozadi olim o'zining javob maktubida.

Eslatib o'tamiz, prof. Jo'liboy Eltazarov 2020-yildan beri Türk Dil Kurumu(''Turkiya Til akademiyasi'') muxbir a'zosidir va olim 2023-yilda TurkSOY tarafıdan xalqaro Chingiz Aytmatov medali bilan taqdirlangan edi.

Prof. Dr. Juliboy ELTAZAROV.pdf

2024-yil 22-fevral sanasida "Ipak yo'li" turizm va madaniy meros xalqaro universitetida "Dam olish maskanida mijozlarga xizmat ko'rsatish va raqamli marketingni rivojlantirish-Amirsoy dam olish maskanining rivojlanish tarixi" mavzusida seminar bo'lib o'tadi.

 Seminarga universitet Ilmiy tadqiqotlar va innovatsiyalar bo'yicha prorektori, prof. Tony Zou tomonidan "Amirsoy" dam olish maskanining mijozlarga xizmat ko'rsatish bo'yicha menejeri Intizor Sapayeva taklif etilgan.

Seminar o'tkazilish vaqti: 14:00-15:00, 22-fevral, 2024-yil (payshanba)

Seminar o'tkaziladigan joy: universitet binosi 230-xona
Onlayn ishtirok etishni istaganlar uchun. Konferentsiya ID: 862 1395 9269 kirish kodi: 676669

Yana bir xushxabar universitetimizning ilmiy ishlar va innovatsiyalar bo'yicha prorektori, prof. Tony Zou Samarqandda bo‘lib o‘tgan COP14 xalqaro konferensiyasi doirasida "Tabiat himoyachisi" ko'krak nishoni bilan taqdirlandi.  Mukofotni O‘zbekiston Ekologiya, atrof-muhitni muhofaza qilish va iqlim o‘zgarishi vaziri, rektorimiz Aziz Abduxakimov topshirdi.

Universitetimiz jamoasi prof. Tony Zouni ushbu mukofot bilan chin dildan qutlab,  muvaffaqiyatlar bardavom bo‘lishini tilab qoladi. 

Universitetimizning Marketing va rekruting bo'limi mas'ul xodimlari Samarqanddagi barcha umumta’lim maktablarida turli uchrashuvlar, davra suhbatlari o‘tkazib kelishayapti. Ushbu tadbirlarda bo‘lim xodimlari “Ipak yo‘li” turizm va madaniy meros xalqaro universitetining buguni va ertasi xususida gapirib berishdi. Samarqand shahridagi 2-son ixtisoslashgan umumiy o'rta ta'lim maktabi maktabining bitiruvchilari bilan o‘tkazilgan muloqot davomida oliygohimiz faoliyati, unda yaratilgan shart-sharoitlar xususida atroflicha ma’lumotlar berildi. Maktab o‘quvchilari ham universitetimiz to‘g‘risida ko‘plab ma’lumotlarga ega ekanligi xususida gapirib oliygohimizning xorijdagi qaysi nufuzli oliy ta’lim muasassalari bilan hamkorlik qilayotganligi, talabalar uchun yaratilgan imkoniyatlar haqida so‘rashdi va savollarga  batafsil javob olishdi.

Universitetimizda “Umringni xazon etma!” nomli aksiya o‘tkazildiXabaringiz bor, shu kunlarda respublikamiz bo‘ylab “Yoshlar orasida giyohvandlik vositalari va psixotrop moddalar tarqalishining oldini olish” oyligi doirasida turli tadbirlar tashkil qilib kelinmoqda.

Shu munosabat bilan, “Ipak yo‘li” turizm va madaniy meros xalqaro universiteti psixologi Dildora Turdiyeva talabalar bilan birgalikda “Umringni xazon etma!” aksiyasini o‘tkazdi.

Universitetimiz talabalari uchun yana bir qulaylik yaratildiMuxtaram Prezidentimizning 2023-yil 26-apreldagi “Respublikaning turizm salohiyatini jadal rivojlantirish hamda mahalliy va xorijiy turistlar sonini yanada oshirishga doir qo‘shimcha chora-tadbirlar to‘g‘risida”gi qarorining ilovasida, 2023-yilda turizm sohasidagi resurslar va imkoniyatlardan har tomonlama foydalanish hamda mavjud muammolarni tezkor hal etish bo‘yicha tuzilgan “YO‘L XARITASI”iga asosan “Ipak yo‘li” turizm va madaniy meros xalqaro universitetiga davlat-xususiy sheriklik asosida yotoqxona qurilib foydalanishga topshirilishi ko‘zda tutilgan edi.     

O‘tgan yil davomida qurilish ishlari boshlangan bo‘lib yotqoxona binosi olti oy muddat ichida qurilib foydalanishga topshirildi. Yotoqxonaning ochilish marosimida universitetimiz rektori A.Abduxakimov ishtirok etdi. Dastlab universitetimiz rektori Samarqand shahrida va Turizm va madaniy meros texnikumida qurilishi rejalashtirilayotgan turistik loyihalar bilan yaqindan tanishdi va o‘zining zarur tavsiyalarini berdi. Shundan so‘ng rektorimiz va boshqa rasmiylar ishtirokida yotoqxona binosini ochish uchun ramziy lenta kesilib talabalar uchun yaratilgan shart-sharoit va imkoniyatlar bilan tanishdi. Barcha zarur sharoitlarga ega yotoqxona binosi besh qavatdan iborat bo‘lib to‘rt yuz o‘ringa mo‘ljallangan. Har bir xona to‘rt kishiga mo‘ljallangan bo‘lib, dam olish, yuvinish, dars tayyorlash, ovqat pishirish kabi sharoitlar yaratib berilgan. Shuningdek yotoqxonada xorijiy va mahalliy talabalar uchun sport to‘garaklari, kutubxona faoliyati ham yo‘lga qo‘yilib bino atrofida bog‘ barpo qilingan.  

     - Menga ushbu universitetimiz yotoqxonasi juda yoqdi. Talaba uchun barcha zarur jihozlar bor. Dars tayyorlash, dam olish, sport bilan shug‘ullanish, sayr qilish bularning barchasi biz uchun ekanligi meni xursand qildi,-deydi indonesialik talaba Cahaya Trinala Kinanti. 

Shuningdek yotoqxonada yoshlarning bo‘sh vaqtini mazmunli tashkil qilish uchun doimiy ravishda turli tadbirlar o‘tkazilish bilan birga, kasbiy to‘garaklar faoliyati ham yo‘lga qo‘yilgan.  

Joriy yilning 15-fevral kuni oliygoh Ilmiy tadqiqotlar va innovatsiya ishlari bo'yicha prorektori Tong Qian Zou tomonidan universitet ilmiy izlanuvchilari va professor o'qituvchilari uchun “Samarqand turizm markazining rivojlanish tarixi” mavzusida seminar tashkil etildi. Seminar davomida  Ipak yo‘li Samarqand turizm markazi boshqaruvchi direktori (Hilton, Hilton Garden Inn, Minyoun, Lia, H Holding Inn, Crown Plaza) Haji Gurbanov o'zining maruzasi bilan ishtirok etdi va Samarqand turizm markazining rivojlanish tarixi va uning strategik rivojlantirish yo'llari haqida ma’lumot berdi.