Hurmatli "Ipak yo'li" turizm xalqaro universiteti professor-o'qituvchilari va murabbiylari, universitetimizning fidoyi va mehribon jamoasi sizlarni universitet rahbariyati "O’qituvchilar va murabbiylar kuni" bayrami bilan muborakbod etadi.

Ko’chada-kuz fasli. Kuz o‘zining oltinga burkangan jilosi bilan ko'zni quvontirmoqda. Oktyabr oyining dastlabki kunlari aziz O'qituvchilar bayrami yurtimizda keng nishonlanmoqda. Har birimiz bizgа bilim bergan, ruhimizni ma'naviy qadriyatlar bilan to'ldirgan, qalbining iliqligi bilan mеhr-muhabbat ulashgan o'qituvchilarni minnatdorchilik bilan eslaymiz.

Aziz o'qituvchilar, dunyodagi jamiki eng go‘zal va tarovatli gullar poyingizga poyandoz bo‘lsin! Shodlik-hurramlik, quvonch, baxt doimiy hamrohingiz bo‘lsin! Mashaqqatli, ammo olijanob kasbingizda sizga sog‘lik-salomatlik, kuch-quvvat, sabr-matonat tilab, eng ezgu tilaklarni bildiramiz.

“Ipak yo‘li” turizm xalqaro universiteti “O‘zbek tili va adabiyoti hamda ijtimoiy fanlar” kafedrasi 21- oktabr “O‘zbek tiliga davlat tili maqomi berilgan kun” munosabati bilan “O‘zbek tilim, hamisha ehtirom va sadoqatga munosibsan!” nomli videochellenj tanlovini e’lon qiladi.

Tanlov ishtirokchilaridan ona tilimizni madh etuvchi she’r va qo‘shiqlarni ifodali ijro etgan holda video tasvirga olib tushirishlari hamda @Tulkin_Sultanov yoki @Dilnoza1983 telegram manzili orqali yuborishlari talab etiladi. Videoroliklar hajmi 30 megabaytdan oshmasligi kerak. Yuborilgan videoroliklar “Ipak yo‘li” turizm xalqaro universitetining ijtimoiy tarmoqlardagi manzillariga joylashtirib boriladi.

Tanlov g‘oliblari 2020- yil 20- oktabr soat 11:00 da universitet “aqlli kampus”i faollar zalida o‘tkaziladigan “O‘ZBEK TILIM, HAMISHA EHTIROM VA SADOQATGA MUNOSIBSAN!” nomli tadbirda qimmatbaho sovg‘alar va sertifikatlar bilan taqdirlanadi.

Tanlovda “Ipak yo‘li” turizm xalqaro universitetining barcha talabalari ishtirok etishi mumkin.

Video tasvirlarni jo‘natish muddati: 2020- yil 22- sentabrdan to 2020- yil 19- oktabrgacha.

Murojaat uchun telefonlar: (+99897) 397-82-85 yoki (+99893) 340-16-83.

2020/2021 o‘quv yiliga xorijiy va nodavlat oliy ta’lim muassasalaridan o‘qishini “Ipak yo‘li” turizm xalqaro universitetiga ko‘chirilishi ruxsat etilgan talabalar ro‘yxati

Sizni universitetimizda ko’rganimizdan bag’oyat xursandmiz.

Ilk o’quv yilini «Ipak yo’li» turizm xalqaro universitetining yangi zamonaviy binosida boshlash arafasida turibsiz. Shuningdek, 12-13 oktyabr kunlari bo’lib o’tadigan «Ochilish marosimi» va «Yo’nalish haftaligi»da faol ishtirok etish imkoniyatiga ega bo’lasiz.

Barcha birinchi kurs talabalariga universitetning yangi binosiga tashrif buyurib, ro’yxatdan o’tishni so’raymiz.

«Ipak yo’li» turizm xalqaro universitetining Qabul komissiyasi sizni ro’yxatdan o’tishingiz uchun har kuni ertalab soat 9:00dan kechki 17:00gacha kutib qoladi.

O’zingiz bilan quyidagi xujjatlarni olib kelishingiz so’raladi:

1. Rektor nomiga ariza;

2. diplom yoki attestatning (ilovasi bilan birga) asl nusxasi;

3. pasport nusxasi (4 dona, asli ko’rsatilgan holda);

4. til bilish darajasini tasdiqlovchi sertifikat asli; (agar bo’lsa)

5. xujjatlar yig’ma jildi (papka dlya bumag);

6. konvert A5 formatida;

7. imtiyoz asosida talabalikka tavsiya etilganlar uchun (imtiyoz beruvchi hujjatning asli, agar bo’lsa).

8. DTM ruxsatnomasi, javoblar varaqasi.

9. 3,5x4,5 foto 12 ta;

Eslatma: 12 oktyabr kuni yakuniga qadar ro’yxatdan o’tishingiz lozim.

Batafsil ma’lumot olish uchun quyidagi telefon raqamlariga murojaat qilishingiz lozim:

+99895-411-40-24

+99895-411-40-21

+99893-348-33-80

+99893-335-61-14

Biz sizni quyidagi manzilda kutib qolamiz: Samarqand shahri, Universitet hiyoboni, 17.

“Ipak yo’li” Turizm xalqaro universiteti 2021 yil uchun tayanch doktoranturaga (PhD) quyidagi ixtisosliklar bo’yicha tanlov e’lon qiladi

Hujjatlar 2020 yil 25 Sentyabrdan – 15 Oktyabrgacha qabul qilinadi.

Tayanch doktoranturaga kirish uchun talabgorlar quyidagi hujjatlarni universitetning Ilmiy tadqiqotlar bo’limiga taqdim etishlari va http://phd.mininnovation.uz/ veb-sayti orqali onlayn ro’yxatdan o’tishlari talab qilinadi:

1. Ariza;
2. Qisqacha biografik ma’lumotnoma (obyektivka)
3. Mehnat daftarchasining belgilangan tartibda tasdiqlangan nusxasi (ishlayotgan talabgorlar uchun);
4. Oliy ta’lim muassasasi magistraturasi diplomi, oliy ma’lumot to’g’risidagi diplom nusxasi ilovalari bilan birgalikda;
5. Nashr etilgan ilmiy ishlar ro’yxati, shuningdek ularning nusxalari;
6. Pasport nusxasi;
7. 3x4 rasm, 4 dona;
8. O’zbekiston Respublikasi Prezidenti Davlat stipendiyasi sohiblari tegishli hujjat nusxasini taqdim etadilar;
9. Taxminiy dissertasiya mavzusi va asosnomasi.

Tayanch doktoranturaga o’qish uchun talabgorlar mutaxassislik va chet tili (ta’limning oldingi darajalarida o’rganilgan xorijiy til) bo’yicha kirish imtihonlari topshiradilar. Talabgorlarda IELTS (o’rtacha balli kamida 5,5), TOEFL (iBT) (87 balldan kam bo’lmagan), CEFR (V2 darajadan past bo’lmagan) bo’yicha tasdiqlovchi amaldagi xalqaro malaka sertifikatlari mavjud bo’lganda chet tilidan topshiriladigan imtihonlardan ozod etiladi.

Tayanch doktoranturaga kirish imtihonlari 2020 yilning 1 — 25 noyabr kunlarida o’tkaziladi.

Manzilimiz: Samarqand shahri, Universitet xiyoboni 17, “Ipak yo’li” Turizm xalqaro universiteti Ilmiy tadqiqotlar bo’limi

Murojaat uchun telefon: +998976143377

Elektron manzil: Этот адрес электронной почты защищён от спам-ботов. У вас должен быть включен JavaScript для просмотра., Этот адрес электронной почты защищён от спам-ботов. У вас должен быть включен JavaScript для просмотра.

Samarqand shahrida joylashgan “Ipak yo‘li” turizm xalqaro universiteti hozirda quyidagi lavozimlarni egallash uchun tajribali ilmiy xodimlarni izlamoqda:

O‘quv ishlari bo‘yicha prorektor

ISHNING TAVSIFI

Universitetning o‘quv dasturlarini rejalashtirish, amalga oshirish va muvofiqlashtirishda o‘quv ishlari bo‘yicha prorektor asosiy javobgar hisoblanadi.

Ushbu vazifalarni bajarishda prorektordan dekanlar, kafedra mudirlari, boshqa bo‘lim boshliqlari va fakultet jamoasi bilan yaqindan hamkorlik qilish talab etiladi. O‘quv dasturi va ta’lim bilan bog‘liq boshqaruv funksiyalari dekanlar zimmasiga yuklatilgan. Ta’lim dasturlarini uzoq muddatli rejalashtirish, ta’lim sifatini ta’minlash, strategik reja, ta’limning bosh rejasi va maqsadlari hamda universitetning vazifalarini belgilashda prorektor muhim o‘rin tutadi.

Ilmiy tadqiqotlar, innovatsiyalar va tijoratlashtirish ishlari bo‘yicha prorektor

ISHNING TAVSIFI

Ilmiy tadqiqotlar, innovatsiyalar va tijoratlashtirish ishlari bo‘yicha prorektor tadqiqot, innovatsiya va iqtisodiy rivojlanish sohalarida muhim rahbarlikni ta’minlaydi; ko‘p tarmoqli loyihalarni yangi moliyalashtirish manbalarini izlashda; tadqiqotlarning axloqiy, ma’lumotli va xavfsiz o‘tkazilishini ta’minlashda hamda universitet tadqiqot muhiti uchun yetakchi shaxs sifatida ko‘maklashadi. Grantlar va stipendiyalar, ilmiy tadqiqotlar, doktorantura, doktorlikdan keyingi ishlar, tadqiqotning yaxlitligi va tadqiqot resurslari markazi prorektor nazoratida bo‘ladi.

TALAB ETILADIGAN MALAKALAR

• PhD yoki DSc ilmiy darajasiga ega bo‘lish, ingliz tilini mukammal bilish;
• Oliy ta’limda rahbarlik lavozimida besh yillik tajribaga ega bo‘lish;
• stipendiyalar, ta’lim va ilmiy sohada yutuqlarni qo‘lga kiritish uchun kuchli rahbarlik qilish, hamkorlik muhitini yaratish qobiliyatiga ega bo‘lish;
• akademik sifat va standartlarga amal qilish;
• professor-o‘qituvchilar va ishchi xodimlarni qo‘llab-quvvatlash;
• turli madaniyat va tillarda so‘zlashuvchi hamda har xil qobiliyatga ega insonlar bilan hurmat va nazokat bilan munosabatda bo‘lish;
• professor-o‘qituvchilar jamoasi a’zolari bilan ishlash qobiliyatiga ega bo‘ish.

Arizalar quyidagicha topshiriladi:

Arizalar ingliz tilidagi batafsil tarjimayi hol, shuningdek, KPI va maqsad to‘g‘risidagi deklaratsiya (o‘zingizning qarashingiz) bilan birgalikda O‘zbekiston Respublikasi Turizmni rivojlantirish davlat qo‘mitasining kadrlar bo‘limiga yuborilishi kerak:

Этот адрес электронной почты защищён от спам-ботов. У вас должен быть включен JavaScript для просмотра. yoki Этот адрес электронной почты защищён от спам-ботов. У вас должен быть включен JavaScript для просмотра.

Murojaat uchun telefon raqami: +998712000088

O'zbekiston Respublikasi Turizmni rivojlantirish Davlat Qo'mitasi hamda O'zbekiston ekstremal va tog' turizmi Federatsiyasi (O'ETTF) O'zbekiston Respublikasi Prezidentining 2019-yil 5-yanvardagi PF-5611-sonli "O'zbekiston Respublikasida turizmni jadal rivojlantirish bo'yicha qo'shimcha chora-tadbirlar to'g'risida" gi Farmoni ijrosini ta'minlash maqsadida, shuningdek, "Tarix karvoni" ("Караван историй") loyihasi doirasida 2020-yil 5-13-sentabr kunlari Toshkent viloyatining Ohangaron tumanidagi "Eagle Rock" turizm tayanch hududida "Ekolandia" yoshlar oromgohi tashkil etildi.

Ushbu loyihada "Guidance and Translation" yo'nalishi 2-bosqich talabasi Amirova Shahzoda ham faol ishtirok etdi. Xususan, Shahzoda O'zbekistonning kam ma'lum bo'lgan tarixiy-etnografik obyektlariga turizmni yo’naltirish loyihalariga bag'ishlangan tezislar tanlovida ishtirok etgani uchun sertifikat bilan taqdirlandi. Amirova Shahzodaning tezisi ingliz tilida tayyorlangan bo'lib, hakamlar hay'ati tomonidan yuqori baholangan. Tezislar tanlovida ishtirok etishdan tashqari, "Ipak yo'li" universiteti talabasi soha yo’nalishidagi turli sho’balarda ishtirok etgan, sovrinli o'rinlarni qo'lga kiritib, diplomlar bilan taqdirlangan. Jumladan, Shahzoda "Sport oriyentatsiyasi" sho’basida faxrli ikkinchi, "Sport turizmi" sho’basida esa birinchi o'rinni egalladi.

Ta'kidlash joizki, "Ipak yo'li" turizm xalqaro universiteti talabasi Amirova Shaxzodaning erishgan yutuqlari O'zbekiston ekstremal va tog' turizmi Federatsiyasi raisi L.Yu.Kozlovskiyda katta taassurot qoldirdi. Bu haqda “Ipak yo’li” turizm xalqaro universiteti birinchi prorektori prof. J.D. Eltazarovning nomiga yozilgan rasmiy minnatdorchilik xatida ham ta’kidlab o’tildi.

2018-2019- o‘quv yilidan boshlab oliy ta’lim muassasalariga bakalavriatga chet el fuqarolari qabul kvotalaridan tashqari, test sinovlarini topshirmasdan suhbat o‘tkazish (intervyu berish) yo‘li bilan qabul qilinmoqda. Bu O‘zbekiston Respublikasi Prezidenti Shavkat Mirziyoyevning “Oliy ta’lim muassasalarida ta’lim sifatini oshirish chora-tadbirlari to‘g‘risida”gi qarorida (05.06.2018- yildagi PQ-3775-son) qayd etilgan.

Shunday qilib, 90 daqiqa ichida javob berishga tayyorgarlik ko‘rish uchun nomzodlar ma’lum bir mavzu bo‘yicha kichik, ammo keng qamrovli taqdimot topshirishdi. Abituriyentlarning hayajonlari tushunarli va asosli bo‘lib, ularning javoblari nafaqat tanlangan mutaxassislik, balki ingliz tilini bilish darajasi bo‘yicha ham baholandi.

Abiturientlardan biri: “Ipak yo‘li” turizm xalqaro universiteti talabasi bo‘lish sharaf. Bu yerda xorijlik talabalarni o‘qitish uchun yuqori sifatli ta’lim, iliq va samimiy muhit, o‘qituvchilar tomonidan tushunish va umuman o‘zbek xalqining barcha mehr-muhabbatini o‘z ichiga olgan ajoyib imkoniyatlar yaratilgan”, deb ta’kidladi.

Tajriba shuni ko‘rsatmoqdaki, “Ipak yo‘li” turizm xalqaro universiteti O‘zbekiston Respublikasiga o‘qishga kelgan xorijlik abituriyentlar orasida juda mashhur. Xususan, 2020-2021- o‘quv yilida Rossiya Federatsiyasi, Tojikiston va Turkmanistondan abituriyentlar universitetga talabalar safiga qabul qilindi.

2020/2021 o’quv yiliga respublika oliy ta’lim muassasalaridan «Ipak yo’li» turizm xalqaro universitetiga turdosh ta’lim yo’nalishlari bo’yicha o’qishi ko’chirilishi ruxsat etilgan talabalar ro’yxati

O’qishni ko’chirish bo’yicha mas’ul xodim: Nurov Feruz Jumanazarovich

Telefon raqami: +99893 355-10-10

2020-yil 10-sentabr kuni “Ipak yo‘li” turizm xalqaro universitetida “Turizm menejmenti” fakulteti dekani S. Vroblevskiy va “Umumkasbiy va ixtisoslik fanlari” kafedrasi mudiri Ian Patterson tomonidan “Baholash usuli va mezonlari” (2020-2021-o‘quv yili uchun qoidalar) mavzusida o‘quv-uslubiy seminar bo‘lib o‘tdi.

O‘quv-uslubiy seminarda Birinchi prorektor prof. J.Eltazarov o‘quv jarayonini monitoring qilish va tashkil etish bo‘limi boshlig‘i F.Nurov, ta’lim sifatini ta’minlash bo‘limi boshlig‘i A.To‘xtamishov, professor-o‘qituvchilar, shuningdek, edvayzerlar faol ishtirok etishdi.

O‘quv-uslubiy seminarning asosiy maqsadi 2020-2021-o‘quv yilidan boshlab talabalar uchun mo‘ljallangan barcha o‘quv dasturlari bo‘yicha baholash usuli va uning mezonlarini professor-o‘qituvchilarga tushuntirish va amaliyotga tatbiq etish edi. Shuningdek, kredit-modul tizimi mavzusi ham muhokama qilindi. Shu munosabat bilan o‘quv-uslubiy materiallar (Sillabus) tayyorlashga yangicha yondashuv talab etiladi. Seminarda o‘quv-uslubiy materiallarni tayyorlash va ularni elektron ta’lim platformasiga o‘rnatish tartibi batafsil ko‘rib chiqildi.

Shuningdek, baholashning o‘qituvchilar va talabalar uchun muhim vosita ekanligi qayd etildi. Uning bosh maqsadi quyidagi besh muhim jihatni o‘z ichiga olgan samarali ta’limdir: ta’limning umumiy konsepsiyasi va har bir mavzudagi asosiy tushunchalarni anglash, bilim olish, ko‘nikmalarga ega bo‘lish, ijtimoiy munosabatlarni o‘rnatish, qaror qabul qilish va ular uchun mas’ul bo‘lish.

Seminar ishtirokchilari o‘zlarini qiziqtirgan barcha savollarga javob olishdi.