“Ipak yo‘li” turizm va madaniy meros xalqaro universitetida 2020-yil 15-oktabrdagi “Nogironligi bo‘lgan shaxslarning huquqlari to‘g‘risida”gi 641-sonli O‘zbekiston Respublikasi qonuni ijrosi hamda ularning oliy ta’limda o‘qishlari to‘g‘risida ma’lumot berish maqsadida Samarqand shahridagi 1-son maxsus maktab o‘quvchilari hamda o‘qituvchilari ishtirokida tanishtiruv loyihasi tashkil etildi.

Uchrashuv davomida oliy ta’lim tizimi va universitetda yaratilgan sharoyitlar bilan tanishtiruv va o‘quvchilarni qiziqishlari bo‘yicha suhbatlar tashkil etildi.  

2022-yilning 28-29-noyabr kunlari “Jadidlarning ma’rifiy faoliyati: g‘oyalari, maqsadlari, vazifalari va Turkiston taraqqiyotiga qo‘shgan hissasi” mavzusida xalqaro ilmiy-amaliy konferensiya o‘tkaziladi

15-16-noyabr kunlari YUNESKOning erta yoshdagi bolalarni tarbiyalash va ta’lim berish bo‘yicha II Butunjahon konferensiyasi doirasida 17-noyabr sanasida Samarqandga kelgan delegatsiyaga Samarqand shahrining maktabgacha ta’lim muassasalari, maktablari hamda Samarqandning diqqatga sazovor joylarida uchrashuvlar tashkil etildi.

 Uchrashuvlar davomida universitetning bir guruh talabalaridan iborat volontyor-tarjimonlar jamoasi faoliyat olib bordi.

Joriy yilning 18 noyabr kuni “Ipak yo‘li” turizm xalqaro universitetiga Samarqand shahar xalq ta'limi bo'limi tasarrufidagi  6 - umumta’lim maktabining 11 sinf bitiruvchi o’quvchilari tashrif buyurishdi.

Ekskursiya davomida o'quvchilarga o‘quv-ishlab chiqarish kompleksiga kiruvchi mehmonxona xona namunalari, bar-restorani, ilg‘or texnologiyalar bilan jihozlangan 250 kishiga mo‘ljallangan konferens-zali, kafeteriy usulida qayta ta’mirlangan oshxonasi, sport zali, shuningdek va kutubxona namoyish etilib, batafsil ma’lumotlar berildi.

Xalqaro YUNESKO tashkiloti dunyoda tinchlik, dinlar va konfessiyalararo muloqotni o'rnatish, millatlar va ellatlar o'rtasida hamkorlikni rivojlantirish borasida bir qator ishlar amalga oshiririb, hozirda bag'rikenglikka oid 70 dan ziyod xalqaro hujjatlar qabul qilingan.

Ularning yorqin namunasi 1995-yil 16-noyabrdan boshlab "16 noyabr – Xalqaro bag'rikenglik kuni" sifatida butun dunyoda nishonlab kelinmoqda. Bu sanani O‘zbekistonda nishonlash ham yaxshi an’anaga aylangan. Shu yilning 15-20 noyabr kunlari yurtimizda Xalqaro bag‘rikenglik kuniga bag‘ishlangan millatlararo totuvlik va diniy bag‘rikenglik haftaligi o‘tkazilmoqda.

Shu munosabat bilan “Bag‘rikenglik haftaligi” dasturi doirasida “Ipak yo‘li” turizm va madaniy meros xalqaro universiteti  mahalliy va xorijiy talabalari  va YUNESCO tashkiloti  ta’lim sektorining bosh director o’rinbosari Stefania Giannini  bilan davra suhbati tashkil etildi.

Uchrashuv mobaynida talabalar "Xalqaro bag'rikenglik kuni" bilan bir-birlarini muborakbod etdilar. Bundan tashqari uchrashuv turli qiziqarli savol-javoblar va muloqotga boy bo'ldi.

 Har qanday davlatning kelajagini ma’nan yetuk, jismonan sog‘lom va intellektual salohiyati yuqori bo‘lgan yoshlar belgilaydi. Zotan, yoshlarga e’tibor mamlakatimiz kelajagiga bo‘lgan e’tibordir.

Shu o‘rinda, O‘zbekiston Respublikasi Vazirlar Maxkamasining “2022-2026- yillarda Samarqand viloyati hududlarini kompleks ijtimoiy-iqtisodiy rivojlantirish va aholi turmush darjasini yanada yaxshilashga doir qo’shimcha chora-tadbirlar to‘g‘risida”gi 222-sonli qarori ijrosi yuzasidan nazorat rejasining 2-ilovasi 56-bandi ijrosini ta’minlash maqsadida “Rahbar bilan bir kun” shiori ostida Samarqand viloyat Favqulodda vaziyatlar boshqarmasi boshlig’i polkovnik Ismoilov Ilxom Ismoilzoda boshchiligidagi mas’ullarning «Rahbar va yoshlar uchrashuvi»   17- noyabr kuni “Ipak yo‘li” turizm va madaniy meros xalqaro universiteti talaba yoshlari bilan o‘tkazildi.

Tashkil etilgan mazkur tadbirda Ismoilov Ilxom Ismoilzoda davlatimiz rahbari tomonidan yoshlarga qaratilayotgan e’tibor va g‘amxo‘rlik haqida alohida to‘xtalib o‘tdi va o‘zining hayoti, ish-tajribasi, erishgan yutuqlari, raxbarlik faoliyati to‘g‘risida gapirib berdi.

Ismoilov Ilxom Ismoilzoda katta hayotga o‘zining fikrlari va qarashlari bilan intilayotgan universitet talabalari bilan ularni qiziqtirgan turli mavzularda qizg‘in suhbat o‘tkazib, har bir talabaning iqtidori va salohiyatini kuzatar ekan, ularning xorijiy tillarga, iqtisodiyotga, IT yo‘nalishi va asosiysi turizmga yo‘naltirilgan g‘oyalari va  mahoratlaridan mamnun bo‘lib, maqsadlari sari intilishlarida omad tiladi.

Davra suhbati qizg‘in savol javoblarga ulanib, talabalarda katta taassurot qoldirdi. O‘z savollari bilan faol ishtirok etgan talabalar esa polkovnik Ismoilov Ilxom Ismoilzoda tomonidan esdalik sovg‘alari bilan taqdirlandi.

Uchrashuv so‘nggida universitetimiz hovlisida daraxt ekish marosimi tashkil etilib,  polkovnik Ismoilov Ilxom Ismoilzoda va universitet talabalari bilan xamroxlikda ko‘chat ekildi.

“Ipak yo’li” turizm va madaniy meros xalqaro universiteti “Turizm menejmenti” kafedrasi tomonidan kafedra professor-o’qituvchilari va bir guruh talabalar uchun O‘zbekiston Respublikasining “Davlat bayrog‘i to‘g‘risidagi” Qonuni qabul qilinganligining 31 yilligiga bag‘ishlab, “Bayroqqa sadoqat - yurtga sadoqat” mavzusida ma’naviy-ma’rifiy tadbir tashkil etildi. Tadbirni “Turizm menejmenti” kafedrasi mudiri, PhD. A.Odilov kirish so‘zi bilan ochib berdi hamda yig‘ilganlarni Vatanimiz mustaqilligining timsoli hisoblangan bayrog‘imizning 31 yilligi bilan tabrikladi. Bayrog‘imizga nazar solganimizda ruhan jo‘shqinlikni, azmu shijoatimiz oshganini, qalbimizda g‘urur va buyuk istiqbolga ishonch tuyg‘usini his etishimiz alohida ta’kidlandi. Tadbirda bir guruh faol talabalar ham ishtirok etib, professor-o’qituvchilar bilan hamsuhbat bo’lishdi.

Tadbirga mehmon sifatida teklif etilgan “Tillar kafedrasi” o’qituvchisi Z. Bektimirov o’zining bayroq haqidagi his-hayajonli so’zlari bilan vatanga bo’lgan cheksiz muhabbatning bir qismi aynan bayroq orqal ifodalash mumkin ekanligini so’zlab berdi.

O‘zbekiston Respublikasining davlat bayrog‘i O‘zbekiston Respublikasi davlat suverenitetining ramzidir. Davlat ramzlari qatorida hur bayrog‘imiz xalqimizning shon-sharafi, tarixiy xotirasi, intilishlarini o‘zida mujassam etib, shu yurtda yashovchi har bir fuqaroga g‘urur, faxr, iftixor bag‘ishlaydi va u mangudir!

“Ipak yo’li” turizm va madaniy meros xalqaro universitetida joriy yilning18-noyabrida  O'zbekiston Respublikasi davlat bayrog'i qabul qilinganligining 31-yilligi munosabati bilan "Doim hilpirayver yurtim bayrog'i" shiori ostida tadbir bo‘lib o‘tdi.

Mazkur tadbirda   Samarqand viloyat Favqulodda vaziyatlar boshqarmasi boshlig’i Ismoilov Ilxom Ismoilzoda  va universitet  o'qituvchilari,  talabalari bilan hamkorlikda o'tkazildi. Tadbirda talabalar davlatimiz ramziga turli xorijiy tillarda tavsif berdilar.