Joriy yilning 28-29 fevral kunlari Jomboy tumanidagi SOF EXPO markazida “World Edu 2024” ta’lim yarmarkasi bo‘lib o‘tdi. Ushbu yarmarkada universitetimiz qabul va marketing bo‘limi mutasaddilari ham ishtirok etishdi. Ahamiyatlisi, yarmarkada Samarqand viloyatida faoliyat ko‘rsatib kelayotgan barcha oliy ta’lim muasassalari ishtirok etib, unda faoliyati, yo‘nalishi xususida ishtirokchilarga bir qator taqdimotlar o‘tkazdi. Xususan universitetimiz xodimlari ham turizm va madaniy meros sohasida kadrlar tayyorlash, xorijiy oliy ta’lim muasassalari bilan hamkorlik o‘rnatilganligi, imkoniyat va shart-sharoitlar haqida batafsil ma’lumotlar berdi.
Yarmarkani viloyat hokimi yordamchisi N.Ibrohimov kirish bilan ochib bugungi kunda yetuk mutaxassislar tayyorlashda oliy ta’lim muasassalarining o‘rni va roli xususida gapirdi. Tadbirda barcha oliy ta’lim muasassalari kelgusi yil qabuli yuzasidan mutaxassisliklar kesimida targ‘ibot ishlarini o‘tkazdi.
29-fevral kuni "Ipak yo'li" turizm va madaniy meros xalqaro universitetida Buxoro viloyati turizm boshqarmasi bosh mutaxassisi Lazizbek Muxtorov onlayn tarzda ma'ruza qildi. Seminarni "Ipak yo'li" turizm va madaniy meros xalqaro universiteti prorektori, prof. Toni Zou olib bordi, seminarda 30 dan ortiq magistr, doktorantlar va o'qituvchilar ishtirok etishdi.
Ushbu taqdimotda janob Lazizbek Muxtorov Buxoroda turizmni rivojlantirishni "Eski shahar uchun yagona sayyohlik zonasi" konsepsiyasi-Buxoro turizmidagi keskin o'zgarishlar mavzusi bilan tanishtirdi.
Lazizbek Muxtorovning tahlillarga boy bo‘lgan taqdimoti seminar ishtirokchilarida juda katta taassurot qoldirdi. Ishtirokchilar seminar mavzusi yuzasidan Lazizbek Muxtorovga savollar bilan murojaat qilishdi. Universitetimiz prorektori, prof. Toni Zou va ma’ruzachi Lazizbek Muxtorov tarixiy shaharlarda turizmni yanada rivojlantirish masalasida fikr almashdi.
4-mart kuni Bangladeshning O’zbekistondagi favqulodda va muxtor elchisi Dr.Mohammad Monirul Islam janoblarining Samarqand viloyatiga tashrifi davomida “Ipak yo‘li” turizm va madaniy meros xalqaro universitetida bo‘ldi. Mehmonni universitet ilmiy ishlar va innovatsiyalar bo‘yicha prorektori Toni Zou kutib oldi. Dastlab mehmon bilan o‘zaro hamkorlik yuzasidan muloqot o‘tkazildi. Muloqotda “Ipak yo‘li” turizm va madaniy meros xalqaro universitetida ta’lim-tarbiya sohasida amalga oshirilayotgan ishlar, hamkorlik aloqalari xususida so‘z bordi. Shundan so‘ng Bangladeshning O’zbekistondagi favqulodda va muxtor elchisi Dr.Mohammad Monirul Islam oliygohimizning ilmiy va badiiy adabiyotlarga boy bo‘lgan kutubxonasida bo‘lib, talabalar uchun yaratilgan imkoniyatlar bilan yaqindan tanishdi va universitetning faxriy mehmonlar kitobiga o‘zining samimiy tilaklarini yozib qoldirdi. Shuningdek mehmon universitetdagi rasmlar ko‘rgazmasi va milliy liboslar galeriyasi bilan yaqindan tanishdi.
YUNESKO Bosh direktori Azoulay “Ipak yo'li” turizm va madaniy meros xalqaro universitetida YUNESKOning “Ipak yo'li bo'ylab barqaror meros turizmi kafedrasi”ni ishga tushirish to'g'risidagi shartnomani imzoladi.
Ahamiyatlisi, universitetimiz rektori A.Abduhakimov va prorektor Tongqian Toni Zou ariza berishdagi barcha jarayonlarda bosh-qosh bo‘lishdi. Hurmatli rektorimizning sa’yi harakati bilan ushbu jarayon amalga oshirildi. Murojaat qilish jarayonida Birinchi prorektor
J.Eltzarov, kafedra mudiri M.Siddiqova, bo‘lim boshliqlari
A.Tuxtamishev, N.Mansurovalar faol bo‘lishganligini alohida e’tirof etish lozim. Shuningdek ushbu jarayonda jamoa a'zolari, F.Akramova, S.Jumaev, Lizhen Yang, Zhixin Lin, Shixin guanin, Zaidong Li va Yuanlan Zhong kabi professor-o‘qituvchilarimiz ham o‘z hissasini qo‘shishdi.
Ushbu kafedrani tashkil qilishdan ko‘zlangan maqsad Markaziy Osiyoda madaniy meros va madaniy yodgorliklarni saqlash va targ'ib qilishni kuchaytirish, uni raqamlashtirish va turizm yo‘nalishida keng foydalanishni takomillashtirish belgilangan. O'zbekistonda turizm qishloqlari va sayyohlikni rivojlantirish, kambag'allikni kamaytirish, xotin-qizlarning imkoniyatlarini kengaytirish va YUNESKOning boshqa kafedralari bilan yaqin hamkorlikni yo‘lga qo‘yishga ham e’tibor qaratiladi.
Kafedra faoliyatini olib borishda va YUNESKOning madaniy merosini saqlash, targ'ib qilish va turizm sohasida keng foydalanishda ustuvor yo'nalishlarini ilgari surishda universitetimiz prorektori prof. Tongqian Zou, dotsent Mustura Siddiqova o‘zaro hamkorlikda ish olib borishadi.
Talabalarning bo‘sh vaqtini mazmunli o‘tkazish hamda turizm sohasida ta’lim olayotgan yoshlarni sohadagi yangiliklar va tashabbuslar bilan yaqindan tanishtirish maqsadida yurtimizning eng so‘lim va tog‘li go‘shasi bo‘lgan Jizzax viloyatining Zomin dam olish zonasiga sayohat tashkil qilindi. Sayohat davomida tog‘da sayr qilinib, maxsus kanat yo‘llariga chiqildi.
Ushbu sayohat universitetimizning mahalliy va xorijlik talabalar uchun bir umrlik taassurotlarga boy bo‘lganligi bilan ahamiyatli bo‘ldi.
Joriy yilning 29-fevralidan 1-martiga qadar universitetimizning bir guruh professor-o‘qituvchilari Toshkent shahridagi Inter Continental mehmonxonasida bo'lib o'tgan “Hotel Business Forum”ida ishtirok etishdi. Biznes dasturining ikki kuni soha mutaxassislari, tarmoq qo'mitalari va vazirliklar vakillari, investorlar, xorijiy hamkorlarning taqdimotlari, muhokamalari va fikr almashishlari bilan o‘tdi.
Shuningdek forum doirasida mehmondo'stlik sohasida ta'lim bo'yicha yig'ilish o‘tkazildi va unda tomonlar yangi ta'lim dasturlari va amaliyotga yo'naltirilgan modullarni yanada rivojlantirish bo'yicha umumiy fikrga kelishdi.
Joriy yilning 28-fevral kuni “Ipak yo‘li” turizm va madaniy meros xalqaro universiteti xotin-qizlar kengashi raisi M.Abbasova va birinchi bosqich tyutori G. Xusainova bilan birgalikda, talabalar yotoqxonasida bo‘lib talaba-qizlar bilan “Qarindoshlar o‘rtasidagi nikoh, erta turmush, oilada ayolning muomila madaniyati va ajrimlarning jamiyat taraqqiyotiga salbiy ta’siri” mavzularida davra suhbati o‘tkazdi.
Davra suhbatida mavzu yuzasidan fikrlar bildirilib qarindoshlar o‘rtasidag erta nikohning salbiy oqibatlari, oilada ayol kishining muomila madaniyati bugungi kunda yuz berayotgan ajrimlarning sabablari, oqibatlari, tarbiyalanayotgan bolalarning ruhiyati va tarbiyasiga ta’siri va shu kabi holatlarning oldini olish bo‘yicha fikr va mulohazalar bildirildi.
Tadbirda mas‘ullar tomonidan talaba-qizlarga badiiy kitoblarni ko‘proq mutoola qilish, muomala madaniyatini saqlash, tozalikka rioya qilish kabilar yuzasidan zarur tavsiyalar berildi. Savol-javob tarzida o‘tgan tadbir talaba-qizlar uchun juda ham ahamiyatli bo‘ldi.
“Ipak yo‘li” turizm va madaniy meros xalqaro universiteti 2024-yil 14-aprelda universitetda bo‘lib o‘tadigan 93-xalqaro koreys tilini bilish darajasini aniqlash (TOPIK) imtihoniga nazoratchilar uchun tanlov ochilganligini e’lon qiladi. Imtihonda nazoratchi sifatida qatnashish istagida bo‘lganlar quyidagi shartlarga muvofiq ariza topshirishlari so'raladi:
1. Ariza topshirish muddati : 1-martdan 20-martgacha
Imtihonda qatnashish uchun quyidagi anketani to‘ldirib imzolagan holda pasportingiz bilan kanerlagan holda telegram orqali @silkroadtopik manzilga yuboring.
Kuzatuvchilikka ariza
2. Tanlov shartlari : Arizalar soni imtihon uchun zarur nazoratchilar sonidan oshib ketganda quyidagi nomzodlar ustunlikka ega bo‘ladi:
So‘nggi 3 yil ichida TOPIK imtihon nazoratchisi sifatida ish tajribasiga ega bo'lgan shaxslar
Oxirgi 3 yil chet tili imtihonlari kuzatuvchisi sifatida tajribaga ega bo'lgan shaxslar
Ta‘lim muassasasida ish tajribasiga ega bo'lgan shaxslar
3. Qo‘shimcha shartlar:
- To'lov shartnoma shartlariga muvofiq amalga oshiriladi
- Imtihonda muvaffaqiyatli ishtirok etgan nazoratchilar,keyingi imtihonlarda qatnashish uchun imkoniyatga ega bo‘ladi.
Imtihon joylari va nazoratchilar soni
Imtihon hududi |
Zarur nazoratchilar soni |
“Ipak yoʻli” turizm va madaniy meros xalqaro universiteti ( TOPIK II ) |
38 |
Umumiy miqdor |
38 |
Joriy yilning 4-mart kuni soat 10:00da universitetimizning 229-xonasida Birlashgan Arab Amirligining Sharjah universiteti Sa'natshunoslik tarixi yo‘nalishi bo'yicha fan doktori Sami De Giosa ishtirokida online konferenseya tashkil qilinadi. Onlayn shaklda bo‘lib o‘tadigan konferensiya mavzusi “2024 yilda ilmiy tadqiqot ta’moyillarini belgilash”.
Ma'ruzachi: London universiteti Phd himoyachi doktori Sami De Giosa.
Taklif qilinadi: Mustaqil tadqiqotchilar, ilmiy izlanish olib borayotgan stajorlar va o’qituvchilar.
“Ipak yo‘li” turizm va madaniy meros xalqaro universiteti bilimdon talabalaridan iborat jamoalari o‘rtasida kinolar mavzusida “Movie Quiz” o‘yini tashkil etildi.
Universitetimizda bu kabi “Zakovat Quiz”ning ushbu mavzulardagi o‘yinlari doimiy ravishda tashkil etilib, talabalar faol ishtirok etishmoqda. Yettita bosqichdan iborat bo‘lgan bilimlar bellashuvida jamoalarga oltitadan savollar berildi. Sakkizta jamoa ishtirok etgan bellashuvda savollar asosan kinolardagi ayrim qiziqarli faktlar, sountreklarning qaysi filmga tegishli ekanligi, mashhur aktyorlar ishtirok etgan kinolar nomi kabi savollarga javob izlandi.
Talaba-yoshlarning bilimdonligi, zukkoligiga ko‘ra, birinchi o‘rin “The last dance” jamoasi, ikkinchi o‘rin “Anubis” jamoasi va uchinchi o‘rin “Friends” jamoasiga nasib qildi.
140104, O’zbekiston Respublikasi, Samarqand shahri, Universitet xiyoboni, 17
dummy+99866 240-67-68
dummy info@univ-silkroad.uz