Yangiliklar: Noyabr 2024

11-noyabr kuni “Ipak yo‘li” turizm va madaniy meros xalqaro universitetiga Turkiyadagi “Heritage Projects” asoschisi Usmon Murat Akan va Madaniy meros platformalari tashkilotida “Heritage ko‘rgazmalari” direktori Zubayde Akbayir xonim tashrif buyurdi.

 Ushbu tashrif madaniy merosni asrab-avaylashda hamkorlikni rivojlantirish va madaniy merosga asoslangan ta’lim, tadqiqot va targ‘ibot ishlarida o‘zaro manfaatlarni rag‘batlantirish yo‘lidagi muhim qadam bo‘ldi.

Mehmonlar universitet rahbariyati hamda universitetimiz professor-o‘qituvchilari bilan uchrashib qator amaliy muloqotlar o‘tkazdi. Asosiy e'tibor hamkorlikning potentsial yo'nalishlarini o'rganishga, xususan, madaniy merosga bag'ishlangan konferentsiyalar, ko'rgazmalar va seminarlar tashkil etishga qaratildi.

Ushbu tadbirlar o‘zaro xalqaro aloqalarni o'rnatish va madaniy merosni saqlagan holda rivojlantirishda yangi platforma bo'lib xizmat qiladi.

Joriy yilning 6-noyabr kuni Samarqand shahridagi Samarqand iqtisodiyot va servis institutida "Besh tashabbus" sport musobaqalari doirasida sportning stol-tennisi turi bo'yicha bellashuvlar bo'lib o'tdi.
Ushbu musobaqada viloyatimizdagi oliy ta’lim muasassalari talabalari o'zaro bellashdi. Sport musobaqasida universitetimiz talabalari ham faol ishtirok etib, sovrinli o‘rinlarga ega chiqdi.

Universitetimiz talabalari o‘rtasida ichki turizmni yanada rivojlantirish maqsadida joriy yilning  8-noyabr kuni TH-224, TH-324 va TH-424 guruhlarida ta’lim olayotgan bir guruh talabalar Samarqand shahridagi Amir Temur maqbarasi, Registon maydoni va Shohi Zinda masjid majmualarini ziyorat qilishdi.

 Talaba-yoshlarimiz ushbu qadamjolarni ziyorat qilish bilan birga, ularning buguni va tarixi bilan yaqindan qiziqdi. 

       Joriy yilning 8-noyabr kuni “Ipak yo‘li” turizm va madaniy meros xalqaro universiteti psixologi D.Turdiуeva va tyutor P.Islomov tomonidan “Turizm menejmenti” yo‘nalishi bo‘yicha tahsil olayotgan 124-guruh talabalari bilan uchrashuv tashkil etildi.

       Har bir talabalar guruhi katta jamoaning kichik bo‘lagi hisoblanadi. Shunday ekan, guruhdagi ijobiy psixologik, jamoaviy ruh, birdamlik muhit yigit-qizlarning sifatli, manfaatli ta’lim olishiga poydevor yaratadi. Bugungi tadbirdan ko‘zlangan maqsad ham talabalarning ruhiy barqarorligiga erishish, ularga psixologik madad berish edi.

Bugun 9-noyabr kuni “Yashil makon” umummilliy loyihasi doirasida “Yashil kelajak” umumrespublika marafoni o‘tkazildi. Marofonda “Ipak yo‘li” turizm va mdaniy meros xalqaro universitetining bir guruh faol bo‘lgan professor-o‘qituvchilari, xodimlari ham ishtirok etishdi. Dastlab tadbirda onlayn tarzda Qoraqalpog’iston Respublikasi Jo’qorg’i Kengashining Raisi Amanbay Orinbayev  va Oliy ta'lim, fan va innovatsiyalar vaziri Qo'ng'irotboy Sharipov so‘z olib ushbu loyihaning ahamiyati xususida gapirishdi va respublika miqyosidagi barcha oliy ta’lim muasassalariga loyiha doirasida ko‘chat ekishga start berildi.

Marofon doirasida universitetimiz huzuridagi Turizm akademiyasi hovlisiga turli xildagi 200 ga yaqin manzarali daraxt ko‘chatlari ekildi.

11-noyabr Kasaba uyushmalari kuni munosabati bilan 7-8 noyabr kunlari universitetimiz kasaba uyushmasi boshlang‘ich tashkiloti tomonidan oliygoh sport klubi bilan hamkorlikda universitet professor-o‘qituvchilari va xodimlari o‘rtasida sport musobaqalari tashkil qilindi.
Bugun 8-noyabr kuni universitetimiz professor-o‘qituvchilari hamda xodimlari o‘rtasida sporting stol tennisi bo‘yicha musobaqalar tashkil qilindi. Musobaqada universitetimiz erkaklar va ayollaridan iborat xodimlari o‘zaro jamoalarga bo‘lingan holda ishtirok etishdi.
Sport musobaqalari yakuni bilan universitetimiz rahbariyati hamda O‘zbekiston Kasaba uyushmalari Federatsiyasining viloyat Kengashi sport, turizm va madaniyat birlashmasi boshlig‘i T.Alqarov so‘z olib barchani ushbu bayram bilan qizg‘in qutladi.
Bayram tadbirida shaxat-shashka, stol tennisi sport o‘yinlaridan birinchi, ikkinchi va uchinchi o‘rinlarni egallagan barcha professor-o‘qituvchilarga hamda xodimlarga tashkilotchilar tomonidan sertifikatlar hamda esdalik sovg‘alari topshirildi.

2024-yil 09-noyabr kuni soat 09:30 da UNWTO tematik ofisida  “Ipak yo‘li” turizm va madaniy meros xalqaro universiteti qoshidagi iqtisodiyot fanlari bo‘yicha ilmiy darajalar beruvchi DSc.33/01.02.2022.I.145.01 raqamli Ilmiy Kengashиda Samarqand iqtisodiyot va servis instituti mustaqil tadqiqotchisi Kaxarov Jasur Abulkosimovich 08.00.17 – “Turizm va mehmonxona faoliyati” ixtisosligi bo‘yicha “O’zbekistonda gastronomiк turizmini tashkil qilish va rivojlantirish yo’llari” mavzusidagi iqtisodiyot fanlari bo‘yicha falsafa doktori (PhD) ilmiy darajasini olish uchun yozilgan dissertatsiyasi ishi himoyasi bo‘lib o‘tadi.

2024-yil 09-noyabr kuni soat 11:00 da UNWTO Tematik ofisida “Ipak yo‘li” turizm va madaniy meros xalqaro universiteti qoshidagi iqtisodiyot fanlari bo‘yicha ilmiy darajalar beruvchi DSc.33/01.02.2022.I.145.01 raqamli Ilmiy Kengashida Samarqand iqtisodiyot va servis instituti tayanch doktoranti Karshiyev Adxam Anvarovich 08.00.17 – “Turizm va mehmonxona faoliyati” ixtisosligi bo‘yicha “Hududlarda turizm sohasini samarali rivojlantirishning tashkiliy-iqtisodiy mexanizmini takomillashtirish” mavzusidagi iqtisodiyot fanlari bo‘yicha falsafa doktori (PhD) ilmiy darajasini olish uchun yozilgan dissertatsiyasi ishi himoyasi bo‘lib o‘tadi.

Tabiat chegara bilmaydi. Ayniqsa, ko‘chib yuruvchi yovvoyi hayvonlar turlari uchun siyosiy chegaralar begona. Shu bois ham ularni asrab-avaylash, bu turdagi hayvonlarning omon qolishi, biologik xilma-xillikni saqlashda xalqaro hamkorlik va transchegaraviy sa’y-harakatlar muhim ahamiyatga ega.    

Shu o‘rinda qayd etish kerakki, 1979 yilda Germaniyaning Bonn shahrida Birlashgan Millatlar Tashkilotining Yovvoyi hayvonlarning ko‘chib yuruvchi turlarini saqlash bo‘yicha Konvensiyasi imzolangan va 1983 yilda kuchga kirgan. Mazkur Konvensiyaga 133 davlat a’zo.  

Jumladan, O‘zbekiston ham Konvensiyaga 1998 yilda qo‘shilgan.  BMTning ushbu Konvensiyasi ko‘chib yuruvchi hayvonlar o‘tadigan davlatlarni, poligon shtatlarini birlashtiradi va butun migratsiya zonasida xalqaro miqyosda kelishilgan tabiatni muhofaza qilish choralari uchun huquqiy asos yaratadi.  2013 yildan boshlab O‘zbekistonda Ko‘chib yuruvchi hayvonlar kunini nishonlash an’anaga aylandi.

Hayvonot olamining turli vakillari vaqti-vaqti bilan faqat tur sifatida yashab qolish uchun xavfli va sillani quritadigan sayohatga chiqadi. Bu jarayonda ularning omon qolishi, xavfsizligi xalqaro hamkorlikni, jipslikdagi sa’y-harakatlarni taqozo etadi. Shu bois ham ushbu sanani nishonlash orqali jamoatchilik va olimlar odamzod yaratgan turli to‘siqlarga uchrab, halok bo‘layotgan ko‘chib yuruvchi hayvonlar muammosiga e’tiborni qaratishni istaydi.    

Joriy yil 31 mayda qabul qilingan “Ekologiya, atrof-muhitni muhofaza qilish va iqlim o‘zgarishi vazirligi faoliyatini samarali tashkil etish chora-tadbirlari to‘g‘risida"gi Prezident qarorida ham Birlashgan Millatlar Tashkilotining Yovvoyi hayvonlarning ko‘chib yuruvchi turlarini saqlab qolishga doir konvensiyasi ijrosini ta’minlash maqsadi ham o‘z aksini topgan. Bundan tashqari, Samarqandda Yovvoyi hayvonlarning ko‘chib yuruvchi turlarini saqlash bo‘yicha Konvensiya (CMS COP14) ishtirokchilari konferensiyasining 14-yig‘ilishini o‘tkazish ko‘zda tutilgan.    

Mazkur qarorda ushbu sana munosabati bilan mas’ul vazirlik va idoralar, oliy ta’lim va ilmiy muassasalar ishtirokida konferensiyalar, davra suhbatlari va uchrashuvlar, tadbirlar tashkil etish va ommaviy axborot vositalarida keng yoritish vazifalari belgilangan.  Ekologik muammolarni yumshatish, biologik xilma-xillikni saqlashda bu kabi tadbirlar muhim ahamiyatga ega. Tabiatni, hayvonot olamini asrash insoniyat oldidagi vazifa ekanligini unutmaslik lozim.  

Bugun 8-noyabr kuni universitetimiz Madaniy meros kafedrasi dotsenti Odil Boynazarovning muzeyshunoslik fanidan  o‘tilgan nazariy bilimlari magistratura  yo‘nalishi talabalari tomonidan amaliyot ko‘rgazma sifatida namoyish qilindi.

Ko‘rgazmada 17 nafar magistr talabaning har biri yo‘nalishidan kelib chiqib madaniy meros sohasidagi dolzarb mavzularni olib chiqqan. Masalan, xitoylik talabalar ovqat tayyorlash jarayonini namoyish etgan bo‘lsa, rossiyalik talaba Kseniya Vlasova “Oddiy buyumlar yoki hodisalar inson taqdirini o‘zgartirishi mumkin” mavzuida ko‘rgazma tashkil qilgan.  Qoraqalpog‘istonlik talaba esa ota-bola rassomlar Serekievichlarning Orol taqdirini ko‘rsatib beruvchi “Qo‘l bilan tegish mumkin” mavzuidagi rasmlar ko‘rgazmasi bilan ishtirok etdi.

Shuningdek ko‘rgazmada talabalarimiz xalqimizning milliy urf odatlari, to‘ylardagi xar xil odatlar, zargarlik mahsulotlarining ko‘rgazmalarini namoyish qilishdi. Ushbu ko‘rgazma jarayonlari talabalarning magistrlik diplom yozish ishlarida qo‘l kelishi bilan ahamiyatli hisoblanadi.