Ayni damda “Ipak yo‘li” turizm va madaniy meros xalqaro universiteti vakillari Hilton Tashkent City mehmonxonasida o‘tkazilayotgan “Tashkent Travel Mart 2022” B2B formatidagi Xalqaro turizm ko‘rgazmasida faol ishtirok etmoqda.

Ushbu koʻrgazmada Germaniya, Avstriya, Ispaniya, Isroil, Chexiya, Estoniya, Qozogʻiston, Qirgʻiziston, Tojikiston va Oʻzbekistondan sayyohlik sanoati vakillari (aviakompaniyalar, turoperatorlar, sayyohlik agentliklari, mehmonxonalar, onlayn buking xizmatlar va boshqalar) ishtirok etmoqda. Jami 80 dan ortiq kompaniya.

Universitet uchun bu turizm sohasida malaka almashish, yangi hamkorlar bilan muloqot o‘rnatish, shuningdek, zamonaviy voqelikni hisobga olgan holda turizmning yangi yo‘nalishlarini o‘zlashtirish uchun ajoyib imkoniyatdir. Ta’kidlash joizki, ushbu koʻrgazma qabul tadbirlari oldidan reklama kampaniyasini oʻtkazish imkonini beradi.

Shuningdek, ko‘rgazma kuni davomida turizm sohasining yetakchi kompaniyalar bilan hamkorlik aloqalarini o‘rnatish va shartnomalar tuzish rejalashtirilgan.

Ma’lumki, hozirgi kunda davlatimizda xotin-qizlarning har tomonlama imkoniyatlarini kengaytirish, haq-huquqlarini himoya qilish boʻyicha samarali islohotlar olib borilmoqda. Xususan, oilali talaba qizlarning ta’lim olish imkoniyatini chegaralamaslik uchun turli imtiyozlar berilmoqda.

Ushbu islohotlar bilan yosh talaba qizlarni tanishtirish maqsadida universitetda joriy yilning 12-may kuni “Baxtga eltuvchi yoʻl” mavzusida davra suhbati tashkil etildi. Ushbu tadbir 15-may – Xalqaro oila kuniga bagʻishlangan boʻlib, гniversitet xotin-qizlar kengashi tomonidan tashkillashtirildi.

Tadbirga yosh talaba qizlarga ta’lim va oilaviy hayotni uygʻun olib borish, muvaffaqiyat sirlarini boʻlishish uchun tajribali oʻqituvchilar, oilali talaba qizlar taklif etildi, treninglar olib borildi. Shuningdek, tadbir tashkilotchilari tomonidan qahva va shirinlik-sneklar tashkil etildi.  

Talaba qizlar bilan universitet xotin-qizlar kengashi raisi M. Abbosova, Yoshlar bilan mahallabay ishlash va tadbirlar boʻlimi boshligʻi N. Abduvahidova, dekan R. Toshniyozova, universitet psixologi D. Turdiyeva, ijro intizomi, devonxona va arxiv bo‘limining tajribali xodimasi Sh. Mardonova dil suhbatlarini olib borishdi. Oilaviy vaziyatlar aks ettirilgan teatrlashgan sahna namoyish etildi.

Joriy yilning 13-may kuni 5 ta muhim tashabbus doirasida 15-may – Xalqaro oila kuni munosabati bilan “Ipak yo‘li” turizm va madaniy meros xalqaro universiteti Xotin-qizlar kengashi raisi M.Abbasova tomonidan universitet talaba-qizlari o‘rtasida tashkil etilgan “Pazandalik sirlari” to‘garagi doirasida “Milliy taomlarimiz: salat va shirinliklar tayyorlashni o‘rganamiz” mavzusida mahorat darsi tashkil etildi.

Tadbirda universitet psixologi D.Turdiyeva, ARM yetakchi mutaxassisi A.Izbasarova, “Tarix va madaniy meros” kafedrasi mudiri M.Siddiqova, tyutorlar E.Jabbarova, G. Husainovalar ishtirok etdilar. Shuningdek, Kasaba uyushmasi raisi S.Matlabov, Ta’lim sifatini ta’minlash va akkreditatsiya boʻlimi boshligʻi A.Toʻxtamishov hamda talabalar ham taklif qilindi.

Tadbirda talaba-qizlar o‘rtasida milliy taomlarimiz va salatlar tarixi, ularning tayyorlanish jarayonlari, shirinliklar pishirish sir-sinoatlari yuzasidan tajribalarini boʻlishishdi.

“Qizlarjon” klubi a’zolariga yosh xodimamiz D.Fayzullayeva universitet iqtidorli qizlari bilan birgalikda ushbu pazandachilik mashgʻulotini olib bordi.

Qizlarga mutaxassis tomonidan oshxonaga kirish odobi va oshxona jihozlari hamda mahsulotlardan unumli foydalanish boʻyicha zarur maslahatlar berildi.

Qizlar pazandachilik sirlarini oʻrganib olishdi.

Qizlarimiz foydali va sogʻlomlashtiruvchi “Bahor” salatini tayyorlash jarayoniga xos boʻlgan savollarga javoblar olishdi.

Joriy yilning 12-may kuni “Ipak yo‘li” turizm va madaniy meros xalqaro universitetida Universitet QVZ ichki turnirining birinchi o‘yini bo‘lib o‘tdi. Yorqin hazillar, ko‘plab tabassumlar va pozitiv – ishtirok etgan “Devonalar” va “Education” QVZ jamoalarining yorqin o‘yinini shunday tavsiflash mumkin. Ular talabalar hayoti haqida hazil qilishdi, hazil bilan yoshlar muammolari haqida sahna ko‘rinishlarida gapirishdi.

Birinchi prorektor J.Eltazarov ta’kidlaganidek, universitet uchun asosiysi talabalar tashabbuskor bo‘lishlari juda muhim, chunki yoshlar o‘rtasida bu kompetensiyani tarbiyalash qiyin. Norasmiy tarzda, QVZ talabalar orasida ushbu sifatni rivojlantirishda juda muhim o‘rin tutadi.

Hakamlar hay’atining tan olishicha, chiqishlarni baholash qiyin bo‘ldi. Har bir jamoa gʻalaba qozonishga haqli. Uch tur yakuniga ko‘ra “Devonalar” jamoasi 15,8 ball jamg‘argan, “Education” jamoasi esa 15,0 ball to‘pladi.

Biroq musobaqa tashkilotchilarining ta’kidlashganidek, turnirda g‘olib va mag‘lub bo‘lmaydi, o‘yinlar muntazam ravishda o‘tkaziladi.