Joriy yilning 15-iyun kuni AQShning O‘zbekiston Respublikasidagi Favqulodda va muxtor elchisi Daniel N.Rozenblum rasmiy tashrif bilan “Ipak yo‘li” turizm va madaniy meros xalqaro universitetida bo‘ldi. Tashrif AQSH va Oʻzbekiston Respublikasi oʻrtasida diplomatik munosabatlar oʻrnatilganining 30 yilligiga, shuningdek, “Ipak yoʻli” xalqaro universiteti bilan amaliy aloqalarni kengaytirishga bagʻishlangan boʻldi.

Faxriy mehmonni universitetning birinchi prorektori J.Eltazarov kutib oldi. Universitet bilan tanishuv ekskursiya davomida elchida o‘quv jarayonida qo‘llanilayotgan boshqaruv modeli va ilg‘or texnologiyalar, shuningdek, galereyalar va universitet kutubxonasi, Buyuk Ipak yo‘lining noyob tarixiy elementlari katta taassurot qoldirdi.

Bundan tashqari, janob Daniel N. Rozenblum universitet talabalari uchun “Xalqaro va Amerika ta’limining afzalliklari” mavzusida mehmon ma’ruzasini o‘tkazdi. Unda talabalar AQSh universitetlarida o‘qish imkoniyatlari haqida kerakli ma’lumotlarga ega bo‘ldilar. Uchrashuv interaktiv formatda o‘tdi, talabalar AQShda o‘qish va akademik almashinuv imkoniyatlari bo‘yicha o‘zlarini qiziqtirgan savollariga aniq va batafsil javoblar olishdi.

Tashrif dasturida janob Daniel N. Rozenblyumning va “Ipak yo‘li” universiteti o‘quv ishlari bo‘yicha prorektori, prof. R.J. Hoffmann bilan rasmiy suxbati koʻzda tutilgan. Uchrashuvda tomonlar ta’lim sohasidagi hamkorlik istiqbollarini muhokama qildilar. Professor R.J. Hoffmann mustahkam ishchi aloqalarni davom ettirish, shuningdek, har ikki mamlakat universitetlari talabalari va o‘qituvchilarining to‘siqsiz harakatlanishi uchun akademik ko‘prikni yo‘lga qo‘yish zarurligini ta’kidladi. Tomonlar O‘zbekiston va AQSh o‘rtasidagi 30 yillik rasmiy diplomatik munosabatlar davomida keng qamrovli yo‘nalishlari bo‘yicha erishilgan o‘zaro imkoniyatlar g‘oyat kengayib borayotganini ta’kidladilar. Favqulodda va Muxtor Elchi Daniel N.Rozenblum ko‘rsatilgan mehmondo‘stlik uchun minnatdorlik bildirdi. U, oʻz navbatida, muhokama qilingan rejalarni amalga oshirish uchun maksimal darajada harakat qilishini taʼkidladi.

Kutubxona ta’limning ajralmas qismi boʻlib, insonning bilimlarni toʻplash va oshirishga, madaniy va intellektual rivojlanishiga boʻlgan ehtiyojini aks ettiradi.

Turizm va madaniy meros vazirligi vakillari, O‘zbekiston Respublikasi Bosh vazirining o‘rinbosari, Turizm va madaniy meros vaziri, “Ipak yo‘li” turizm va madaniy meros xalqaro universiteti rektori Aziz Abduhakimov tashabbusi bilan, talabalarga o‘quv jarayonida bilimlarini kengaytirishga yordam beradigan 100 ga yaqin har xil sohalarga oid kitoblarni topshirishdi.

Ayni paytda universitet kutubxonasi fondida turizm menejmenti va marketingi, arxeologiya, muzeyshunoslik, sanʼat, tarix, iqtisod, gastronomik va ziyorat turizmi, tilshunoslik, badiiy adabiyot, dunyoning turli tillaridagi qo‘llanmalar va darsliklar, madaniyat, etnografiya kabi yoʻnalishlar boʻyicha 15 mingdan ortiq bosma va 10 mingga yaqin elektron nashrlar saqlanadi.

“O‘zbekiston Respublikasi Bosh vazirining o‘rinbosari, Turizm va madaniy meros vaziri, “Ipak yo‘li” universiteti rektori Aziz Abduhakimovga kutubxonamiz fondini boyitishdagi beqiyos hissasi uchun chuqur minnatdorchiligimizni bildiramiz”, - deydi universitet kutubxonasi direktori Siddiqov Nurali.

Joriy yilning 10-iyun kuni Turkiyaning Bolu Abant Izzet Baysal universiteti rektori prof. Mustafo Alisherli boshchiligidagi delegatsiya “Ipak yo‘li” turizm va madaniy meros xalqaro universitetiga rasmiy tashrif buyurdi.

“Ipak yo‘li” universiteti birinchi prorektori prof. J. Eltazarov va Bolu Abant Izzet Baysal universiteti rektori prof. Mustafo Alisharli oʻrtasida uchrashuv tashkilashtirilidi. Rasmiylar oʻquv jarayonini takomillashtirish, ikki universitet professor-oʻqituvchilari va talabalarining akademik harakatchanligini taʼminlash, shuningdek, Bolu Abant Izzet Baysal universitetida “Ipak yoʻli” universiteti oʻqituvchilari malakasini oshirishga qaratilgan oʻzaro hamkorlikning asosiy masalalarini muhokama qilishdi.

O‘zbekiston-Turkiya hamkorligi doirasida ta’lim sohasida erishilgan salmoqli natijalar qayd etildi, ikki mamlakat yoshlarining xalqlar tarixi, madaniyati, tili va an’analariga o‘zaro qiziqishi sezilarli darajada ortgani alohida ta’kidlandi. Rasmiylar ikki tomonlama tashriflarni davom ettirish tarafdoriligini bildirdi.

Ma’lumot uchun: Anqara va Istanbul o‘rtasida joylashgan Bolu Abant Izzet Baysal universiteti 1992-yil 3-iyulda tashkil etilgan. Ushbu universitetning 3 ta kampusi Bolu tumanining markazida (Gerede, Mengen, Mudurnu shaharchalari) joylashgan. Universitetda 17 ta fakultet, 1 ta institut va 19 ta ilmiy markaz mavjud. Universitetda 1125 nafar ma’muriy xodim va 1586 nafar o‘qituvchi 30 mingdan ortiq talabaga sifatli va zamonaviy ta’lim beradi.

Joriy yilning 9-iyun kuni Yaponiyada faoliyat olib boruvchi, ish jarayonlarini raqamlashtirish va avtomatlashtirish bilan shug‘ullanuvchi “FileForce” kompaniyasi ijrochi direktori – janob Aram Sarkisyan “Ipak yoʻli” turizm va madaniy meros xalqaro universitetiga tashrif buyurdi.

Xorijiy kompaniyalar bilan ishlashda katta tajribaga ega bo‘lgan faxriy mehmon dunyoning ko‘plab mamlakatlarida bo‘lgan bo‘lsa-da, O‘zbekistonga birinchi tashrifi. Tashrifdan koʻzlangan maqsad Samarqand shahrining diqqatga sazovor joylari bilan tanishish, shuningdek, “Ipak yoʻli” universiteti rektori – Aziz Abduhakimovning taklifiga binoan, janob Aram Sarkisyan oliy dargoh bilan yaqindan tanishish boʻldi. E’tiborlisi, janob Aram Sarkisyan va universitet rektori Aziz Abduhakimov Yaponiyaning Xitotsubashi universitetining bitiruvchilaridir.

Universitetda ekskursiya tashkil etilib, mehmonga ilg‘or ta’lim imkoniyatlari, amaliyot laboratoriyalari, kutubxona haqida ma’lumotlar berildi. Ta’kidlash joizki, tashrifdan ko‘zlangan maqsadlardan biri Yaponiya haqidagi ingliz tilida kitoblar to‘plamini taqdim etish ham edi. Janob Aram Sarkisyan ta’kidlaganidek, ushbu kitoblar universitet talabalari va o‘qituvchilariga Yaponiya madaniyati, turizmi va hayoti haqida kerakli ma’lumotlarga boy.

Avval xabar berganimizdek, Indoneziyaning Bandung pedagogika universiteti rektorati delegatsiyasi Indoneziya Respublikasining O‘zbekistondagi elchisi – E.P. Sunario Kartadinata va elchixonaning elchi-maslahatchisi – Rofita Jamafar xonim bilan birgalikda “Ipak yo‘li” turizm va madaniy meros xalqaro universitetiga tashrif buyurishdi.

Uchrashuv davomida janob E.P. Sunario Kartadinata “Ipak yo‘li” universiteti kutubxona fondiga ilmiy adabiyotlar va o‘quv qo‘llanmalar to‘plamini hadya qildi. Taqdim etilgan kitoblar Indoneziya tarixi, madaniyati va urf-odatlari, turizmi va hozirgi zamonda yashash tarzi haqida qimmatli ma’lumotlarni oʻz ichiga oladi.

Universitet kutubxonasi ochilganidan beri doimiy ravishda dunyoning turli burchaklaridan yuborilgan eng soʻnggi va eng nodir nashrlar bilan toʻldirilib boriladi. O‘zbekiston Respublikasi Bosh vazirining o‘rinbosari, Turizm va madaniy meros vaziri, “Ipak yo‘li” turizm va madaniy meros xalqaro universiteti rektori Aziz Abduhakimov o‘zining shaxsiy kolleksiyasidan ko‘plab kitoblarni universitet kutubxonasiga sovg‘a qilganini alohida ta’kidlash joiz.

Joriy yilning 5-iyun kuni “Ipak yo‘li” turizm va madaniy meros xalqaro universiteti 3-kurs talabasi Bektursunov Bahodirdan iborat tashkilotchilar guruhi sa’y-harakati bilan Samarqand shahri tarixidagi ilk yirik TEDx tadbiri bo‘lib o‘tdi. Tadbir mavzusi: “Ufq ortida” (asl. Beyond The Horizon). Tadbir O‘zbekistonning turli hududlaridan kelgan yoshlarni birlashtirdi. Ma’ruzachilar sifatida talabalar, ijtimoiy faollar va mashhur bloggerlar edi. O‘z navbatida, “Ipak yo‘li” universiteti talabalari Xojalepesov Ulug‘bek, Jafarov Jahongir va Nasrullaeva Shahrizoda o‘z ma’ruzalari bilan chiqishdi. Media makonidagi butun jarayonni yoritgan media-guruhning a’lo darajali ishini alohida ta’kidlash joiz. Media jamoasining bosh koordinatori “Ipak yoʻli” universiteti talabasi – Melikov Amir boʻldi. TEDx media jamoasi ishiga internetda mashhur bo‘lib borayotgan “Ipak yo‘li” universiteti 3-kurs talabasi, bloger Mirzayev Amirbek ham o‘z hissasini qo‘shdi.

“Ipak yoʻli” universitetda tashkillashtirilgan TEDx tadbirini modernizm va talabalikning sintezi sifatida baholayman. Barcha ma’ruzachilar qizgʻin muhokamalarga aylanib ketgan oʻz chiqishlarini hayajon bilan aytishdi. Tadbirning yuqori saviyada tashkil etilganini ta’kidlamaslikning iloji yo‘q, buning uchun tashkilotchilarga alohida rahmat”, – taassurotlari bilan o‘rtoqlashdi tadbir ishtirokchilaridan biri.

Tashkilotchilarning so‘zlariga ko‘ra, TEDx tadbirlari doimiy bo‘lib qoladi va navbatdagi chiqishlarga tayyorgarlik jarayoni boshlangan.

Hurmatli talabalar, tadbirda ishtirok etishni istasangiz, “Ipak yoʻli” universiteti qoshidagi TEDx tashkiliy qo‘mitasi raisi Bektursunov Bahodirga murojaat qiling.

O‘zbekiston Respublikasi Prezidentining 2018-yil 3-fevraldagi “O‘zbekiston Respublikasi turizm salohiyatini rivojlantirish uchun qulay sharoitlar yaratish bo‘yicha qo‘shimcha tashkiliy chora-tadbirlar to‘g‘risida”gi PF-5326-son Farmonida  belgilangan vazifalar ijrosini ta’minlash hamda universitet talabalarini O‘zbekistonning boy turizm salohiyati bilan yaqindan tanishtirish maqsadida, universitet talabalari ishtirokida Buxoro shahriga amaliy sayohati tashkil etildi.