Administrator
Vazirlik universitet kutubxonasiga nodir kitoblarning navbatdagi partiyasini hayriya qildi
O‘zbekiston Respublikasi Turizm va madaniy meros vazirligi tomonidan “Ipak yo‘li” turizm va madaniy meros xalqaro universiteti kutubxona fondi nodir kitoblar bilan to‘ldirildi.
Ta’kidlash joizki, universitet kutubxonasiga O‘zbekiston Respublikasi Bosh vaziri o‘rinbosari, Turizm va madaniy meros vaziri, “Ipak yo‘li” universiteti rektori Aziz Abduhakimov hamda Turizm va madaniy meros vazirligi vakillarining sa’y-harakatlari bilan har hafta noyob kitoblar yetkazib berilmoqda.
Bu kitoblar tarix, madaniyat va turizm hamda muzeyshunoslik, arxitektura va san’atga bag‘ishlangan bo‘lib, ilmiy izlanish va ta’lim jarayonida o‘qituvchi va talabalarimizga katta foyda keltirishi shubhasiz.
E’tiborlisi, ayni paytda kutubxona fondida 20 mingdan ortiq kitob, shuningdek, 10 mingga yaqin elektron kitoblar mavjud.
Dual ta’lim amalda. Toshkent viloyati hududida malakaviy amaliyot tashkil etildi
Respublika miqyosida ichki turizmni jadal rivojlantirish, “Ipak yoʻli” turizm va madaniy meros xalqaro universiteti talabalarini mamlakatimizdagi madaniy va turistik obyektlar, shuningdek turizm sektoriga bevosita bogʻliq boʻlgan davlat tashkilotlari faoliyati bilan yaqindan tanishtirish, ularda turizm sohasi mutaxassisi koʻnikmalarini shakllantirish maqsadida, universitet tomonidan 2022-yilning 17-18-iyun kunlari Toshkent shahri va Toshkent viloyati hududida malakaviy amaliyot tashkil etildi.
Amaliyotning birinchi bosqichida Toshkent shahridagi mehmonxona va restoranlar faoliyatini oʻrganish, tahlil qilish belgilangan boʻlib, talabalar “Grand Mir” mehmonxonasi, “Basri baba” nomi ostidagi turk restoranlari tarmogʻining bosh markazi servis xizmatlari bilan tanishishdi. Amaliyotchilar ushbu obyektlarda mehmonxona va restoranlarning yangicha ish uslubi, ulardagi boʻlimlar faoliyati va har bir xodimning lavozim vazifalari toʻgʻrisidagi turizm mutaxassisligining muhim ma’lumotlariga ega boʻlishdi.
“Ipak yoʻli” turizm va madaniy meros xalqaro universiteti talabalari malakaviy amaliyot doirasida Oʻzbekiston Respublikasi Turizm va madaniy meros vazirligiga tashrif buyurishdi. Tashrif davomida mas’ul xodimlar tomonidan talabalarga vazirlik ish faoliyati, boʻlimlar va ularning funksional vazifalari, turizm sohasida kelgusida amalga oshirilishi rejalashtirilayotgan investitsion loyihalar haqida batafsil ma’lumot berildi.
Amaliyotchi talabalar ikki kunlik safar davomida Toshkent shahridagi me’moriy yodgorlik – Hazrati Imom majmuasi va majmuada saqlanayotgan Usmon Mus’hafi tarixi bilan yaqindan tanishishdi. Shuningdek, amaliyotning ikkinchi kunida Toshkent viloyati Boʻstonliq tumanidagi turistik obyektlar – “Amirsoy” togʻ kurorti, “Chimyon” turistik bazasi, “Bildirsoy” togʻ-changʻi kurorti va Chorvoq suv ombori faoliyatini kuzatishdi, obyektlarda tashkil etilgan servis xizmatlari va mavjud infratuzilmalari bilan “on-site reaserch” – “joyida oʻrganish, tadqiq etish” usulida oʻrganildi.
2022/2023 oʻquv yilida “Ipak yoʻli” turizm va madaniy meros xalqaro universitetiga davlat buyurtmasi asosida oʻqishga qabul qilish parametrlari
- Bakalavriat (kunduzgi)
- Bakalavriat (sirtqi)
- Magistratura (kunduzgi)
QABUL OFISI
✉️ Email: Этот адрес электронной почты защищён от спам-ботов. У вас должен быть включен JavaScript для просмотра.
☎️ Tel.: +998 93 348 33 80, +998 90 224 14 42 (24/7)
Manzil: Samarqand shahri, Universitet xiyoboni, 17. “Ipak yoʻli” TvMMXU 104-xona
CALL MARKAZ
+ 998 66 240 67 70
+ 998 66 240 67 86
+ 998 66 240 86 06
+ 998 66 240 86 16
⏰ Ishlash vaqti: 9:00 - 18:00 (Dushanba-Juma)
Samarqand simfonik orkestri “Ipak yo‘li” universitetida yangi konsert dasturini taqdim etdi
Joriy yilning 22-iyun kuni, “Yoshlar oyligi” hamda “Yangi O'zbekiston yoshlari, birlashaylik” umumxalq yoshlar harakati doirasida, “Ipak yo‘li” turizm va madaniy meros xalqaro universiteti anjumanlar zalida dirijor O‘ktam Tilavov va rejissyor Muhammadrasul Mamadaminzoda boshchiligida Samarqand simfonik orkestri “Yoshlik” konsert dasturini taqdim etdi.
Konsertdan ko‘zlangan maqsad o‘zbek simfonik klassikasini yosh avlod o‘rtasida keng targ‘ib etishdan iborat boʻldi. Konsert universitetning barcha xodimlari, talabalari va mehmonlari uchun ochiq bo‘ldi va kutilganidek, zal to‘liq to‘plandi.
Musiqaviy tadbir universitetni haqiqiy teatrga aylantirdi. Bu yerda mumtoz musiqa yangradi, mashhur operalardan ariyalar ijro etildi. Samarqand simfonik orkestri universitet jamoatchiligi va barcha opera ixlosmandlariga mumtoz ijodkorlar ijodiga yangicha nigoh ochdi.
Samarqand simfonik orkestri tomonidan yirik xorijiy va milliy bastakorlarning asarlaridan o‘rin olgan konsert dasturi tinglovchilarga simfonik musiqaning to‘liq teranligi va rang-barangligidan bahramand bo‘lish imkonini bergani e’tiborga molik.
Qozog‘istonning Turkiston viloyatida infotur yakunlandi
Joriy yilning 17-18 iyun kunlari O‘zbekiston Respublikasi Turizm va madaniy meros vazirligi hamda Qozog‘iston Respublikasi Turkiston viloyati hokimligi hamkorligida “Turkiston – turkiy xalqlarning durdonasi” nomli infotur bo‘lib o‘tdi. Ushbu maxsus infotur jurnalistlar va blogerlar uchun tashkil etilgan.
Infotur doirasida mehmonlar “OPEN TURKISTAN YOUTH” oʻzbek-qozoq yoshlar forumining ochilishida ham ishtirok etishdi. Forumning maxsus mehmonlari O‘zbekiston Respublikasi Turizm va madaniy meros vaziri maslahatchisi Lola Rahmanbayeva, Yoshlar xodimlari uyushmasi bosh mutaxassisi Timur Isxoqov, shuningdek, faol yoshlar Baxit Jandos, bloger Baydaulet Jamanqulovlar edi. Forum davomida ular yoshlar bilan o‘z fikr-mulohazalari o‘rtoqlashdi, turli mavzularda savol-javoblar almashildi.
Ta’kidlash joizki, info-tur doirasida “Ipak yo‘li” turizm va madaniy meros xalqaro universiteti vakillari Turkiston shahridagi Xalqaro turizm va mehmondo‘stlik universiteti rektori Murzamadiyeva Maynura xonim bilan uchrashdi. Uchrashuvda tomonlar akademik almashinuv istiqbollarini, har ikki universitet talabalari va professor-o‘qituvchilari uchun qo‘shma o‘quv dasturlarini ishlab chiqish, qo‘shma ilmiy loyihalar va ilmiy dasturlarni tashkil etish, seminarlar va ilmiy-amaliy konferensiyalar o‘tkazish, hamda O‘zbekiston va Qozog‘iston, shuningdek, boshqa mamlakatlardan manfaatdor investorlarni jalb etgan holda qo‘shma innovatsion loyihalarni amalga oshirish kabi masalalarni muhokama qildilar.
Bundan tashqari, ikki kunlik ekskursiya dasturidan Turkistonning Karvonsaroy, Xo‘ja Ahmad Yassaviy majmuasi, “Uli Dala Eli” muzeyi, uchar kinoteatr, Sauran qadimiy manzilgohi, Ukasha ota maqbarasi, Majratut, Kentau shahri va Jastar istirohat bogʻi kabi diqqatga sazovor joylari bilan tanishuv sayohati o‘rin olgan.
Tashkil etilgan infotur O‘zbekiston Respublikasi delegatsiyasiga Turkiston o‘lkasining turistik salohiyati, uning noyob tabiiy boyliklari, sanatoriy-kurort maskanlari, mintaqaning diqqatga sazovor madaniy obyektlari, jumladan, turli oshxona va mehmondo‘stlik an’analari bilan yaqindan tanishish imkonini berdi.
Tashkilotchilar oʻtkazilgan infotur o‘zaro manfaatli hamkorlikni yanada kengaytirish va O‘zbekiston Respublikasidan Qozog‘iston Respublikasiga sayyohlarni jalb etishga qo‘shimcha turtki berishiga ishonch bildirmoqda.
Isroilning O‘zbekistondagi elchixonasi “Ipak yo‘li” universiteti kutubxonasiga yangi noyob kitoblar to‘plamini sovg‘a qildi
Isroilning O‘zbekiston Respublikasidagi elchixonasi “Ipak yo‘li” turizm va madaniy meros xalqaro universiteti kutubxonasiga yangi noyob kitoblar to‘plamini sovg‘a qildi.
Bu kitoblar Isroil tarixi, madaniyati va turizmi hamda muzeyshunosligi, me’morchiligi va san’atiga bag‘ishlangan bo‘lib, universitet professor-o‘qituvchilari va talabalari uchun ilmiy izlanish va ta’lim jarayonida katta foyda berishi shubhasiz.
Universitet kutubxona fondini boyitish jarayonlari yoshlarga oid davlat siyosatini amalda tatbiq etish, yoshlarni vatanparvarlik ruhida tarbiyalash, navqiron avlod ma’naviyatini, kitobxonlik madaniyatini yanada yuksaltirish, milliy adabiyot va san’atimizga hurmat-ehtirom ko‘rsatish, ijodkor xodimlar mehnatini qadrlash va munosib rag‘batlantirish bilan hamohangdir.
“Ipak yo‘li” universitetida yuqoridagi tendensiyalarning amalga oshirilishi ko‘p jihatdan rektor – O‘zbekiston Bosh vaziri o‘rinbosari, Turizm va madaniy meros vaziri Aziz Abduhakimovning xizmatlaridir. Rektor rahnamoligida, qisqa vaqt ichida kutubxonaga turizm, san’at, tarix, arxeologiya, etnologiya, geosiyosat, iqtisod, madaniyatshunoslik, dinshunoslik, rassomlik, haykaltaroshlik, san’atshunoslik, arxitektura, madaniy meros kabi yo‘nalishlar bo‘yicha dunyoning barcha burchaklarida nashr etilgan 20 mingga yaqin kitob yetkazib berildi. Universitet kutubxonasini boyitishga mamlakatimizning xorijdagi diplomatik muassasalari ham hissa qo‘shmoqda.
Should there be parenting master classes at university?
Life is a long way, and we face many difficulties, joys, and worries along the way. Apart from our knowledge and educational experiences we also need to have special skills that are essential for the future life, so that we can find our own path in life, overcoming the challenges that we face, without giving up on the difficult situations of our lives. As each child grows up and becomes an adult reaching puberty, he or she steps into the entirely new stage of life. The question is whether they are ready for that stage of life or not. Today youth constitute most of the population of Uzbekistan. Every young generation will build their own society by starting their family and every society we create is a whole state. It is known that the more peaceful and harmonious the families, which are an important part of society, the more the state can develop peacefully and sustainably. In this regard, the strength of the family bonds and the formation and implementation of spiritual aspects in it are essential. It is because children who are the future of our country are grown up in the families.
So how strong are the bonds of families today and how about the foundation? Indeed, who or what plays a crucial role in the formation of the family, what about external influences? How well do existing families and new small families maintain their status? Do we evaluate how much influence the Western culture and the Western way of life have on our families?
This means that every young person who builds a family must have the ability to take responsibility for preparing the family for the problems that will arise in it, as well as the ability to find solutions based on our religious and secular and of course our national values.
One of the reasons for the growing number of family conflicts in society today is the fact that young people's perceptions of family life are not sufficiently formed. We know that many young people spend most of their time in the schools where they study. We think that every university should have master classes to prepare young people for marriage. You may be wondering, “Why do we need those classes that may take so much time?” Your question is relevant.
It would be a good idea to organize family preparation master classes that we offer at our university, because after the daily classes, at least once a week, there should be a place where students can express their inner experiences. These master classes are not the same boring lectures as you might think, but of course modern psychological trainings, brainstorming exercises. Family preparation master classes should be conducted once a week or every two weeks, depending on demand, in collaboration with a university psychologist.
- These trainings prepare young people for family life, teach them the legal and psychological basis of resolving family conflicts;
- They also strengthen the institution of the family, increase its well-being and peace, study the problems of modern family development, internal family relations, interpersonal relationships, rich cultural and historical heritage and traditional family values;
- They should include a wide range of skills, such as the study of the legislation of the Republic of Uzbekistan and international experience in the field of family and marriage relations. It will be very interesting not only for the students but also for the teachers if the participants prepare a short presentation on the next topic, or a skill, and the university theatre team will come up with exemplary performances depending on the weekly training topic.
Professional ta’lim barqaror rivojlanishning mintaqaviy jihatlari: chaqiriqlar va istiqbollar
Germaniya Xalqaro Hamkorlik jamiyati hamda Oliy va oʻrta maxsus ta’lim vazirligi bilan hamkorlikda amalga oshirilayotgan “Markaziy Osiyoda iqtisodiy o‘sish tarmoqlari uchun professional ta’lim (PECA)” loyihasi doirasida joriy yilning 27-28 oktyabr kunlari Toshkent shahrida “Professional ta’lim barqaror rivojlanishning mintaqaviy jihatlari: chaqiriqlar va istiqbollar” mavzusidagi xalqaro ilmiy amaliy konferensiyaga o‘tkazilishi rejalashtirilgan.
Yoshlar bugungi va ertangi kunimizning hal qiluvchi kuchidir!
Yoshlarni har tomonlama qo‘llab-quvvatlash, ularning huquq va manfaatlarini himoya qilish borasida yurtimizda amalga oshirilayotgan ishlar ko‘lami tabora kengayib bormoqda. Bu jarayonda O‘zbekiston “Milliy tiklanish” demokratik partiyasi faollari va deputatlari ham faol ishtirok etib, o‘g‘il-qizlarni ulug‘ maqsadlar sari ruhlantirmoqda.
Partiyaning Samarqand shahar Kengashi va Yoshlar ittifoqi shahar Kengashi hamkorligida “Yoshlar oyligi” munosabati bilan “Ipak yo‘li” turizm va madaniy meros xalqaro universitetida tashkil etilgan “Deputat va yoshlar” uchrashuvida ham ayni jihatlar yana bir bor namoyon bo‘ldi.
Universitetda “O‘zbekiston Respublikasi Davlat Xavfsizlik Xizmati kubogi” voleybol sport turi bo‘yicha musobaqa oʻtkazildi
Joriy yilning 16-iyun sanasida “Ipak yo‘li” turizm va madaniy meros xalqaro universitetida Samarqand viloyatidagi Oliy ta’lim muassalari talabalari o‘rtasida “O‘zbekiston Respublikasi Davlat Xavfsizlik Xizmati kubogi” voleybol sport turi bo‘yicha musobaqasi tashkil etildi.
Musobaqada 11 ta Oliy ta’lim muassasasining 200 nafar talabalar jamoalari faol ishtirok etdi.
Musobaqa yakunlariga ko‘ra, Samarqand Davlat universiteti jamoasi 1 o‘rinni, Samarqand Davlat Tibbiyot universiteti jamoasi 2-o‘rinni, Samarqand davlat universitetining O‘zbekiston-Finlyandiya pedagogika instituti jamoasi 3-o‘rinni qo‘lga kiritdi.
Saytdagi yangiliklar
-
Universitetimiz Turizm kafedrasi o‘qituvchisi Kappatokiya Universitetida tajriba almashib talabalarga amaliy mashg‘ulotlar o‘tdi
Payshanba, 31 Oktyabr 2024 11:23
-
To‘siqlarni yengib, maqsadga erishishni o‘rganamiz.
Chorshanba, 30 Oktyabr 2024 15:08
Aloqalar
140104, O’zbekiston Respublikasi, Samarqand shahri, Universitet xiyoboni, 17
-
dummy+99866 240-67-68
-
dummy info@univ-silkroad.uz