“Ipak yo‘li” turizm va madaniy meros xalqaro universiteti Xotin-qizlar kengashi tomonidan 2022-yil 4-fevral kuni O‘zbekiston Respublikasi Prezidenti Sh. Mirziyoevning “2022-2026 yillarga mo‘ljallangan yangi O‘zbekistonning taraqqiyot strategiyasi to‘g‘risida” gi Farmonining mazmun-mohiyati to‘g‘risida seminar-trening tashkil etildi.
Tadbir xotin-qizlar kengashi raisi M. Abbasovaning Prezident farmonida ilgari surilgan ”Inson qadri uchun” tamoyili haqidagi ma’ruza bilan ochildi. Ma’ruzada so‘nggi besh yillik islohotlarning natijasida mamlakatimizda Yangi O‘zbekiston barpo etishning zarur siyosiy-huquqiy, ijtimoiy-iqtisodiy va ilmiy-ma’rifiy asoslarining yaratilishida yurtimizda faoliyat yuritayotgan xotin-qizlardan iborat intellektual salohiyatli hamda milliy qadriyatlarni tashuvchi ma’rifatli qatlam ham mas’ul ekanligiga keng qamrovli va asosli munosabat bildirildi.
“Tarix va madaniy meros” kafedrasi mudiri tarix fanlari bo‘yicha falsafa doktori M.Sidiqova O‘zbekiston Respublikasi Prezidenti Sh. Mirziyoevning “2022-2026 yillarga mo‘ljallangan yangi O‘zbekistonning taraqqiyot strategiyasi to‘g‘risida” gi Farmoni hamda 2022 yil - “Inson qadrini ulug‘lash va faol mahalla yili” da amalga oshirishga oid davlat dasturi borasidagi ma’ruzasining mazmun-mohiyati to‘g‘risidagi nutqida Jahon miqyosidagi murakkab jarayonlarni va mamlakatimiz bosib o‘tgan taraqqiyot natijalarini chuqur tahlil qilgan holda keyingi yillarda xalqimizning farovonligini yanada oshirish, inson huquq va manfaatlarini so‘zsiz ta’minlashga qaratilgan islohotlarning ustuvor yo‘nalishilarini va bu borada amalga oshirilishi rejalashtirilayotgan chora-tadbirlar haqida fikr bildirdi.
Shuningdek, Ilmiy tadqiqotlar bo‘limi boshlig‘i N.Mansurova va “Turizm menejmenti” fakulteti dekani R. Toshniyozovalar ham soha doirasida universitetning istiqbol rejalari bo‘yicha tahliliy munosabat bildirishdi.
Joriy yilning 3-fevral kuni “Ipak yoʻli” turizm xalqaro universiteti talaba yoshlarning “startup”lari va ilmiy ishlanmalarini amaliyotga joriy etish hamda iqtidorli talabalarni iste’dodlarini yuzaga chiqarish maqsadida inkubatsiya va akseleratsiya markazi ish boshladi.
Eslatib o‘tamiz, inkubatsiya dasturi ajoyib istiqbolli g‘oyalarga ega bo‘lgan ishqibozlarning startap g‘oyalarini o‘quv dasturlari va mutaxassis tavsiyalari orqali qo‘llab-quvvatlashga qaratilgan.
Akseleratsiya dasturi, o'z o'rnida, yanada to'liq mahsulotni shakllantirish uchun ishlab chiqilishi kerak bo'lgan prototip egalari uchun mo'ljallangan.
IT Park – bu IT-kompaniyalar uchun istiqbolli boshlangʻich loyihalarni, tashqi iqtisodiy zonani, shu jumladan ilmiy va taʼlim tashkilotlari bilan integratsiyalashgan holda ishga tushirish va bozorga chiqarishni taʼminlash uchun moʻljallangan obyektlar, bino va inshootlar majmuasi. IT sohasida faol va iqtidorli insonlar buxgalteriya hisobi, yuridik, marketing va taʼlim orqali oʻz gʻoyalarini haqiqiy biznes loyihalariga aylantirish uchun haqiqiy imkoniyatga ega boʻladigan joy.
Ushbu Memorandum doirasida tomonlar quyidagi yo‘nalishlarda hamkorlikni amalga oshiradilar:
- tomonlar o‘rtasida to‘g‘ridan-to‘g‘ri hamkorlik aloqalarini o‘rnatish;
- donorlar, grantlar va boshqalarni jalb qilgan qo‘shma loyihalarni amalga oshirish;
- startap-ekotizimini rivojlantirish bo‘yicha qo‘shma loyihalarni amalga oshirish;
- alohida dasturlarni amalga oshirish bo‘yicha o‘qituvchi
va murabbiylar hamda talabalar uchun seminar-treninglar tashkil etish;
- o‘zaro kelishuv bo‘yicha boshqa yo‘nalishlarda hamkorlik qilish.
Markazning ochilish marosimiga O‘zbekiston Respublikasi Axborot texnologiyalari va kommunikatsiyalarini rivojlantirish vazirligi Samarqand viloyati hududiy boshqarmasi bo’lim boshlig’i V.Muxtarov, “O’zkomnazorat” Samarqand viloyati hududiy inspeksiyasi boshlig’i K.Raxmatov, IT Park Samarqand filiali mutaxassislari hamda “Ipak yoʻli” turizm xalqaro universitetining professor o’qituvchilari va talabalari qatnashdilar. Shuningdek, Universitet prorektorlari Juliboy Eltazarov va Aleksey Kylasov K. Raxmatov bilan birgalikda lentani tantanali ravishda kesib, markazni ochishdi.
Ushbu markazda eng so‘nggi rusumdagi 8 ta kompyuter jamlanmasi va dasturiy ta’minot vositalari, multimedia jihozlari bilan ta’minland.
Shayx Hakim Otabek Shukurov, Moturidiy instituti va Buyuk Britaniyadagi Avitsenna Akademiyasi asoschisi, universitet kutubxonasiga ingliz tilidagi kitob va monografiyalarni taqdim etdi. Kitoblar to‘plamiga zamonaviy mashhur san’at asarlari, jumladan, Jon Grinning “The Fault in Our Stars”, Stefani Meyerning “Twilight” turkumidagi kitoblari va boshqalar kiritilgan.
Universitetning elektron kutubxonasini to'ldirish uchun tarix, madaniyat va turizm filmlari bilan videokassetalar topshirildi.
Moturidiy instituti taniqli olim va o'simlik mutaxassisi Shayx Otabek Shukurov an-Nasafiy tomonidan tashkil etilgan tashkilotdir. Uning mukammal Islomiy ilm-fan va o'simliklar bilan davolash sohasidagi bilimlari bu sohada noyob mutaxassisga aylantirdi. Institut turli sohalarda, jumladan, Aqida, Hadis, Fiqh, Tasavvuf, Qiyosiy Dinshunoslik, Zamonaviy va boshqa fanlarga ixtisoslashgan. Institutni maqsadi bu o'tmishning haqiqiy bilimlaridan foydalanib, odamlarni tarbiyalash va bu bilimlarni kelajak avlodlarga etkazish uchun to'g'ri usullarni ta'minlashdir. Institut notijorat tashkilot bo'lib, unda barcha daromad tadqiqot maqsadlarida foydalaniladi.
Avitsenna akademiyasi shayx Hakim Otabek Shukurov tomonidan asos solingan bo‘lib, u 2006 yilda Buyuk Britaniyaga an’anaviy islom va dorivor o‘simliklar bilimlarini urgatish maqsadida kelgan. U ko'plab institut va universitetlarda dars bergan va Sky Television-da doimiy ravishda ishlaydi, u erda har kuni "Ask the Alim" va "Avicenna's Garden" deb nomlangan o'simliklardan tayyorlangan maxsus ko'rsatuvlarni olib boradi.
Universitet rahbariyati O‘zbekistonning Buyuk Britaniya va Shimoliy Irlandiya Birlashgan Qirolligidagi Favqulodda va Muxtor elchisi Said Rustamov va Shayx Otabek Shukurovga kutubxonani noyob kitoblar bilan to‘ldirishda ko‘rsatgan yordami uchun samimiy minnatdorlik bildiradi.
"Ipak yo'li" turizm va madaniy meros xalqaro universiteti talabalar o'rtasida quyidagi mavzularda videorolik tanlovini e'lon qiladi:
1. “Eng yaxshi sport mashg‘uloti aks etgan videorolik”
2. “Eng yaxshi milliy va jahon musiqa asboblari ijrochisi”
3. “Eng yaxshi Alisher Navoiy va Zaxiriddin Muhammad Bobur g‘azallari ijrochisi”
4. “Eng yaxshi milliy va jahon qo‘shiqlari ijrochisi”
5. “Eng yaxshi milliy va jahon raqsi ijrochisi”
Tanlov shartlari: Tanlov ishtirokchilari o‘zlari olgan video-roliklarini quyidagi @bobibragimov telegram manziliga yuborishlari so‘raladi.
Sizning videorolikingiz @univ_silkroad_tutors instagram sahifasiga joylashtiriladi va har bir nominatsiya bo‘yicha eng ko‘p like to‘plagan ishtirokchilar g‘olib deb e’lon qilinadi.
Tanlov g‘oliblari diplom va pul mukofotlari bilan taqdirlanadi.
Videoroliklarni qabul qilish muddati 2022-yil 6-fevralda o‘z nihoyasiga yetadi va 14-fevral kuni tanlov g‘oliblar e’lon qilinadi.
“Eng yaxshi Alisher Navoiy g‘azallari ijrochisi” tanlovi uchun g‘oliblar 2022-yil 9-fevral kuni e’lon qilinadi.
Barcha ishtirokchilarga omad tilab qolamiz!
Har bir student universitetimiz kutubxonasida biografiya bilan tanishishi, buyuk siyosatchi hayoti haqida o‘qishi mumkin.
Hurmatli talabalar!
Taʼlim sifatini nazorat qilish maqsadida, universitetimizda onlayn taʼlim dasturidan foydalanishni tasdiqlashingizni soʻraymiz.
https://docs.google.com/forms/d/18e2blk6CeqYXP9IsxxWS1Mq-fTzoUISjSYSoLHJB8RI/edit?ts=61f3f027
"Ipak yo'li" turizm va madaniy meros xalqaro universiteti respublika turizm va madaniy meros texnikumlari hamda turizm va servis kollejlari o'qituvchilarini onlayn seminarga taklif etadi!
Mavzu: Turizm sohasida kadrlar tayyorlashda tarix darslarining bugungi kundagi ahamiyati.
Ma'ruzachi: "Ipak yo'li" turizm va madaniy meros xalqaro universiteti o'qituvchisi, tayanch dodktorant N.Xushvaqtov
Vaqti: 29-yanvar, shanba, soat 10:00.
Zoom uchrashuv havolasi: https://us02web.zoom.us/j/84433081986?pwd=bERrVE15aG9vdmp4djRDRCtRekpaZz09
ZOOM-ID: : 844 3308 1986
Kirish kodi: 884817
Turkiya Hukumati tomonidan 2022-yil uchun “Turkiya grantlari” Xalqaro
talabalar va ilmiy tadqiqotchilarga Turkiya oliy taʼlim muassasalarida grant asosida
tahsil olish va ilmiy tadqiqot olib borish imkoniyatini beruvchi grantlar dasturi eʼlon
qilingan.
Kimlar uchun: bakalavriat, magistratura, doktorantura talabalari va ilmiy tadqiqotchilar uchun
Qanday xarajatlar qoplanadi: stipendiya, yotoqxona, universitetga qabul, 1 yillik turk tili kursi, tibbiy sug‘urta, bir martalik aviachipta, o‘qish uchun to‘lov, madaniy
va ilmiy dasturlarga qatnashish.
Stipendiya miqdori: bakalavr talabalari uchun har oy 800 turk lirasi (TL),
magistratura talabalari uchun 1100 TL, doktorantlarga 1600 TL, ilmiy tadqiqotchilar
uchun 3000 TL, davlat xodimlari va ilmiy xodimlar uchun “Turkcha muloqot dasturi
(KATIP)” 2000 TL.
Ilmiy tadqiqotchilar uchun grantlar faqatgina oylik stipendiya bilan
cheklangan. “Turkcha muloqot dasturi (KATIP)” granti oylik stipendiya, yotoqxona,
aviachipta, madaniy va ijtimoiy tadbirlarni o‘z ichiga oladi.
“Turkiya grantlari” dasturiga onlayn tarzda quyidagi veb-sayt orqali
ro‘yxatdan o‘tish mumkin: www.turkiyeburslari.gov.tr
Arizani to’ldirish va qo’shimcha savollar uchun Xalqaro grantlarni jalb qilish bo’limiga murojaat qilishingiz mumkin:
Этот адрес электронной почты защищён от спам-ботов. У вас должен быть включен JavaScript для просмотра., tel: +998 97 282 20 82
Jahon hamjamiyati tomonidan “Turizm makkasi” deb e’tirof etilayotgan qadimiy va navqiron Samarqand shahrida turizm infrasturkturasi yildan yilga o’sib, rivojlanib bormoqda. Respublika miqyosida bu sohani yanada rivojlantirish hamda iqtisodiyotning asosiy bo’ginlaridan biriga aylantirishda, gastronomic turizm, ziyorat turizmi, eko turizm, agro turizm, sport turizmi va boshqa shu kabi turizm sohalarining taraqqiy etishi muhim ahamiyat kasb etadi. Ayniqsa, bugungi kunda rivojlanib borayotgan axborot texnologiyalari, innovatsion g’oyalarning o’rni beqiyos. Shu maqsadda turizm sohasida yoshlarning innovatsion g’oyalarini rivojlantisirsh hamda amaliyotda joriy qilishga ko’maklashish maqsadida “Ipak yo’li” turizm va madaniy meros xalqaro universiteti 2022-yil 25- fevral kuni bo’lib o’tadigan “Eng yaxshi startap loyihasi” ko’rik-tanlovini e’lon qiladi. //
Startap loyihasiga qo’yiladigan shartlar:
- 1, 2, 3 va 4-kurslar orasidagi startap ijrochilarining yoshi 30 dan oshmasligi;
- 1 ta jamoa 1 ta loyiha bilan ishtirok etishi (jamoa aʼzolari soni 5 nafardan oshmasligi lozim);
- Startap loyihalarini amalga oshirishning eng uzoq muddati bir yil boʻlishi.
- Loyihani moliyaviy asoslab berish; unga ketadigan material, materiallarning narxi va shu narxda qayerdan sotib olinishi mumkinligi haqidagi ma’lumot.
Ushbu loyiha yoshlarga quyidagi imkoniyatlarni taqdim etadi:
- Startap yaratish bo’yicha bilimlarni mustahkamlash.
- Loyihaning samarali taqdimotini tashkil etish hamda investor jalb qilish.
- Innovatsion startap taqdimotlari bilan tanishish.
- Qizg’in muhokamalarda ishtirok etish va boshqalar.
Ishtirokchilar quyidagi manzil orqali bog’lanib, 15-fevralgacha registratsiyadan o’tishi lozim. Startaplar taqdimoti 25-fevral kuni soat 10:00 da “Ipak yo’li” turizm va madaniy meros xalqaro universiteti faollar zalida bolib o’tadi.
Murojaat uchun:
Universitetning “Tarix va madaniy meros” kafedrasi va “Universitet 4.0” modeliga tayyorlash bo’limi
+99866 240 86 12
+99899 597 1983
"Ipak yo'li" turizm va madaniy meros xalqaro universiteti respublika turizm va madaniy meros texnikumlari hamda turizm va servis kollejlari o'qituvchilarini onlayn seminarga taklif etadi!
Mavzu: O’zbekistonda turizm sohasini rivojlantirishda mavjud muammolar va ularni bartaraf etish yo’llari
Lektor: Dr. A.Odilov
Vaqti: 27-yanvar, payshanba, soat 10:00.
Zoom uchrashuv havolasi: https://us04web.zoom.us/j/77750425097?pwd=5eZ2-ClTupluVEVr1mxIJntIwlkRnT.1
ZOOM-ID: : 777 5042 5097
Kirish kodi: 123
140104, O’zbekiston Respublikasi, Samarqand shahri, Universitet xiyoboni, 17
dummy+99866 240-67-68
dummy info@univ-silkroad.uz