1. 2023-yilning 19-avgust kuni soat 10:00da “Ipak yo‘li” turizm va madaniy meros xalqaro universitetining katta anjumanlar zalida universitet huzuridagi Ilmiy darajalar beruvchi DSc.33/01.02.2022.I.145.01 raqamli Ilmiy kengashda Toshkent davlat iqtisodiyot universiteti Samarqand filiali tayanch doktoranti Abduraxmanova Aqida Fayzulla qizining 08.00.17 – “Turizm va mehmonxona faoliyati” ixtisosligi bo‘yicha falsafa doktori (PhD) ilmiy darajasini olish uchun “Hududlarda ekologik turizm salohiyatidan samarali foydalanish usularini takomillashtirish (Samarqand viloyati misolida)” mavzusidagi dissertatsiya ishi himoyasi bo‘lib o‘tadi.
2. 2023-yilning 19-avgust kuni soat 12:00da “Ipak yo‘li” turizm va madaniy meros xalqaro universitetining katta anjumanlar zalida universitet huzuridagi Ilmiy darajalar beruvchi DSc.33/01.02.2022.I.145.01 raqamli Ilmiy kengashda Samarqand iqtisodiyot va servis instituti mustaqil izlanuvchisi Abdullayeva Zulfiya Izzatovnaning 08.00.17-“Turizm va mehmonxona faoliyati” ixtisosligi bo‘yicha falsafa doktori (PhD) ilmiy darajasini olish uchun “Mehmonxona biznesini rivojlantirishning tashkiliy-iqtisodiy mexanizmini takomillashtirish yo‘llari (Samarqand viloyati misolida)”mavzusidagi dissertatsiya ishi himoyasi bo‘lib o‘tadi.
Keyingi yillarda O‘zbekiston-Turkiya o‘rtasidagi o‘zaro aloqalar mustahkamlanib bormoqda. Joriy yilning 11-avgust kuni Turkiyaning Xatay viloyati yoshlarining Samarqand shahriga tashrifi ham ushbu fikrimizga yaqqol misol bo‘la oladi. Dastlab mehmonlar Samarqand shahridagi Yoshlar markazida “O‘zbekiston -Turkiya yoshlarining birdamligi” mavzusida o‘tkazilgan davra suhbatida qatnashdi. Ahamiyatlisi, ushbu tadbirda universitetimiz Birinchi prorektori J.Eltazarov, universitet Yoshlar yetakchisi hamda oliygohning bir guruh iqtidorli talaba-yoshlaridan iborat volontyorlar jamoasi ham ishtirok etishdi. Davra suhbatida yoshlar siyosati, madaniyat, volontyorlik, iqlim o‘zgarishlari haqida o‘zaro fikr almashishdi. Shundan so‘ng turkiyalik yoshlar universitetimizda ham bo‘lib, ushbu oliy ta’lim maskanida talabalar uchun yaratilgan shart-sharoitlar va imkoniyatlar bilan yaqindan tanishdi.
Hozirda Xitoy Xalq Respublikasining Pekin shahrida bo‘lib turgan universitet professor-o‘qituvchilari Pekin Xalqaro Fanlar Universiteti tomonidan tashkillashtirilayotgan seminar treningda faol ishtirok etib kelishmoqda. Shuningdek xalqaro ilmiy seminar ishtirokchilari Xitoy davlati bo‘yicha turizm va kelishuv kengashi bosh menejeri Chang Hong tomonidan o‘tilgan xalqaro turizm yo‘nalishida brend marketingning klassik holatlari mavzusida o‘tilgan seminarda qatnashishdi.
Yevroosiyo turizm taʼlimini rivojlantirish jamgʻarmasi tomonidan Turkiyaning Konya shahrida joylashgan Nejmettin Erbakan Universitetining turizm menejmenti yo‘nalishi bo‘yicha magistratura bosqichida o‘qish bilan bir vaqtda Turkiyaning Antalya shahrida joylashgan 5 yulduzli mehmonxonalarda 2 yil davomida stajirovka o‘tash imkoniyati yaratildi.
Ushbu dastur orqali 2 yil ichida siz:
Talab etiladigan hujjatlar:
Arizalar talab qilinadigan hujjatlar bilan birga 2023-yil 8 avgustdan 2023-yil 21 avgustgacha undefined manzili orqali onlayn qabul qilinadi.
Qo‘shimcha ma’lumot uchun: 99-274-96-12
Bugungi kunda davlatimiz tomonidan yoshlarni qo‘llab-quvvatlash, ularni kasb-hunar o‘rganishiga ko‘maklashish, muammolarini hal etish masalalariga alohida e’tibor qaratilib, bu borada keng-ko‘lamli amaliy ishlar olib borilmoqda.
2023-yil 4-avgust kuni “Ipak yo‘li” turizm va madaniy meros xalqaro universiteti Birinchi prorektori, professor J.Eltazarov boshchiligidagi universitet xodimlari adashgan va ijtimoiy himoyaga muhtoj yoshlarni qo‘llab-quvvatlash, ularni tarbiyalash, to‘g‘ri yo‘lga qaytarish, kasbga o‘rgatish, o‘qitish va ish bilan ta’minlash maqsadida Samarqand shahridagi “Bog‘i Feruza” mahallasida yashovchi yoshlar bilan uchrashdi. Dastlab universitet mutasaddilari “Bog‘i Feruza” mahallasida yashovchi, Mehrangiz Tuyg‘unova istiqomat qiladigan xonadonda bo‘lib, uning yashash tarzi, muammolari, qiziqishlari va kelgusi rejalari bilan yaqindan tanishdi.
Bugungi kunda “Bog‘i Feruza” mahallasida yashovchi Umida Irgasheva ham o‘zini o‘zi band qilgan holda ayollar sartaroshi sifatida faoliyat ko‘rsatib kelmoqda. Umida davlatimiz tomonidan yaratib berilayotgan keng imkoniyatlardan unumli foydalangan holda o‘zining yashab turgan xonadonida tadbirkorlik faoliyatini yo‘lga qo‘ygan. Ayni paytda, hech qanday moddiy yordamga muhtoj emasligi, aksincha yurtboshimiz tomonidan ko‘rsatilayotgan alohida e’tibordan mamnun ekanligini ta’kidladi. Uchrashuv so‘nggida yoshlarga kitoblar tuhfa qilindi.
Mamlakatimizda yoshlarga e’tibor masalasi davlat siyosati darajasiga ko‘tarilgan bo‘lib, ertamiz egalari o‘zlarining qiziqishlari bo‘yicha har tomonlama qo‘llab-quvvatlab kelinmoqda. Muhtaram Prezidentimiz tashabbusi bilan mahallalardagi yoshlarning bandligini ta’minlash, ularning holidan xabar olish ishlari tizimli yo‘lga qo‘yildi. Bu borada mas’ullarga kerakli ko‘rsatmalar berilib, mahalla yoshlariga biriktirildi.
Jumladan, "Ipak yo‘li” turizm va madaniy meros xalqaro universiteti birinchi prorektori J.Eltazarov ham o’ziga biriktirilgan “Kaftarxona” mahallasida istiqomat qiladigan Nu’manova Shahlo bilan bilan uchrashuv o‘tkazdi. Uchrashuv davomida birinchi prorektor J.Eltazarov Sh.Nu’manovaning murojaatlarini eshitib, ularni hal etish yuzasidan tegishli tashkilotlarga yo‘naltirdi.
Ushbu yilning 24-iyul kuni “Ipak yo‘li” turizm va madaniy meros xalqaro universitiga Xitoy-Shanghay hamkorlik tashkilotining iqtisodiyot va savdo instituti xalqaro hamkorlik va rivojlantirish bo‘limi direktor o‘rinbosari Wang Zezhi tashrif buyurdi. Mehmonni universitet birinchi prorektori, professor J.Eltazarov kutib oldi.
O‘zaro muloqot davomida mazkur tashkilotning ochilish tarixi, oliy ta’lim sohasida amalga oshirilishi mumkin bo‘lgan hamkorlik yo‘nalishlari, O‘zbekistonda turizm sanoatini rivojlantirishda Xitoy Xalq Respublikasi tomonidan taklif qilinayotgan dasturlar bo‘yicha ma’lumotlar berib o‘tildi. Shuningdek Xitoy-Shanghay hamkorlik tashkilotining iqtisodiyot va savdo instituti xalqaro hamkorlik va rivojlantirish bo‘limi direktor o‘rinbosari Wang Zezhi “Ipak yo‘li” turizm va madaniy meros xalqaro universitetida yaratilgan imkoniyatlar yuqori darajada ekanligini ta’kidladi.
Joriy yilning 22-iyul kuni Indoneziyaning 27 ta oliy ta’lim muassasalarida faoliyat ko‘rsatib kelayotgan professor, o‘qituvchilar Gunadarma universiteti rektori professor E.S.Margianti xonim boshchiligida “Ipak yo‘li” turizm va madaniy meros xalqaro universitetiga tashrif buyurdi.
Mehmonlarni universitet birinchi prorektori, professor J.Eltazarov kutib oldi va oliygohda olib borilayotgan ishlar bilan yaqindan tanishtirdi. Shuningdek muloqot davomida Indoneziya professorlar uyushmasi vakili professor Ari Purbayanto O‘zbekiston oliy ta’lim muassasalarining Indoneziya bilan hamkorlikda amalga oshirilayotgan loyihalari bo‘yicha o‘z fikrlari bilan o‘rtoqlashdi. Uchrashuvda “Ipak yo‘li” turizm va madaniy meros xalqaro universiteti bilan turizm sohasida kadrlar tayyorlashda hamkorlikni yo‘lga qo‘yish masalasi ham o‘rtaga tashlandi.
Uchrashuv yakunida mehmonlar ziyorat turizmi va halol turizm dasturi orqali O‘zbekistonga Indoneziyadan yanada ko‘proq turistlar oqimini yo‘naltirish lozimligini ta’kidlashdi.
Joriy yilning 20-iyul kuni Samarqand turizm va madaniy meros texnikumi bitiruvchilariga diplom topshirish marosimi bo‘lib o‘tdi. Tadbirda “Ipak yo‘li” turizm va madaniy meros xalqaro universiteti professional ta’lim muassasalari bilan ishlash bo‘limi boshlig‘i J.Xolboyev, “Amina travel” MCHJ rahbari S.Amonov va boshqalar ishtirok etdi va barcha bitiruvchilarni qutlab ularning kelgusi ishlarida omad yor bo‘lishini tiladi.
Joriy yilning 14-iyul kuni “Ipak yo‘li” turizm va madaniy meros xalqaro universitetining 2022-2023 o‘quv yillarida bitirgan bir guruh bitiruvchilari bilan viloyat hokimligi tashkiliy nazorat guruhi rahbari B.Rahmatullayev uchrashuv o‘tkazdi. Tadbirni universitet birinchi prorektori, professor J.Eltazarov olib bordi. Uchrashuvda so‘z olgan viloyat hokimligi tashkiliy nazorat guruhi rahbari B.Rahmatullaev bugungi kunda davlatimiz tomonidan yoshlarni ilm olib, yuqori marralarni egallashida barcha zarur shart-sharoitlar yaratib berilganligi, shu sababli viloyat rahbariyati tomonidan ham bitiruvchilarni ish bilan ta’minlanishi hamda o‘z biznesini yo‘lga qo‘yishda har tomonlama qo‘llab-quvvatlash haqida gapirdi. Muloqot chog‘ida oliygohning har bir bitiruvchisi bilan alohida suhbat qilinib, ularni qiziqtirgan savollarga javob berildi. Tadbir so‘ngida viloyat hokimligidan tashrif buyurgan mutasaddilar universitetimizning kutubxonasi bilan yaqindan tanishdi.
140104, O’zbekiston Respublikasi, Samarqand shahri, Universitet xiyoboni, 17
dummy+99866 240-67-68
dummy info@univ-silkroad.uz