Yangiliklar: Fevral 2025

Samarqand viloyati hokimi o‘rinbosari janob Rustam Qobilov “Ipak yo‘li” turizm va madaniy meros xalqaro universitetiga turizm va madaniy meros sohasi mutaxassislari uchun ma’ruza platformasida nutq so‘zlash uchun taklif qilindi. R.Qobilov “Samarqand viloyatida turizmni rivojlantirish strategiyasi” mavzusida ma’ruza qildi.

Ma’ruzada notiq Samarqandning turizm sohasi imkoniyatlarini batafsil tahlil qildi. O‘zbekistonning eng go‘zal va sirli shaharlaridan biri, Buyuk Ipak yo‘li chorrahasi joylashgan va 1500 mingdan ortiq me’moriy yodgorliklarga ega Samarqand madaniy turizm, gastronomik turizm, ekoturizmni rivojlantirish uchun mashhur maskan hisoblanadi.

Rustam Qobilov Samarqand shahrining kelajakdagi rivojlanishi haqida so‘z yuritar ekan, ko‘hna kentni sayyohlik markaziga aylantirish uchun hukumat tomonidan katta sa’yi-harakatlar qilinayotganini ta’kidladi.

Masalan, “SILK ROAD SAMARQAND” sayyohlik markazi, Samarqand xalqaro aeroporti qurilishi, shahar va sayyohlik qishloqlari bo‘ylab avtobuslar bilan sayohatlar bunga misol bo‘ladi. Bundan tashqari Samarqand oxirgi 3 yil ichida bir qancha yirik xalqaro tadbirlarga mezbonlik qildi. Shahar, shuningdek, yangi parvoz yo‘nalishlarini ochib, Rossiya, Xitoy, Yaponiya, Indoneziya va Erondan ko‘proq sayyohlarni jalb qilishinishiga muhim zamin yaratdi.

Seminarni universitetimiz prorektori, prof. T.Zou olib bordi. Tadbirda universitetimiz magistrantlari, aspirantlari Samarqand viloyatida turizmni rivojlantirish strategiyasini muhokama qilishda faol ishtirok etdilar.

Joriy yilning 3 fevral kuni “Ipak yo‘li” turizm va madaniy meros xalqaro universitetida turizm va madaniy meros sohasi mutaxassislari  uchun navbatdagi 4-ma’ruza va uning muhokamasi bo‘lib o‘tdi. Tadbirda asosiy ma’ruzani Aral Sea Discovery kompaniyasi bosh direktori Tazabay Uteuliyev o‘tkazdi va u Qoraqalpog‘istonda barqaror turizmga e’tibor qaratdi.

Tazabay Uteuliyev sobiq sovet irrigatsiya loyihalarining Orol dengizi ekotizimiga halokatli ta’sirini ta’kidladi, bu esa uning keskin qisqarishiga olib kelganligini aytdi. Notiq ayniqsa, Moʻynoq va Sudochi koʻlidagi ekologik oʻzgarishlarni alohida taʼkidladi. Bosh direktor ma’ruzachi turizmning rivojlanish tarixi va biznesi, Orolboʻyida turizmga yoʻnaltirilgan Aral Sea Discovery kompaniyasining rivojlanishi haqida gapirdi.

Seminarni universitetimiz fan va innovatsiyalar bo‘yicha prorektori Tongqian Zou olib bordi. Barcha ishtirokchilar turizmni kelgusida rivojlantirish va Orol dengizini ekologik jihatdan tiklash masalalarini muhokama qilib, faol muloqot qilishdi. Ushbu seminar barchaga Markaziy Osiyodagi 21-asr ekologik halokatini tushunishga yordam berish bilan birga universitetimiz va Qoraqalpog‘istondagi sayyohlik kompaniyalari o‘rtasida hamkorlik qilish uchun ajoyib platforma bo‘lib xizmat qiladi.

Sizni 2025-yil 10-fevral  kuni soat 15:30 dan 16:30 gacha 229-ma’ruza zalida bo‘lib o‘tadigan “Silk Road Samarkand” turistik markazining rivojlanish tarixi mavzusidagi ilmiy seminarga taklif qilamiz. Mazkur tadbir, Ilmiy tadqiqotlar va innovatsiya ishlari bo‘yicha prorektor, professor Tony Zou tomonidan tashkillashtirilmoqda. Tadbirda Janob Devid Ding, Silk Road by Minyoun kompaniyasi bosh direktori ma’ruza qiladi. Uchrashuv davomida “Silk Road Samarqand turistik” markazining rivojlanish yo‘li, amalga oshirilgan tashabbuslar va kelajakdagi rejalarga oid qimmatli ma’lumotlar taqdim etiladi.

Barcha qiziquvchilarni ushbu muhim ilmiy seminarda ishtirok etishga chorlaymiz!

        Bugun, 7-fevral kuni “Ipak yo‘li” turizm va madaniy meros xalqaro universiteti psixologi Dildora Turdiyeva tushkun vaziyatlardan chiqishga yordam beruvchi “Xayr, stress!” nomli motivatsion trening o‘tkazdi.

        Qiziqarli tarzda o‘tgan tadbirda zamonaviy kishi hayotining ajralmas qismiga aylanib ulgurgan stressning biz uchun ijobiy va salbiy tomonlari, undan xalos bo‘lish usullari haqida gapirildi. Turli relaksatsion mashqlar ichki zo‘riqishning oldini oluvchi, emotsional balans va xotirjamlikka eltuvchi ajoyib vosita bo‘ldi. Trening davomida o‘zaro guruhiy munosabatlarni yaxshilashga erishish, guruhda sog‘lom raqobat muhitini shakllantirish maqsadida tashkil etilgan rolli va harakatli o‘yinlar barcha ishtirokchilarga pozitiv kayfiyat ulashdi.

        Ish unumdorligi, birinchi navbatda, insonning ruhiy holatiga bog‘liq. Zero, qalb xotirjam, ruhiyat sog‘lom bo‘lsa, qolgan barcha faoliyati samarali va ijobiy kechadi. Dildora Turdiyeva tomonidan o‘tkazilgan motivatsion trening maqsadi ham shu edi.

Joriy yilning 6-fevral kuni  Jizzax viloyati turizm boshqarmasi boshlig'i o'rinbosari Egamberdiev Azizbek Nuridillaevich boshchiligida viloyatda turizm sohasida faoliyat yuritayotgan tadbirkorlik subyektlari uchun universitetimizda o‘tkazilgan seminar trening doirasida mehmonlar oliygohimiz prorektori, prof. T.Zou bilan uchrashib yaqindan muloqot o‘tkazishdi.

Uchrashuvda prof. T.Zou ham turistik sohada o‘zining ilmiy-amaliy tavsiyalarini berish bilan birga, Xitoy davlatida ham Jizzax viloyatining turizm salohiyatini keng targ‘ib qilish, tadbirkorlik subyektlarini xitoylik turistik kompaniyalar bilan hamkorlik aloqalarini o‘rnatish kabi masalalar muhokama qilindi.

   Universitetimizda o‘tkazilgan seminar-trening darslari va undagi amaliy tavsiyalar, uchrashuvlar, universitet hayoti bilan yaqindan tanishish jizzaxlik tadbirkorlar faoliyatida muhim qadam bo‘lib xizmat qilishi bilan ahamiyatli bo‘ldi. 

Seminar trening so‘nggida mehmonlar ushbu seminar-trening darslarini tashkil qilgan tashkilotchilarga va tavsiyalari bilan o‘rtoqlashgan moderatorlarga o‘z minnatdorchiligini bildirishdi.

“O‘zbekiston Respublikasi Oliy ta’lim fan va innovatsiyalar vazirligining 2024-yil 11-noyabrdagi 428-sonli buyrug‘i asosida talaba-yoshlar o‘rtasida tashkil qilingan “Jadidlar jasorati – millatimiz faxri” hamda “Jadidlar: milliylik, o‘zlik, istiqlol va davlatchilik g‘oyalari” mavzularidagi insholar tanlovining mintaqaviy bosqichida “Ipak yo‘li” turizm va madaniy meros xalqaro universiteti Gid-123 guruh, Gid hamrohligi. va tarjimonlik yo‘nalishi 2-bosqich talabasi S.Barisova ishtirok etdi.

Talabamiz o‘z inshosida jadidlarimizning hayot yo‘li, ular tomonidan ilgari surilgan yangi g‘oyalar bayon qilingan. Insholar tanlovida faol ishtirok etgan talabamiz g‘oliblar safida e’tirof qilinishiga tilakdoshmiz.

Kuala-Lumpur, Malayziya

"Ipak yo‘li" turizm va madaniy meros xalqaro universiteti Malayziyaning Kuala-Lumpur shahrida bo‘lib o‘tgan "Birinchi Malayziya – O‘zbekiston oliy ta’lim muassasalari forumi va ko‘rgazmasi"da muvaffaqiyatli ishtirok etdi. Ushbu nufuzli tadbir Malayziya va O‘zbekiston universitetlari o‘rtasida ilmiy-ta’limiy hamkorlikni mustahkamlash, akademik almashinuv dasturlarini rivojlantirish hamda ikki davlat ta’lim tizimi o‘rtasidagi tajriba almashinuvini kengaytirish maqsadida tashkil etildi.

Universitetimiz delegatsiyasi forum doirasida Malayziyaning yetakchi oliy ta’lim muassasalari vakillari bilan uchrashib, qo‘shma ta’lim dasturlarini yo‘lga qo‘yish, ilmiy loyihalar va talabalarning akademik almashinuvini rivojlantirish masalalarini muhokama qildi. Bular jumlasidan,

- Malayziya texnologiya universiteti bilan turizm sanoatini rivojlantirishda zamonaviy texnologiyalardan foydalanish yo‘nalishida hamkorlik;

- Malayzia Sains Islom universitet (USIM) bilan “Ipak yo‘li” turizm va madaniy meros xalqaro universiteti qoshidagi Ipak yo‘li xalqaro taqdiqotlar instituti o‘rtasida O‘zbekistondagi madaniy meros obyektlarini restavratsiya va konservatsiya qilish, yangi o‘rganilayotgan tarixiy bionalarni elektron shakllarini yaratish, modellashtirish va 3D fotosuratlarini yaratish bo‘yicha loyihada hamkorlik qilish;

- Malaya universitetining Biznes va iqtisodiyot fakulteti bilan bakalavr va magistraturada tahsil oluvchi talabalar uchun almashinuv dasturini yo‘lga qo‘yish.

Shuningdek, tashkil etilgan ko‘rgazmada universitetimizning ta’lim dasturlari, xalqaro hamkorlik loyihalari hamda talabalar uchun yaratilgan imkoniyatlar keng namoyish etildi.

Mazkur forum O‘zbekiston va Malayziya ta’lim tizimlari o‘rtasidagi hamkorlikni yangi bosqichga olib chiqish, innovatsion ta’lim yondashuvlarini joriy etish va xalqaro ta’lim maydonida yangi strategik sheriklik munosabatlarini yo‘lga qo‘yishda muhim platforma bo‘ldi.

“Ipak yo‘li” universiteti xalqaro hamkorlik doirasini kengaytirishda davom etadi!

#IpakYo‘liUniversiteti #MalayziyaO‘zbekistonForumi #XalqaroHamkorlik #HigherEducation

Bugun 5-fevral sanasida “Ipak yo‘li” turizm va madaniy meros xalqaro universitetida “Biz yoshlar - giyohvandlikka qarshimiz” mavzusida tadbirlar tashkil etildi.

Jumladan, universitet iqtidorli talabalari ishtirokida mavzu doirasida rasmlar tanlovi tashkil etildi. Undan tashqari universitetda “Giyohvandlikka qarshi kurash oyligi” doirasida “Biz yoshlar - giyohvandlikka qarshimiz” mavzusida targ‘ibot tadbiri tashkil etildi.

Tadbirda Samarqand viloyat IIB tezkor qidiruv xizmati jinoyat qidiruv boshqarmasi Giyohvandlikka qarshi ko‘rashish bo‘limi xodimlari R.S.Qobilov hamda M.Q.Axmedovlar tomonidan “Giyohvandlik va OITS — asr vabosi” mavzusida universitet talabalariga giyohvandlikka qarshi kurashish, uning salbiy oqibatlari haqida batafsil ma’lumotlar berildi. Uchrashuv davomida talabalar o‘zlarini qiziqtirgan savollarga javob olishdi.  

Сегодня, 4 февраля, профессиональные повара всемирно известной Международной кулинарной академии "Le Cordon Bleu Paris" провели специальный мастер-класс в Самаркандской академии туризма UNWTO. Мастер-класс возглавил Эрих Руппен, технический директор и кулинарный специалист академии Le Cordon Bleu в Стамбуле, опытный швейцарский повар. В мероприятии приняли участие шеф-повара и их помощники из кафе, ресторанов и гостиниц Самарканда, работающих в сфере гастрономического туризма, а также студенты Самаркандского техникума туризма и культурного наследия. Конечно, процесс приготовления различных блюд специалистами, приехавшими из Франции, был очень интересен всем профессионалам отрасли. В ходе мастер-класса предоставлялась информация о процессе приготовления блюд.
Для справки, на сегодняшний день 54 гражданина Республики Узбекистан обучались в кулинарной школе "Le Cordon Bleu Paris" во Франции и сейчас активно работают в кулинарной сфере в различных регионах республики.

Muhtaram Prezidentimiz Shavkat Mirziyoyevning Malayziyaga rasmiy tashrifi doirasida Malayziyaning Perak shtatida “Barqaror rivojlanish maqsadlariga erishishda oliy ta’lim sohasidagi imkoniyatlar va tashabbuslar” mavzusida O‘zbekiston-Malayziya birinchi ta’lim forumida universitetimiz vakillari Samarqandning turizm salohiyati va oliygohimizda xorijiy hamda mahalliy talabalarga yaratilgan shart-sharoitlar, turizm sohasiga malakali mutaxassislar tayyorlash borasidagi amaliy ishlarni targ‘ib qilmoqda. Ahamiyatlisi, forum ishtirokchilari universitetimiz faoliyati bilan yaqindan tanishib, unga bo‘lgan  qiziqishi ortmoqda.  

Ma’lumot  uchun, ushbu forum doirasida ta’lim va ilm-fan sohasida qo‘shma loyihalarni amalga oshirish bo‘yicha kelishuvlarga erishilishi hamda ikki davlat universitetlari o‘rtasida hamkorlik shartnomalari imzolanishi kutilmoqda.