Yangiliklar: Noyabr 2023

Mamlakatimiz miqyosida sportning ommaviyligini ta’minlash, bolalar sportini xususan xotin-qizlar sportini rivojlantirishga alohida e’tibor qaratilishida eng ezgu maqsad yurtimiz farzandlarining sogʻlom dunyoga kelishi, ulgʻayishi, tarbiya topishi va pirovard maqsadda millat genofonini yaxshilash maqsadi mujassamdir.

Ana shunday ezgu maqsadlarni amalga oshirish maqsadida  “Ipak yo‘li” turizm va madaniy meros xalqaro universitetida 2023-yilning 20-noyabr kuni universitet xotin-qizlar kengashi raisi M.Abbasova va sport klubi mas’ullari tomonidan      xotin-qizlar o‘rtasida sog‘lom turmush tarzini shakillantirish, barvaqt turli kasalliklarni oldini olish, ommaviy sportning inson va oila hayotidagi muhim ahamiyatini targ‘ib etish maqsadida unversitetda faoliyat yuritayotgan professor-o‘qituvchilar, xodimalar o‘rtasida sportning shaxmat, shashka, stol tennisi turlari bo‘yicha musoboqalar va tahsil olayotgan talaba-qizlar o‘rtasida yugurish marafoni tashkil etildi.

Universitetimizda talaba-yoshlarning bo‘sh vaqtini mazmunli tashkil qilish maqsadida qator amaliy ishlar olib borilmoqda. Joriy yilning 21-noyabr kuni “Ipak yo‘li” turizm va madaniy meros xalqaro universiteti tyutori G. Xusainova tomonidan birinchi bosqich talabalari uchun “MOVIE DAY - Kino kuni” tashkil qilindi. Talabalar Samarqand shahridagi “Sharq yulduzi” kinoteatrida bo‘lib u yerda “O‘zbek qizi” filmini tomosha qilishdi.

Prezidentimiz tomonidan yoshlar ma’naviyatini yuksaltirish va ularning bo‘sh vaqtini mazmunli tashkil etish bo‘yicha ilgari surilgan 5 ta muhim tashabbusdan biri - yoshlar o‘rtasida kitobxonlikni keng targ‘ib qilish borasida “Ipak yo‘li” turizm va madaniy meros xalqaro universitetida bir qancha ishlar amalga oshirilmoqda.

Joriy yilning 21 – noyabr kuni “Ipak yo‘li” turizm va madaniy meros xalqaro universiteti universitet tyutori G.Husainova tomonidan “Kitob-ma’naviyat ko‘zgusi” mavzusida birinchi bosqich talabalari uchun A.S.Pushkin nomidagi Samarqand viloyat axborot-kutubxona markazida tadbir o‘tkazildi. Talabalar o‘zbek, rus, ingliz tilida mashhur mualliflarning she’rlaridan o‘qib berishdi. Universitet talabalarining iqtidori va aktyorlik mahorati yoshlarda alohida qiziqish uyg‘otdi. Ishtirokchilarning har biri lirik asardagi his-tuyg‘u va kayfiyatni berishga harakat qilishdi. Tadbir davomida talabalar o‘zlari so‘nggi yillarda o‘qilgan kitoblar haqidagi taassurotlari bilan o‘rtoqlashdi. Shuningdek, aqliy hujum paytida talabalar “Book Lover” mavzusida so‘z va maqollarni uslubiy tahlil qildilar.

Joriy yilning 20- noyabr kuni universitetimiz “Turizm menejmenti” kafedrasi o’qituvchisi Dilrabo Mardonova va to'rtinchi bosqich Tourism 120-guruh talabalari Samarqand shahridagi "Alexander" mehmonxonasida "Mehmondo'stlikda iste'molchi xizmatlarini boshqarish ” fanidan talabalar bilan birgalikda mehmonxonada ko'rsatiladigan xizmatlar turlari, xonalar soni va turiga qarab narxlarning farqlanishini, ko'rsatiladigan asosiy va qo'shimcha xizmatlar haqida batafsil ma'lumotlar olishdi. Bundan ko‘zlangan maqsad talaba yoshlarimizni turizm sohasida mehmonlarni joylashtirish, ularga yuqori darajada servis xizmatlarini ko‘rsatish amaliyotlari bilan yaqindan tanishish va o‘z ko‘nikmalarini oshirishdan iborat.

Kuz – qish mavsumi eshik qoqib kirib kelishi bilan tabiiy va texnogen tusdagi ofatlarni xavsizligini ta’minlash yanada dolzarb masalaga aylanadi. Ayni ushbu masalalarga aholining e’tiborini qaratish va favqulodda vaziyatlarni oldini olish maqsadida mamlakatimizda joriy yilning 15-noyabr kunidan 15-dekabr kuniga qadar “Yong‘in xavfsizligi oyligi” uyushqoqlik bilan o‘tkazilishi e’lon qilindi.

Shu munosabat bilan joriy yilning 20-noyabr kuni Samarqand viloyat Favqulodda vaziyatlar boshqarmasi boshlig‘i o‘rinbosari Umid Axrorov va boshqarma xodimlari bilan hamkorlikda “Ipak yo‘li” turizm va madaniy meros xalqaro universiteti talabalari uchun “Yong‘in xavfsizligi oyligi” doirasida profilaktik tadbir tashkil etildi.

Tadbirda so‘zga chiqqan Umid Axrorov yong‘inlar va favqulodda vaziyatlarni oldini olish, texnika xavfsizligi qoidalari, fuqaro muhofazasi, yong‘in xavfsizligi qoidalariga amal qilish, yong‘in sodir bo‘lganda harakatlanish tartib-qoidalari, fuqarolarning hayoti va sog‘ligiga jiddiy xavf solib kelayotgan iz gazidan zaharlanish va uning salbiy oqibatlari xususida gapirib, yong‘inlar va turli ko‘ngilsiz hodisalarning oldini olish borasida o‘z fikr-mulohazalarini bildirdi.

2023-yilning 18-noyabr sanasida O‘zbekiston Respublikasi Davlat bayrog‘i qabul qilinganligining 32 yilligi munosabati bilan universitet talabalari o‘rtasida sportning mini futbol turi bo‘yicha “Rektor kubogi” hamda Talabalar ligasi saralash musobaqalari tashkil etildi.

Musobaqa murosasiz bahslarga boy tarzda o‘tdi. Yakunda to‘rtinchi bosqich talabalaridan iborat “Unity” jamoasi 3-o‘rinni, birinchi bosqich talabalaridan iborat “Counter team” jamoasi 2-o‘rinni, 4-bosqich talabalaridan iborat “Eagles” jamoasi esa birinchi o‘rinni qo‘lga kiritdi.  

Joriy yilning 17-noyabr kuni “Ipak yo‘li” turizm va madaniy meros xalqaro universiteti xotin-qizlar maslahat kengashi tomonidan “Ayollarni tazyiq va zo‘ravonlikdan himoya qilish: oilada, jamiyatda va davlat idoralarida” navbatdagi yig‘ilish o‘tkazildi. Tadbirda xotin-qizlardan iborat universitetimiz ishchi, xizmatchilari ishtirok etishdi. Yig‘ilishda so‘z olgan universitet xotin-qizlar maslahat kengashi raisi M.Abbasova bugungi kunda Yangi Konstitutsiyada xotin-qizlarni jamiyatda tutgan o‘rnini mustahkamlash maqsadida qabul qilingan qonunlar haqida to‘liq ma’lumot berdi. Bundan tashqari tadbirda universitet yuristi F.Boboyev, Yoshlar bilan mahallabay ishlash va tadbirlar bo‘limi boshlig‘i N.Abduvaxidova, “Turizm menejmenti” fakulteti dekani R.Toshniyozova, oliygoh kasaba uyushmasi boshlang‘ich tashkiloti raisi S.Matlabov va universitet psixologi D.Turdieva tomonidan jamiyatda xotin-qizlar huquqlarini himoya qilish borasida fikrlar bildirildi. Yig‘ilishda mavzu yuzasidan berilgan savollarga javob qaytarildi.

Hurmatli universitetimiz professor-o‘qituvchilari, xodimlari hamda talabalari sizlarni Vatanimizning muhim ramzlaridan biri bo‘lgan Davlatimiz Bayrog‘i qabul qilinganligi munosabati bilan chin yurakdan muborakbod etamiz.

Barchamiz uchun vatanimizning muqaddas ramzi – Davlat bayrog‘i aziz bo‘lib, u erkimizning eng muhim timsolidir. O‘zbekistonliklarning asriy orzu-istaklarini, g‘ayrati va shijoatini, xalqimizga xos mehmondo‘stlikni, ajdodlar yodi hamda millat g‘ururini mujassam etgan bayrog‘imiz Vatanimiz ertasini, kuch va qudratini aks ettirishda bardavom bo‘lsin!

Hurmat bilan, “Ipak yo‘li” turizm va madaniy meros xalqaro universiteti

Davlat bayrogʻi – mamlakat davlat suverenitetining ramzi hisoblanib, u yer yuzining shu sarhadlarida mustaqil Oʻzbekiston davlati borligini anglatadi va oʻzida milliy-madaniy anʼanalarimizni mujassamlashtiradi.

Yuksak-yuksaklarda hilpirab, muvaffaqiyat mayog‘i bo‘layotgan O‘zbekiston Respublikasi bayrog‘i tashkil etilganligining 32 yilligi munosabati bilan “Ipak yo‘li” xalqaro turizm va madaniy merosi universiteti talabalari va tyutorlari  “Hilpiraydi bayrog‘im” shiori ostida fleshmobda ishtirok etishdi.

Shuningdek universitet tyutorlari G.Hasanova, S.Abbasova, M.Raupova, P.Islomov hamda Yoshlar bilan mahallabay ishlash va tadbirlar boʻlimi tomonidan  Oʻzbekiston Respublikasining “Davlat bayrogʻi toʻgʻrisida”gi qonuni qabul qilinganligining 32 yilligi munosabati bilan insholar tanlovi oʻtkazildi. “Mening bayrogʻim, mening magʻrur” mavzusida talabalar davlat bayrogʻi millat gʻururi ekani haqida mustaqil fikrlarini bayon qilishdi.

Talabalar ishtirokida tashkil etilayotgan fleshmob hamda tadbirlar ulardagi davlat ramzlariga bo‘lgan hurmat va ehtiromni kuchaytirishga xizmat qiladi.

Joriy yilning 15-noyabr kuni “Ipak yo’li turizm xalqaro universiteti” da “O‘zbekiston – bag‘rikenglik, hurmat, muloqot va turli madaniyatlar, sivilizatsiyalar va xalqlar o‘rtasidagi o‘zaro munosabatlarni rivojlantirgan yurtdir” mavzusida tadbir bo’lib  o‘tdi. Tadbirda universitetimiz prorektori, prof. J.Hoffmann va universitetning iqtidorli talabalari ishtirok etishdi. “Bag‘rikenglik haftaligi” ni o‘tkazish yuzasidan J.Hoffman so‘z olib, bugungi kunda O‘zbekistonda umuminsoniy qadriyatlarni asrab-avaylash, xalqlar o‘rtasida samimiy do‘stlik rishtalarini bog‘lash borasida amaliy qadamlar tashlanganligi xususida gapirdi. Shuni alohida ta’kidlash o‘rinliki, bag‘rikenlik, millatlar o‘rtasidagi o‘zaro totuvlik rishtalarini mustahkamlash mamlakatimiz qonunlarida ham belgilab qo‘yilgan. Bugungi kunda “Ipak yo‘li” turizm va madaniy meros xalqaro universitetida ham dunyoning aksariyat davlatlaridan professor-o‘qituvchilar bilan birga, talaba-yoshlar ham ta’lim olishmoqda. Ularning yurtimizda emin-erkin faoliyat olib borishlari uchun barcha shart-sharoit va imkoniyatlar yaratib berilgan.

Shuningdek tadbirda bag‘rikenglik kuni mamlakatimizda istiqomat qilayotgan ko‘pgina millatlar o‘rtasidagi o‘zaro hurmatning o‘ziga xos ifodasi ekanligi xususida aytildi.