O‘zbek adabiyotining bugungi taraqqiyotida qariyb 90 yillik tarixga ega bo‘lgan, mamlakatimizdagi nufuzli ijodiy tashkilotlardan biri hisoblanadigan O‘zbekiston Yozuvchilar uyushmasining munosib o‘rni bor. Mustabid tuzum davridagi turli mafkuraviy tazyiqlarga qaramasdan, ushbu ijodiy uyushma millatimizning ruhi bo‘lgan ona tilimiz, azaliy qadriyatlarimizni saqlab qolish va avlodlarga bezavol yetkazish, xalqimizning ong-u tafakkurini yuksaltirish, mustaqilligimizning ma’naviy asoslarini yaratish, so‘z san’atkorlarini birlashtirish, ularning manfaatlarini himoya qilish, yosh iste’dod egalarining salohiyatini ro‘yobga chiqarish borasida munosib ishlarni amalga oshirdi.
O‘zbekiston Respublikasi Prezidenti Administratsiyasi, O‘zbekiston Respublikasi Vazirlar Mahkamasi, vazirliklar, O‘zbekiston Respublikasi Fanlar akademiyasi, Respublika ma’naviyat va ma’rifat markazi, jamg‘armalar, ilmiy va ijodiy uyushmalar, davlat hamda jamoat tashkilotlari bilan hamkorlikda faoliyat olib boradigan O‘zbekiston Yozuvchilar uyushmasining hozirgi kunda jami 644 nafar a’zosi bor.
“Ipak yo‘li” turizm va madaniy meros xalqaro universiteti Birinchi prorektori filologiya fanlari doktori, professor Jo‘liboy Eltazarov ona tilimiz, tariximiz, madaniyatimiz bilan bog‘liq azaliy qadriyatlarimizni saqlab qolish va avlodlarga bezavol yetkazish, xalqimizning ong-u tafakkurini yuksaltirish borasida O‘zbekiston va chet ellarda e’lon qilgan 20 dan ortiq kitoblari, yuzlab ilmiy va ilmiy-ommabop maqolalari uchun O‘zbekiston Yozuvchilar uyushmasi Boshqaruvining tegishli qaroriga asosan, “O‘ZBEKISTON YOZUVCHILAR UYUSHMASI”ga a’zo etib saylandi.
A’zolik guvohnomasi senator Farmon Toshev va O‘zbekiston Yozuvchilar uyushmasi Samarqand filiali rahbari Toshpo‘lat Tugalov tomonidan taqdim etildi.
Qayd etib o‘tish kerakki, olim bir nechta Xalqaro ilmiy uyushmalar a’zosidir. Jumladan, 2020-yilda u M.K.Otaturk tomonidan asos solingan Turk Dil Kurumuga (Türk tili akademiyasi) muxbir a’zo etib saylangan edi.

Mirzo Ulugʼbek nomidagi Oʼzbekiston Milliy universiteti G.V.Plexanov nomidagi Rossiya iqtisodiyot universitetining Toshkent filiali, ALFRAGANUS universiteti, Necmettin Erbakan universiteti, Аhmad Yassaviy nomidagi universiteti, Bremerhaven amaliy fanlar universiteti va Praga menejment texnologiya instituti bilan hamkorlikda 2023 yilning 2-3 may kunlari “Inson kapitalini rivojlantirish milliy iqtisodiyot barqarorligi omili” mavzusida xalqaro ilmiy-amaliy konferentsiyani tashkil etmoqda.

Axborot xati ilova qilinadi.

“Ipak yo‘li” turizm va madaniy meros xalqaro universiteti Xotin-qizlar kengashi a‘zolari tomonidan sadoqat saroyining mangu malikasi, xassos ijodkor, nafosatli ayol, O’zbekiston xalq shoirasi Zulfiyaxonim tavalludining 108 yilligiga  bag‘ishlangan “Bahor keldi seni so‘roqlab” nomli ma’naviy-ma’rifiy tadbir tashkil etildi.

 Tadbirni “Ipak yo‘li” turizm va madaniy meros xalqaro universiteti birinchi prorektori Jo’liboy Eltazarov ochib, o‘zbek adabiyoti, chunonchi she’riyatiga to‘xtalib, uning ustunlari bo‘lmish o‘lmas daholar ijodi va hayoti to‘g‘risida qiziqarli ma’lumotlar bilan o‘rtoqlashdi. Shundan so‘ng so‘z “Zarafshon” gazetasi bosh muharriri, O‘zbekiston Respublikasi Oliy Majlisi Senatining Mudofaa va xavfsizlik masalalari qo‘mitasi a‘zosi Farmon Toshyevga berildi. Asli ijodkor, bir qancha nasriy va nazmiy to‘plamlar muallifi bo‘lgan senatorning talaba yoshlar bilan interaktiv tarzda o‘tgan muloqoti tadbirga o‘zgacha ko‘rk bag‘ishladi. Viktorinada faol qatnashgan va to‘g‘ri javoblarni bergan talabalarga kitob sovg‘a qilindi.

O‘zbekiston yozuvchilar uyushmasi viloyat bo‘limi rahbari Toshpulat Tugalov ijodkor yoshlarga yaratilgan sharoitlar, imkoniyatlar haqida gapirib, qobiliyatli talabalarni hamkorlikka chaqirdi. O‘zbekiston yozuvchilar uyushmasi a’zosi shoira Zulfiya Isroilovaning Samarqandlik sevimli shogirdi Hamidahon Karimova o‘z ustozi bilan bog‘liq yorqin xotiralarni to‘lqinlanib gapirdi.

Tadbirda universitet Xotin-qizlar Kengashi qoshida tashkil etilgan “lider qizlar” klubi a‘zolari, talabalar Parlamenti prezidenti hamda a‘zolari faol ishtirok etishdi. Talabalar tomonidan Zulfiyaxonim she’riyati turli tillarda o‘qildi, hayotiga bag‘ishlangan sahna ko‘rinishi, Zulfiyaxonim izdoshi - Iqtidorli va ijodkor talaba-qizlarimizning ijodlaridan namunalar tinglandi.

2023-yilning 20-23-sentabr kunlari Turkiy xalqlar matematika jamiyati (TWMS) Qozog‘iston Respublikasi Fan va oliy ta’lim vazirligi, Turkiston viloyati hokimligi va H.A.Yassaviy nomidagi Xalqaro qozoq-turk universiteti ko‘magida (IKTU)) VII Butunjahon Turk dunyosi matematiklari kongressini (TWMS Congress-2023) o‘tkazadi.

2023-2025-o‘quv yili uchun “Ipak yo‘li” turizm va madaniy meros xalqaro universitetiga Oliy ta’limdan keyingi ta’lim institutlariga mustaqil izlanuvchilikka o‘qishga hujjat topshirgan tadqiqotchilar diqqatiga. 2023-yil 1-mart kuni soat 14:30 da universitetimizda mustaqil izlanuvchilikka (PhD) o‘qishga kirish uchun talabgorlar bilan suhbat bo‘lib o‘tadi.

“Ipak yo‘li” turizm va madaniy meros xalqaro universitetida mustaqil izlanuvchilikka kirish uchun suhbat o‘tkazish

JADVALI

          Talabgorlardan suhbat o‘tkaziladigan paytdan yarim soat oldin imtihon o‘tkaziladigan joyga o‘zlarining shaxslarini tasdiqlovchi hujjat (passport) bilan kelishlari so‘raladi.

1997 yilning 29 avgustida qabul qilingan Kadrlar tayyorlash milliy dasturi asosida mamlakatimizda uzluksiz ta’limning yangi mexanizmi ishlab chiqildi. Dastur ijrosini amalda ta’minlash maqsadida 2021/2022 o‘quv yilida “Ipak yo‘li” turizm va madaniy meros xalqaro universitetiga turizm tizimining eng muhim bo‘g‘inlaridan biri bo‘lgan “Ijodiy sanoat: muzeyshunoslik” magistratura mutaxassisligiga talabalar o‘qishga qabul qilingan edi. Bugun universitetda ushbu mutaxassislikni bitirgan ilk magistrlarga magistrlik diplomini topshirish tantanali marosimi bo‘lib o‘tdi.

    Tadbirni  «Ipak yo‘li» turizm va madaniy meros xalqaro universiteti rektori A.Abduxakimov kirish so‘zi bilan ochib berar ekan, quyidagi fikrlarni bildirdi: “Har bir bitiruvchi hayotida magistr diplomini qo‘lga kiritishi juda muhim voqea hisoblanadi. Bu nafaqat oliy ma’lumot to‘g‘risidagi hujjat, balki o‘zining intilishlari, harakatlari, erishgan natijalari uchun yuqori javobgarlik belgisidir. Professor-o‘qituvchilarimiz sizga ko‘p narsani o‘rgatishdi, bilim olish uchun qat’iy intilish va uni amalda qo‘llash, qiyinchiliklarni yengish va mustaqil bo‘lish, doimo o‘z-o‘zini rivojlantirish istagini uyg‘otdi. Umidlarimizni oqlashingizga ishonamiz va biz siz bilan faxrlanamiz. Endi siz hayotingizning yangi sahifasini, ya’ni professional karerangizni boshlaysiz. O‘zingizga ishoning. Orzularingizni ro‘yobga chiqarishda intiluvchan va mas’uliyatli bo‘ling. “Ipak yo‘li” turizm va madaniy meros xalqaro universitetining diplomi bu yo‘lda sizning ishonchli tayanchingiz bo‘lsin».

Shuningdek, universitet rektori oliy ta’lim tizimida magistratura bosqichining o‘rni va ahamiyati, respublikamizda madaniy merosga qaratilayotgan e’tibor va uning turizm sohasini rivojlantirishda tutgan o‘rni, muzeyshunoslik kasbi haqida batafsil to‘xtalib o‘tgandan so‘ng, uzoq, mashaqqatli, ayni paytda sharafli ilm yo‘lini bosib o‘tgan bitiruvchi magistrlarga diplomlarni tantanali ravishda topshirdi.

 Bundan tashqari, tantanali tadbirda universitet birinchi prorektori J.Eltazarov, o‘quv ishlari prorektori J.Xoffman, ilmiy ishlar bo‘yicha prorektor T.Szi, universitet jamoasi va magistratura bosqichi bitiruvchilarining ota-onalari, oila a’zolari ishtirok etishdi.

Universitetimizning “Turizm menejmenti” kafedrasi mudiri, Iqtisodiyot fanlari bo‘yicha falsafa doktori (PhD), Akmaljon Odilovich Odilov Hindiston hukumati tomonidan to‘liq moliyalashtiriluvchi grant dasturi g‘olibi bo‘ldi.

“Ijodiy va innovatsion tashkilotni rivojlantirish” (Developing Creative and Innovative Organization) mavzusida Hindistonning ilg‘or universitetlarida tajriba orttirib kelish imkoni beruvchi mazkur grant dastur orqali orttrilgan bilim va  tajribamni jonajon yurtimiz rivojiga, qolaversa, universitetimizni rivojlantirishga safarbar etaman deydi, grant g‘olibi, PhD, Akmaljon Odilov.

Dastur doirasida do‘st Hindiston tomoniga yurtimiz va uning turizm salohiyati haqida turkum ma’lumotlar berilishi nazarda tutilgan.